Connect with us

свет

Автомобилската индустрија се граба за литиум – поскапен е 700% за две години

објавено

на

Употребата на литиум во батериите на електричните автомобили ја стави оваа суровина  во центарот на немилосрдната глобална конкуренција додека таа се обидува да ја обезбеди својата иднина, но исто така ги вовлече државите  во трка за зголемување и зачувување на залихите, објави Financial Times.

Побарувачката за електрични автомобили во светот се зголемува, а со тоа и нивните производители се соочуваат со зголемени предизвици во обидот да постигнат најдобри можни резултати на пазар чиј потенцијал е огромен. Она што претставува проблем за започнување на револуцијата на електричните автомобили е обезбедувањето на литиумот потребен за производство до крајот на 2030 година.

Употребата на литиум во батериите на електричните автомобили ја стави оваа суровина  во центарот на немилосрдната глобална конкуренција додека таа се обидува да ја обезбеди својата иднина, но исто така ги вовлече државите  во трка за зголемување и зачувување на залихите, објави Financial Times.

Големите производители на автомобили, од Stellantis до BMW, изминатиов период инвестираа многу во нови стартапи поврзани со литиум.
Ваквите влогови се јасен показател за притисокот со кој се соочува индустријата за време на масовната транзиција кон електрични возила, а бројките го потврдуваат тоа. Минатата недела General Motors објави дека на уште еден  производител на литиум, Livento,  ќе му исплати аванс дури 200 милиони долари за да  обезбеди доволно залихи на литиум за производство.

Кент Мастерс, извршен директор на Albemarle, американска хемиска компанија која е еден од најголемите добавувачи на литиум на производителите на електрични возила, рече дека пазарот ќе продолжи да чувствува голема тензија и покрај сите напори да се ослободи што повеќе метал.

„Таквиот предизвик е систематски во прилично долг временски период. Следните седум до осум години ќе бидат многу напнати за производителите“,  вели  Мастерс.

Цените до плафон

 Прогнозата на Albemarle, компанија со седиште во Шарлот, Северна Каролина, која ги вбројува Tesla и другите големи производители на автомобили меѓу своите клиенти, доаѓа по повеќе од осумкратно зголемување на цените на соединенијата на литиум во споредба со почетокот на 2020 година.

За потсетување, цената на литиумот се стабилизираше блиску до рекордните 70.000 долари по тон достигнати во април, а неговата употреба во батериите е главната причина зошто цената  не паѓа за време на рецесијата, за разлика од многу други производи.

Цена на литиум карбонат што се користи во автомобилските батерии (долари/метрички тон)

Извор: U.S. Geological Survey

Благодарение на огромната побарувачка, Albemarle ја зголеми својата прогноза за заработка три пати оваа година, а компанијата очекува дека ќе може да го зголеми своето производство и да го зголеми прометот побрзо од очекуваното.

По оптимистичките очекувања, секако, доаѓа оправдан сомнеж од страна на некои банки и истражувачки куќи. Аналитичарите на Goldman Sachs укажаа на технолошкиот напредок што може да резултира со поголема понуда во рок од неколку години. Литиумот, клучен материјал во електричните батерии заедно со никелот и кобалтот, може да се извлече и од солена вода, тврди карпи – па дури и од глина.

Значи, прашање на време е кога конкуренцијата ќе намириса на нови можности, бидејќи дефинитивно нема недостиг од побарувачка. Една од технологиите на која некои се обложуваат е директно извлекување на литиум, техника која го отстранува металот од саламурата без да се потпира на испарување.

Сепак, Ерик Норис, претседател на одделот за литиум во Albemarle, рече дека надежите за пораст на понудата во голема мера ја прецениле способноста на производителите да одговорат на растечката побарувачка од производителите на автомобили, објави Financial Times.

„Способноста за реализација на капитални проекти не е широко прифатена. Годинава, компаниите за литиум испорачаа дури 25% помалку производ од ветената количина  поради хронични доцнења и технички тешкотии“, додава Норис.

Интересно е тоа што процесот на ископ на литиум вообичаено трае меѓу шест и 19 години од почетната физибилити студија до производството – најдолгиот процес од која било технологија вклучена во електричните батерии –  според податоците објавени минатиот месец во извештајот на Меѓународната агенција за енергија (IEA).

Потребни се уште 60 оперативни рудници за литиум до 2030 година за да се исполнат сите планови на националните влади за декарбонизација и електрични возила, соопшти IEA. Недостигот на полупроводнички чипови е водечки предизвик за автомобилската индустрија во изминатите 18 месеци, но се чини дека обезбедувањето на литиум станува се’ поголем проблем.

свет21 час ago

Македонката Светлана Мојсов, светски познат научник, е избрана меѓу 100-те највлијателни луѓе на планетава според магазинот Тајм

македонија23 часа ago

Комерцијална банка е најпосакуван работодавач во 2023 во категоријата Банкарство и финансии

економија23 часа ago

Ангеловска – Бежоска: Каматната стапка ќе ја намалиме во втората половина од годинава, доколку не се остварат позначителни ризици

македонија2 дена ago

„Алкалоид“ најпосакуван работодавач за 2023 година – апсолутен победник според „Вработување.ком“

македонија3 дена ago

„Алкалоид“ со донација на течен „Омепразол“ ќе го помогне лекувањето на околу 200 деца

банки5 дена ago

Комерцијална банка прва во земјава воведе тактилни платежни картички прилагодени и за слепи лица

свет5 дена ago

Предлог акција за оваа недела: Orlen S.A.

свет5 дена ago

Скокнаа цените на нафтата, гасот, бакарот и алуминиумот

технологии / компании5 дена ago

ЕУ има амбиција да стане „квантна долина на светот“, а хрватски научници имаат голем удел во тоа

регион5 дена ago

Марко Чадеж, Српска стопанска комора: Нашите компании ги мачи финансирањето и недостиг на кадри

свет5 дена ago

Скокнаа цените на нафтата, гасот, бакарот и алуминиумот

регион5 дена ago

Марко Чадеж, Српска стопанска комора: Нашите компании ги мачи финансирањето и недостиг на кадри

македонија5 дена ago

Судбината на фабриката во Бунарџик неизвесна, но можно е и целото производство да се префрли во Македонија

економија5 дена ago

Истражување: Инфлацијата е главен фактор за финансиски стрес

технологии / компании5 дена ago

ЕУ има амбиција да стане „квантна долина на светот“, а хрватски научници имаат голем удел во тоа

економија5 дена ago

„Зелените“ кредити со годишен раст од речиси 30%

македонија5 дена ago

Македонските е-трговци направиле промет од 453 милиони евра лани

свет5 дена ago

Следната година сонцето и нас ќе нѐ стемни

менаџмент / маркетинг5 дена ago

Како да ги демотивирате вработените и избркате најдобрите

свет5 дена ago

Предлог акција за оваа недела: Orlen S.A.