Авионскиот превоз на патници од и до Македонија побрзо закрепнал од пандемијата во однос на копнениот

Во 2019,  како последна „нормална“ година пред пандемијата, бројот на превезени патници во копнен патнички превоз во вториот квартал изнесувал 1,71 милиони, што значи дека годинава бројката е помала за речиси 50% – доказ дека патничкиот сообраќај треба уште доста да закрепнува за да се врати на предпандемиските нивоа.

Во патничкиот копнен превоз во Македонија (автобуси, комбиња, итн.), измерен е поголем број на превезени патници годинава, односно 893 илјади вкупно, што е за речиси 60% повеќе во однос на првиот квартал лани, покажува државната статистика. Ова е разбирливо, со оглед на тоа што лани во односниот период  се уште владееја протоколите за заштита од Ковид и интензитетот на патничкиот сообраќај беше значително намален во однос на нормалниот, иако зголемен во однос на 2020, кога практично беше замрен поради пандемијата.

Во 2019,  како последна „нормална“ година пред пандемијата, бројот на превезени патници во вториот квартал изнесувал 1,71 милиони, што значи дека годинава бројката е помала за речиси 50% – доказ дека патничкиот сообраќај треба уште доста да закрепнува за да се врати на предпандемиските нивоа.

Во воздухопловниот транспорт  на патници, во вториот квартал годинава превезени се без малку 600 илјади патници, што е за 2,5 пати повеќе во однос на истиот период лани. Од Македонија се испратени 290 илјади патници, а пристигнати се 309 илјади патници.

Превозот на патници со авион многу побрзо закрепнал после пандемискиот застој во однос на патничкиот копнен превоз, бидејќи во 2019 година, вкупната бројка на превезени патници во вториот квартал  од и до земјава била 680 илјади, што е за само 13% повеќе од годинава.

Количината на превезени стоки во товарен патен превоз во Македонија во вториот квартал годинава е помала за 3,3% во однос на истиот период лани, и изнесува 20,2 милиони тони, покажува државната статистика. Во однос, пак, на првиот квартал од 20222, количината на превезени стоки поголема за 28,7%. Во однос на минатата година намален е превозот за сопствени потреби за речиси 35%, додека превозот за трети лица со камиони и други возила од патен сообраќај е поголем за 162%.

Ако повторно ја земеме и тука како репер 2019 година, количината на превезени стоки во товарен патен превоз годинава е дури и поголема за 21%, а карактеристично е што и во првата година од пандемијата, количината на превезени стоки во патен превоз не е драстично падната.  Стоките за широка потрошувачка мора да се достапни, народот мора да јаде, пие, одржува хигиена, дали било пандемија или не.

Во железничкиот превоз, количината на превезени стоки е намалена за речиси 30% во однос на вториот квартал лани, а во однос на првиот квартал годинава, за 3,4%. Ова не е ни чудно со оглед на проблемите во јавното претпријатие за железници со загубите, штрајковите, застоите во возниот ред, итн.

Опаѓа и количината на превезена пошта, односно, за 14% споредено со прв квартал лани, и за 15% во однос на првиот квартал.