Connect with us

економија

Бектеши: Лебот, млекото и месото ќе поевтинат следниве десетина дена. Струјата и парното нема драстично да поскапат од први јануари.

објавено

на

Министерот најави дека утре ќе се донесе дополнителна одлука со која ќе се прошири списокот на дејностите кои ќе бидат поддржани од Владата согласно барањата на Стопанската комора и целиот ланец во делот на месната индустрија ќе биде покриен со субвенционирана електрична енергија.

Цените на основните прехранбени производи во наредните 10 дена ќе имаат намалување. Ова особено се однесува на оние основни прехранбени производи кои се наведени во Одлуката за утврдување на маржите од 5 до 12 отсто, најави министерот за економија Крешник Бектеши на денешниот брифинг со новинарите.

„Во делот на лебот веќе почна поевтинувањето. Очекуваме во наредните 3 до 4 дена намалување на цените на млекото и млечните производи, а до крајот на наредната недела и намалување на цените на месните производи“,нагласи Бектеши.

Според него, ако суровините останат на истите увозни цени, од 1 декември се очекуваат и поголеми поевтинувања.

Министерот најави дека утре ќе се донесе дополнителна одлука со која ќе се прошири списокот на дејностите кои ќе бидат поддржани од Владата согласно барањата на Стопанската комора и целиот ланец во делот на месната индустрија ќе биде покриен со субвенционирана електрична енергија.

Според Бектеши, преку Царинската управа се следат увозните цени на производите.

„Таму почна да има намалување, а листата на тие што ќе добијат субвенционирана струја ќе се достави до Државниот пазарен инспекторат и ќе се направат соодветните контроли. Ги повикувам потрошувачите и граѓаните, доколку утврдат дека нема намалување на овие производи согласно процентите, да пријават во Државниот пазарен инспекторат се со цел да намалат и тие цени и залихи кои се направени од одредени компании“, додаде Бектеши.

Министерот рече и дека сметките за струја и топлинска енергија нема да бидат драстично зголемени од први јануари идната година. Тој додаде дека Регулаторната комисија веќе ги прави пресметките, а најави и дека граѓаните треба да бидат спокојни, бидејќи е овозможено непречено снабдување со двата енергенси до крајот на грејната сезона.

„Сметките може да бидат повисоки, но и пониски, но нема има драстично поскапување“, додаде Бектеши.

Министерот за економија соопшти дека се уште не е донесена одлука, дали од 15 ноември, скопјани ќе се греат на гас или на нафта, но не сакаше да открие други детали во однос на снабденоста со дизел во државните резерви.

„Секоја топлана според законот мора да има обезбедено друго алтернативно гориво – масло за домаќинства, мазут или дизел, а сега во моментот топланите работат на гас. Снабдувањето со топлинска енергија ќе биде непречено до крајот на грејната сезона“, истакна Бектеши.

економија7 часа ago

Уште една одлична година за Алкалоид: раст на продажбите, извозот и добивката

банки2 дена ago

Супер камати за супер брзите бизнис кредити од УНИБанка!

свет2 дена ago

Време е за купување на NUCOR!

свет1 недела ago

Време ли е за продавање на акциите од Apple?

банки1 недела ago

Потрошувачки кредит на УНИБанка АД Скопје со одлична понуда за рефинансирање и бонус од 1.000 денари при онлајн аплицирање

македонија1 недела ago

„Алкалоид“ АД Скопје со историско достигнување во третманот на рефлуксен езофагитис и ГЕРБ – патентиран првиот Омепразол во течна форма во светот

технологии / компании2 недели ago

Кои се главните предности на генеративната вештачка интелигенција

менаџмент / маркетинг2 недели ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават

регион2 недели ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

интервју2 недели ago

Фабрис Перушко: Кога се нафатив да го водам стечајот на Агрокор многумина ми изразуваа сочувство