Амазон е највреден бренд на планетава, Дојче Телеком прв во  Европа

Највреден бренд во светот според Brand Finance е Амазон (Amazon), проценет на 299,3 милијарди долари, со што му го презема приматот на ланскиот лидер Apple, и повторно се враќа на челната позиција.  

Технолошкиот сектор останува највредната индустрија во извештајот на Brand Finance, “Global 500 2023“, сочинувајќи околу 15% од вкупната вредност на сите 500 рангирани брендови во анализата. Трговијата е на второто место, а банкарскиот сектор е како трет според  вредноста на  брендовите.

Извештајот вели дека вкупната вредност на брендовите од технолошкиот сектор е околу 1.200 милијарди долари, додека трговските брендови имаат нешто над 1.000 милијарди долари вредност.

Највреден бренд во светот според Brand Finance е Амазон (Amazon), проценет на 299,3 милијарди долари, со што му го презема приматот на ланскиот лидер Apple, и повторно се враќа на челната позиција.  Епл (Apple)  e на второ место со 297,5 милијарди долари, додека на трето место е Google со 281,4 милијарди долари.

Инаку, технолошкиот сектор има 6% пад на бренд вредноста во однос на минатата година, поради, како што велат во Brand Finance, „тешкотиите со коишто се соочија овие брендови, инфлацијата којашто влијаеше и врз другите индустрии, но и промената на потрошувачките навики, односно враќањето на луѓето кон начините на живот и работа од пред-пандемискиот период, што ја намали значително побарувачката за производите и услугите на технолошките компании“.

Па, така, и покрај тоа што е највреден бренд во светот, Амазон има пад од 15% на вредноста, но со тоа, само ја покажува својата моќ и сила во споредба со другите големи брендови.

Дојче Телеком за првпат највреден бренд во Европа

Дојче Телеком (Deutsche Telekom)  за прв пат стана највредниот бренд во Европа. Во севкупното рангирање  експертите ја ставија Групацијата на силното единаесетто место во светот. Тоа значи искачување за шест места во однос на претходната година. Според истражувањето ДТ групацијата е на второто место меѓу глобалните телекомуникациски компании – зад Verizon и далеку пред AT&T и Orange.

Успешното работење на Телеком се заснова на моменталната вредност на брендот, којашто е највисока во историјата на компанијата. Таа изнесува 62,9 милијарди долари. Тоа значи дека вредноста се има зголемено за 5 проценти во однос на претходната година (60,2 милијарди долари), а растот повторно е на високо ниво. Од 2020 година, вредноста на брендот се зголемила за 58 проценти.