Connect with us

свет

Британски хуманитарци бараат поголемо оданочување на најбогатите, додека во Давос се собира светската елита за економскиот форум

објавено

на

Оксфам тврди дека најбогатите 1%  на планетава заработиле нови 26 трилиони (илјади милијарди) долари од почетокот на пандемијата во март 2020 година, до крајот на 2021. Ова е 63% од новосоздадената вредност во светот, додека остатокот оди кај 99% од луѓето.

Речиси две третини од новата создадена вредност во светската економија од почетокот на пандемијата отишле во џебовите на најбогатите 1% луѓе на планетава, покажува новиот извештај на британската хуманитарна организација Оксфам преставен денеска.

Објавата на извештајот коинцидира со почетокот на Светскиот економски форум во Давос, каде што секоја година ова време се собира бизнис и политичката елита од светот за да дискутира за најгорливите проблеми на денешнината.

Оксфам тврди дека најбогатите 1%  на планетава заработиле нови 26 трилиони (илјади милијарди) долари од почетокот на пандемијата во март 2020 година, до крајот на 2021. Ова е 63% од новосоздадената вредност во светот, додека остатокот оди кај 99% од луѓето.

Хуманитарната организација истакнува дека за првпат во последниве 25 години порастот на богатството на ултра-богатите е придружено со зголемување и на екстремната сиромаштија. Оксфам повикува за нови поголеми даноци за најбогатите со цел да се намали нееднаквоста во светот.

Политиките воведени за борба против економските последици на пандемијата – како што се намалување на каматните стапки и процесите на креирање евтини пари – ја зголемиле вредноста на имотите и уделите во компаниите, коишто се поседувани од најбогатите луѓе.

Извештајот вели дека за секој еден долар од нова глобална вредност заработена од личност што припаѓа на 90% од светската популација што не е богата, секој милијардер заработил околу 1,7 милион долари. И покрај падот во богатството на светските милијардери во 2022 година, вкупното богатство на сите нив од почетокот на пандемијата растело за 2,7 милијарди долари на ден.

“Како може да прифатиме систем каде што најсиромашните во многу држави плаќаат даноси со повисоки стапки одошто ултра-богатите? Владите мора да воведат повисоки даночни стапки за најбогатите сега“, велат од Оксфам.

Оксфам вели  дека екстремните концентрации на богатство довеле  до послаб раст, корумпирани политика и медиуми, корозија на демократијата и довеле  до политичка поларизација. Ултра-богатите  се  клучни придонесувачи за климатската криза, додава добротворната организација, при што милијардер испушта милион пати повеќе јаглерод од просечниот човек. Тие, исто така, имале двојно поголема веројатност да инвестираат во индустрии што загадуваат, во споредба со просечниот инвеститор.

Извештајот ги повика владите да воведат итни еднократни давачки на богатството за најбогатите 1%, заедно со другите  даноци за да се запре профитерството за време на глобалната криза на трошоците за живот. Последователно, треба да има трајно зголемување на даноците на богатите, со повисоки стапки за мултимилионерите и милијардерите.

Како поддршка на својот повик за прераспределба на богатството, Оксфам истакнува:

-Прехранбените и енергетските компании го зголемиле  својот профит повеќе од двојно во 2022 година, исплаќајќи 257 милијарди долари на богатите акционери во време кога повеќе од 800 милиони луѓе се соочувале со глад.

-Само 4 центи од секој долар даночен приход доаѓа од даноци на богатство, а половина од светските милијардери живеат во земји каде што нема  данок на наследство за парите што им ги даваат на своите деца.

-Даночењето  до 5% на светските мултимилионери и милијардери може да собере 1,7 трилиони долари годишно, доволно за да се извлечат 2 милијарди луѓе од сиромаштија и да се финансира глобален план за ставање крај на гладот.

свет6 часа ago

BlackRock, најголемиот инвестициски фонд во светот, менаџира средства колку економиите на Германија, В. Британија и Франција заедно

банки7 часа ago

ПроКредит Куманово на нова локација во строгиот центар на градот

македонија4 дена ago

@media: Иднината на пазарот за рекламирање

економија1 недела ago

Мукаетов за магазинот “The Region“: Нашите брендови се дел од секојдневието на луѓето

македонија1 недела ago

Универзитетот Американ Колеџ Скопје почна соработка со City College of New York од САД

банки1 недела ago

УНИБанка втора година по ред е поддржувач на најзначајната културна манифестација „Охридско лето“  

економија1 недела ago

Стимулирање на иновациите во Scalefocus: Како ги мотивираме ИТ професионалците да бидат иновативни

интервју2 недели ago

Гоце Сиваков:  Нашите клиенти веќе ги чувствуваат бенефитите од фактот дека УНИ Банка е дигитално и технолошки напредна банка!

економија2 недели ago

Стручна обука за општествена одговорност и прв „директорски појадок“ на Клубот на одговорни бизниси

економија2 недели ago

Мукаетов на насловна на престижниот романски магазин „Бизнис“: Романија е стратешки пазар за „Алкалоид“