Владата предложи буџетот за 2023 да биде рекордни 5,3 милијарди евра

Буџетот на расходната страна е предвидено да изнесува 324,8 милијарди денари (5,28 милијарди евра), приходите е предвидено дека ќе бидат 282,05 милијарди денари (4,58 милијарди евра), а дефицитот е проценет на 42,75 милијарди денари или околу 695 милиони евра.

Владата денеска го усвои Предлог-Буџетот за 2023 година, предложен од Министерството за финансии, соопштија од Владата.

Буџетот на расходната страна е предвидено да изнесува 324,8 милијарди денари (5,28 милијарди евра), приходите е предвидено дека ќе бидат 282,05 милијарди денари (4,58 милијарди евра), а дефицитот е проценет на 42,75 милијарди денари или околу 695 милиони евра.

На седницата е усвоен и Предлог Законот за извршување на Буџетот за 2023 година.

Инаку, во ребалансот на Буџетот за 2022 година, вупните приходи се утврдени на ниво од 245,8 милијарди денари (4 милијарди евра), а вкупните расходи на 288,5 милијарди денари (4,69 милијарди евра). Буџетскиот дефицит за оваа година е планиран на ниво од 42,7 милијарди денари (694 милиони евра), односно 5,3% од БДП, што е пониско во однос на 2021.