Веб сајтот kb.mk на Комерцијална банка е избран за „Сајт на 2021 година“ 

Веб сајтот на Комерцијална банка го освои првото место и во категориите Финансиски услуги, банкарство и осигурување и Мобилен сајт, а во категоријата Корпоративен сајт за 2021 година е на второ место во натпреварот организиран од дигиталната маркетинг агенција Media Solutions.

Веб сајтот kb.mk на Комерцијална банка, креиран и редизајниран за да биде од корист „за нашите клиенти и за да ги задоволи и најсофистицираните потреби на дигитално ориентираните корисници на банкарски услуги“, како што велат од банката, е избран за „Сајт на годината“ за 2021 година во Република Северна Македонија, на натпреварот организиран од дигиталната маркетинг агенција Media Solutions.

Веб сајтот на Комерцијална банка го освои првото место и во категориите Финансиски услуги, банкарство и осигурување и Мобилен сајт, а во категоријата Корпоративен сајт за 2021 година е на второ место.

“Нашето задоволство од овие награди е огромно затоа што се доделени од најстручното и најстрогото жири – корисниците, а особено сме горди што тие за многу кратко време ги препознаа предностите и функционалноста на новата веб-страна на Комерцијална банка. Овие признанија ни потврдуваат дека успеавме да создадеме веб сајт кој поаѓа од потребите на клиентите и ги следи најновите трендови во дигиталниот свет. Сајтот е дел од една поширока стратегија за целосна дигитализација и префрлување на услугите на Банката онлајн, без потреба од посета на банка. Навистина настојувавме да дизајнираме пријатно искуство низ сајтот, со корисни содржини и лесно навигирање“ истакна Андреј Јовковски, директор на Самостојната дирекција за маркетинг во Комерцијална банка, во своето обраќање за време на доделувањето на наградата „Сајт на годината“.