Connect with us

македонија

Владата прогласува кризна состојба – државата ќе менаџира и со приватните болници

објавено

на

„На располагање ќе бидат капацитетите на сите приватни болници, приватни поликлиники, како и кадарот што таму работи. Земајќи предвид дека ова првпат се случува, ќе направиме проценка со што се’ се располага и во таа смисла заеднички со нашите државни капацитети ќе направиме план за работа“, рече министерот за здравство Венко Филипче.

Поради ситуацијата со епидемијата со коронавирусот Советот за безбедност и предложи на Владата да се воведе кризна состојба, соопшти претседателот Стево Пендаровски по средбата на ова тело. Тоа подразбира дека Управувачкиот комитет треба да и предложи на Владата да донесе одлука за 30 дневна кризна состојба, законско решение коe ќе им овозможи на властите поголемо вклучување на армијата, соработка со полицијата, вклученост на општините, но и преземање на управувањето со приватните здравствени капацитети.

„Не станува збор за национализација на приватните болници, туку за евентуално управување со нив во битката со пандемијата се разбира таму и во тој обем во кој Владата ќе процени дека тоа е неопходно. Инаку, приватната сопственост е гарантирана со Уставот и затоа тука не станува збор за национализација или некакво менување на сопственоста“, рече претседателот Пендаровски.

Законот за управување со кризи предвидува во случај на кризна состојба да можат да се употребат и ресурсите на јавните претпријатија, установи и служби, како и на трговските друштва кои се од посебно значење за работа во кризна состојба, во согласност со закон. Поконкретно, по барање на Владата, врз основа на договор склучен со Центарот за управување со кризи или доброволно, можат да се употребат и ресурсите на граѓаните и други правни лица.

„Дневниот надоместок за користење на ресурсите изнесува до 30 отсто од просечната месечна нето плата по работник во Републиката објавена од Државниот завод за статистика во месецот пред давањето на ресурсите, а надоместокот за нивно оштетување или уништување не може да биде помал од пазарната вредност на средството, што истото ја имало во времето кога е оштетено или уништено, определена врз основа на елементите со помош на кои според обичаите во зависност од времето и местото на пазарот се утврдува пазарната цена“, се наведува во Законот.

Министерот за здравство Венко Филипче на прашањето дали ова значи дека граѓаните кои во недостиг на јавни здравствени установи одат да се лекуваат во приватните не треба да плаќаат најави одговор по консултациите со правните служби.

„На располагање ќе бидат капацитетите на сите приватни болници, приватни поликлиники, како и кадарот што таму работи. Земајќи предвид дека ова првпат се случува, ќе направиме проценка со што се се располага и во таа смисла заеднички со нашите државни капацитети ќе направиме план за работа“, рече Филипче.

Премиерот Зоран Заев, пак, нагласи дека воведувањето кризна состојба нема врска со полицискиот час кој е можен ако се препорача. Полицискиот час, кој пролетта за време на вонредната состојба, владата неколкупати го воведуваше, може да го донесе самата Влада, по предлог на Комисија за заразни болести, доколку се процени дека е неопходен.

„Не постои поважна работа за Владата од здравствениот аспект на кризата. Не се гледа дека ќе даде дополнителни ефекти полицискиот час или локдаун па затоа не се предлага. Сега се знае многу повеќе отколку во февруари или март кога почна кризата за ефектите, како се пренесува итн..Но, сакам да знаете дека економската состојба е стабилна, системот функционира и немаме стравови, така што ако се види од стручните здравствени експерти дека треба да има полициски часови, треба да има дополнителни затворања и слично, Владата веднаш ќе постапи по таквите одлуки “, рече Заев.

Тој најави дека најдоцна до петок навечер Владата ќе ја донесе одлуката за кризна состојба откако ќе го добие предлогот од Управувачкиот комитет.

Што е вонредна, а што кризна состојба

Во Уставот е наведено дека „Вонредна состојба настанува кога ќе настанат големи природни непогоди или епидемии“. Предлогот за воведување на вонредна состојба може да даде претседателот на државата, премиерот или група од 30 пратеници, а одлуката ја носи Собранието на Македонија со двотретинско мнозинство. Вонредна состојба може да се прогласи со рок до 30 дена. Доколку парламентот не може да се состане, тогаш одлуката може да ја донесе шефот на државата, а својата одлука ќе ја достави до Собранието кога тоа ќе профункционира. Во услови на вонредна состојба одлуките ги носи Владата со законски уредби.

Уставот вели дека во услови на вонредна состојба можат да бидат ограничени и слободата и правата на граѓаните.

Вонредна состојба беше прогласена оваа пролет поради пандемијата со коронавирусот со одлука на претседателот на државата, бидејќи Собранието беше распуштено и тогаш одлуките ги носеше Владата. Откако завршија парламентарните избори и се формираше нов состав на Собранието, одлуките за вонредната состојба претседателот Пендаровски ги достави на усвојување во парламентот.

Кризната состојба пак е наведена во Законот за управување со кризи каде се вели дека „Кризна состојба е состојба предизвикана од ризици и опасности кои можат да ги загрозат добрата, здравјето и животот на луѓето и животните и безбедноста на Републиката, за чија превенција и/или справување е потребна употреба на поголем обем на ресурси“.

Согласно Законот за управување со кризи, кризната состојба не може да трае подолго од 30 дена.

Процедурата за прогласување на кризна состојба оди преку Управувачкиот комитет како тело на Владата, кој го дава предлогот до Владата, а таа на седница носи одлука за прогласување на кризна состојба.

Предлог за учество на Армијата за време на кризна состојба до Владата дава Управувачкиот комитет, а одлука за активирање на војска носи претседателот на државата, како Врховен командант на вооружените сили.

Click to comment

Leave a Reply

Вашата адреса за е-пошта нема да биде објавена. Задолжителните полиња се означени со *

свет6 часа ago

Време ли е за продавање на акциите од Apple?

македонија1 ден ago

„Алкалоид“ АД Скопје со историско достигнување во третманот на рефлуксен езофагитис и ГЕРБ – патентиран првиот Омепразол во течна форма во светот

технологии / компании4 дена ago

Кои се главните предности на генеративната вештачка интелигенција

менаџмент / маркетинг4 дена ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават

регион4 дена ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

интервју4 дена ago

Фабрис Перушко: Кога се нафатив да го водам стечајот на Агрокор многумина ми изразуваа сочувство

интервју4 дена ago

Стефан Таневски: УАКС обезбедува сличен, ако не и ист, калибар на образование како и најдобро оценетите меѓународни бизнис школи

економија4 дена ago

Движењата на стоковите берзи обратни од оние на финансиските пазари

економија4 дена ago

Како работеа домашните инвестициски фондови: Зголемување и на вредноста и на приносите

свет4 дена ago

Пустината под вода

економија1 недела ago

„Е-commerce awards“ придонесуваат кон растот и успехот на бизнисите што функционираат во дигиталниот простор

банки1 недела ago

Комерцијална банка како „Зелен поборник“ ќе пошумува и ќе едуцира

економија4 дена ago

Како работеа домашните инвестициски фондови: Зголемување и на вредноста и на приносите

регион4 дена ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

свет4 дена ago

Пустината под вода

интервју4 дена ago

Стефан Таневски: УАКС обезбедува сличен, ако не и ист, калибар на образование како и најдобро оценетите меѓународни бизнис школи

интервју4 дена ago

Фабрис Перушко: Кога се нафатив да го водам стечајот на Агрокор многумина ми изразуваа сочувство

економија4 дена ago

Движењата на стоковите берзи обратни од оние на финансиските пазари

технологии / компании4 дена ago

Кои се главните предности на генеративната вештачка интелигенција

менаџмент / маркетинг4 дена ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават