Connect with us

економија

Вчера беше првиот ден на тргување на Берзата со новата граѓанска обврзница

објавено

на

Првата емисијата на граѓанска обврзница беше издадена во текот на овој месец, при што на аукцијата одржана на 13 јули беа запишани вкупно 1 448 030 000 денари.  

Министерот за финансии Фатмир Бесими вчера во Македонската берза заедно со извршниот директор Иван Штериeв симболично, со заѕвонувње на ѕвоното, го означија стартот на тргувањето со граѓанската обврзница. Првта емисијата на граѓанска обврзница беше издадена во текот на овој месец, при што на аукцијата одржана на 13 јули беа запишани вкупно 1 448 030 000 денари.  

-Граѓаните кои учествуваа на аукцијата на 13 јули 2023 година од денеска можат да тргуваат со своите граѓански обврзници преку Берзата, односно имаат можност доколку сакаат парите што ги инвестирале да ги добијат пред истекот на обврзницата, тоа да го направат преку Берзата. Од друга страна тоа дава можност граѓанската обврзница да се купи од страна на оние што не успеале да учествуваат на аукцијата на 13 јули, рече министерот Бесими.

Тргувањето на граѓанската обврзница ќе може да ја направат граѓаните преку банките (Комерцијална банка, НЛБ Банка, Стоапaнска банка АД Скопје, ТТК Банка и Шпаркасе банка) и брокерските куќи (Еурохаус АД Скопје, Илирика Инвестментс АД Скопје, Инвестброкер АД Скопје, Иново Брокер АД Скопје и Фершпед брокер АД Скопје).

-Граѓаните ги препознаа предностите на овој нов иновативен производ што го понудивме на финансискиот пазар. На првата емисија интересот беше 2,5 пати поголем од објавениот износ и се уште има интерес од граѓаните од кои добиваме прашања кога и како можат да купат граѓанска обврзница. Беа запишани вкупно 1 448 030 000 денари од страна на 1 283 граѓани. Минималниот износ со кој можеа граѓаните да учествуваат на аукцијата, што се одржа на 13 јули, беше 10 000 денари, односно купување на една обврзница, а каматата што ќе ја добијат граѓаните што купија граѓански обврзници е пет отсто на годишно ниво, односно вкупно 10 проценти за двете години. Приносот ќе им биде исплатен на 20 јули 2024 и 20 јули 2025 година, истакна министерот. 

Главниот извршен директор на Македонска берза Иван Штериев посочи дека котацијата и отпочнувањето со тргување на Берзата со граѓанските обврзници, покрај тоа што на нивните иматели ќе им обезбеди централизирано место за продавање и купување на истите, претставува и проширување на понудата на финансиски инструменти на нашиот пазар.

-Големиот интерес за купување на овие обврзници при примарната емисија ја потврдува тезата на Берзата дека побарувачка за квалитетни и атрактивни инструменти на пазарот и тоа како постои – треба само да се сака и да се знае како тоа да се искористи. Со издавањето на граѓанската обврзница Министерството за финансии го препозна ова и делуваше во вистински правец. Се надеваме дека ова е само почеток и дека ќе следуваат нови вакви или слични емисии на државни хартии од вредност, при што Берзата, како институција и инфраструктура, е секогаш подготвена да ги поддржи овие активности во функција на дополнителен развој на инвестициската култура и македонскиот пазар на капитал во целина, рече Штериев.

Како што информира Министерството за финансии, граѓанската обврзница како безризичен и сигурен инструмент за граѓаните, ќе биде присутен на пазарот во контиуитет и се планира до крајот на годината да се издаде уште една емисија. Бенефитите за граѓаните се повеќекратни од инвестирањето во овој инструмент, а дополнително инвестирањето во нив значи и придонес во растот на економијата, како и намалување на сивата економија. Покрај граѓансакта обврзница, до крајот на годината ќе се понуди уште еден нов инструмент „зелената обврзница“ која ќе биде наменета и за граѓаните и за правните лица, а средствата ќе бидат искористени за зелени инвестиции.

Покрај граѓанската обврзница на Берзата котираат обвзниците за денационализација и континуираните државни обврзници. Согласно потпишаниот Договорот помеѓу Министерството за финансии и Берзата, во наредниот период ќе продолжи котацијата на сите идни емисии на државни обврзници за кои ќе биде поднесено барање од Министерството до Берзата.

македонија1 ден ago

Продолжуваат заедничките хуманитарни активности на „Алкалоид“ и „Црвен крст“: Заедно можеме повеќе!

Фасхион4 дена ago

„Божиновски“ ексклузивно ги претстави новитетите на Брајтлинг

економија5 дена ago

ПроКредит Банка прави чекор напред во поддршка на малите и средните претпријатија – се одржа втората бизнис конференција „Дигитална еволуција“

економија6 дена ago

Фортонмка успешно реализира продажба на објект од 9,5 милиони евра на ЛИДЛ

коментари6 дена ago

Со АмЧам на тема…Балканската рута на трговија со фалсификувани производи

економија6 дена ago

КБ Публикум инвест станува КБ ИНВЕСТ, со доминантна сопственост на Комерцијална банка

економија1 недела ago

Мукаетов – панелист на конференцијата „Чувари на мудроста“ во организација на „Халк банка“

банки1 недела ago

Со голем настан Македонската шаховска федерација ќе одбележи еден век постоење на Светската шаховска федерација ФИДЕ

македонија2 недели ago

Комерцијална банка со поддршка за македонскиот фудбал и во наредните три години

банки2 недели ago

Прокредит банка со нова модерна филијала во Гостивар

коментари6 дена ago

Со АмЧам на тема…Балканската рута на трговија со фалсификувани производи

банки1 недела ago

Со голем настан Македонската шаховска федерација ќе одбележи еден век постоење на Светската шаховска федерација ФИДЕ

економија1 недела ago

Мукаетов – панелист на конференцијата „Чувари на мудроста“ во организација на „Халк банка“

економија6 дена ago

Фортонмка успешно реализира продажба на објект од 9,5 милиони евра на ЛИДЛ

економија6 дена ago

КБ Публикум инвест станува КБ ИНВЕСТ, со доминантна сопственост на Комерцијална банка

економија5 дена ago

ПроКредит Банка прави чекор напред во поддршка на малите и средните претпријатија – се одржа втората бизнис конференција „Дигитална еволуција“

македонија1 ден ago

Продолжуваат заедничките хуманитарни активности на „Алкалоид“ и „Црвен крст“: Заедно можеме повеќе!

Фасхион4 дена ago

„Божиновски“ ексклузивно ги претстави новитетите на Брајтлинг