Биткоинот повторно руши рекорди, цената е речиси 63.000 долари

Цената на биткоинот во последниве година дена порасна за преку 800%, а само во последниве пет месеци за 450%. Да потсетиме, претходниот рекорд на биткоинот беше во март кога цената скокна на 61 илјада долари.

Цената не еден биткоин штотуку проби нов рекорд и во моментов изнесува околу 62.700 долари. Оваа најпопуларна криптовалута  и понатаму бележи неверојатен раст. Во последните 24 часа биткоинот порасна за 2,5%, а околу четири часот утрово достигна цена од 62.458 долари, којашто во текот на утрото порасна за уште неколку стотини долари.

Цената на биткоинот во последниве година дена порасна за преку 800%, а само во последниве пет месеци за 450%. Да потсетиме, претходниот рекорд на биткоинот беше во март кога цената скокна на 61 илјада долари.

И додека оние што го поседуваат биткоинот ги тријат рацете, мнозинството од крипто заедницата со нетрпение го очекува утрешниот ден кога најголемата американска менувачница на криптовалути, Coinbase, ќе направи иницијална јавна понуда на акции на њујоршката берза Nasdaq, со што ќе стане првата компанија во областа на криптовалутите што котира на берза.

Coinbase во првиот квартал на 2021 година имала приходи од 1,8 милијарди долари, а некои од аналитичарите на Волстрит сметаат дека евентуален разочарувачки IPO за Coinbase, во комбинација со загриженоста што постои поради засилениот регулаторен надзор, би можело да предизвикаат проблеми за биткоинот и останатите криптовалути.