Connect with us

свет

Биткоинот нагло скокна откако Илон Маск додаде #bitcoin на својот Твитер профил

објавено

на

Биткоинот скокна за 20% на преку 37.000 долари откако најбогатиот човек на светот само го додаде хаштагот #bitcoin на своето био на Твитер, и остави „загадочна“ порака дека “ако погледне наназад, ова било неизбежно“

Биткоинот скокна со цената за 20% утрово откако Илон Маск го додаде хаштагот #bitcoin на својот Твитер профил. Криптовалутата скокна одеднаш околу 03:30 часот утрина по источно – американско време (9:30 по македонско) , додавајќи 5.000 долари на својата вредност за само еден час, постигнувајќи 37.200 долари. Нешто подоцна, се тргуваше за цена од околу 36.500, а во моментов повторно се приближува до 37.000 долари за еден биткоин.

Покрај хаштагот #bitcoin, сопственикот на Тесла и најбогатиот човек на светот испрати и „загадочна порака“, велејќи: „Ако погледнам наназад, ова беше неизбежно“.

Ова само ја загреа уште повеќе ситуацијата околу најпопуларната криптовалута, која во моментов има пазарна капитализација од околу 680 милијарди долари, а чијашто цена е страшно променлива на секојдневна основа. На почетокот од годинава биткоинот ја надмина цената од 41.000 долари, историски рекорд на оваа виртуелна валута, за потоа во неколку наврати да отиде и под 30.000 долари. Во 2020 година биткоинот порасна повеќе од четирикратно, а од почетокот на 2021 неговата вредност во моментов  е за околу 25% поголема.

Оваа референца на биткоинот на профилот на Маск доаѓа по бројните шпекулации дека тој ќе купи биткоини или ќе ја додаде криптовалутата во финансискиот биланс на неговата компанија Tesla. Милијардерот исто така ги наполни насловните страници минатиот месец, откако си размени твитови со Мајкл Сејлор, директор на софтверската компанија MicroStrategy, имплицирајќи дека е заинтересиран за биткоинот. MicroStrategy, исто како и Square, компанијата за финансиски услуги во сопственост на Џек Дорси (основачот на Твитер, патем) имаат додадено биткоини во своите биланси.

„Ако сакаш на своите акционери да им направиш услуга од 100 милијарди долари, конвертирај го билансот на Tesla од долари во биткоини“, му напиша Сејлор на Маск. Како одговор, Илон Маск твитна: „Дали вака огромни трансакции се воопшто можни?“

Click to comment

Leave a Reply

Вашата адреса за е-пошта нема да биде објавена. Задолжителните полиња се означени со *

македонија1 ден ago

@media: Иднината на пазарот за рекламирање

економија5 дена ago

Мукаетов за магазинот “The Region“: Нашите брендови се дел од секојдневието на луѓето

македонија5 дена ago

Универзитетот Американ Колеџ Скопје почна соработка со City College of New York од САД

банки6 дена ago

УНИБанка втора година по ред е поддржувач на најзначајната културна манифестација „Охридско лето“  

економија6 дена ago

Стимулирање на иновациите во Scalefocus: Како ги мотивираме ИТ професионалците да бидат иновативни

интервју1 недела ago

Гоце Сиваков:  Нашите клиенти веќе ги чувствуваат бенефитите од фактот дека УНИ Банка е дигитално и технолошки напредна банка!

економија1 недела ago

Стручна обука за општествена одговорност и прв „директорски појадок“ на Клубот на одговорни бизниси

економија2 недели ago

Мукаетов на насловна на престижниот романски магазин „Бизнис“: Романија е стратешки пазар за „Алкалоид“

економија2 недели ago

Почна проектот „Бизнис лидер“ – нова, иновативна платформа за вмрежување на најдобрите од македонскиот деловен свет

банки2 недели ago

Прокредит банка со нова модернизирана филијала во Кавадарци