Connect with us

свет

Во една недела Интел најави три огромни инвестиции, две се во Европа

Голема трка помеѓу светските гиганти за микрочипови

објавено

на

Американскиот производител на микрочипови ќе гради фабрика од 25 милијарди долари во Израел, една од 30 милијарди евра во Германија, и од 4,6 милијарди евра во Полска. САД, Европа и Азија се во технолошка трка за доминација на глобалниот пазар за микрочипови.

Американскиот производител на чипови Интел (Intel) потпиша договор со израелската влада за изградба на фабрика за производство на чипови во местото Кирјат Гат со инвестиција од 25 милијарди долари, објави Тајмс оф Израел (Times of Israel).

Израелскиот премиер Бенјамин Нетанјаху рече дека инвестицијата на Интел е „без преседан“ во Израел и ќе биде изградена  фабрика за производство на чипови што ќе ја користи најнапредната технологија во светот. Во 2019 година, Интел веќе беше во преговори да инвестира околу десет милијарди долари во изградбата на фабриката за чипови на истата локација.

Како дел од договорот, Интел ќе плати даночна стапка од 7,5 отсто, наспроти петте отсто што денес производителот на чипови ѝ ги плаќа на државата, се вели во соопштението на Министерството за финансии. Дополнително, беше договорено Интел да добие владина субвенција од 12,8 отсто од износот на инвестицијата според Законот за промоција на капитални инвестиции (ECIL).

Се очекува фабриката во Кирјат Гат да биде отворена до 2027 година и да остане во функција најмалку до 2035 година, вработувајќи илјадници работници со плати повисоки од просечните, соопшти Министерството.

Откако влезе во Израел во 1974 година, Интел  инвестираше повеќе од 17 милијарди долари во земјата и вработува 11.700 луѓе во трите истражувачки и развојни центри во Хаифа, Петах Тиква и Ерусалим, како и во својот производствен капацитет во Кирјат Гат. Интел вели дека во моментов е одговорен за создавање индиректни работни места за приближно 42.000 работници во Израел.

Фабрики и во Полска и Германија

Заедно со гореспоменатата голема инвестиција во Израел, Интел  ќе инвестира и во производство на чипови во Полска и Германија. Поточно, планира да инвестира до 4,6 милијарди долари во нова постројка за склопување и тестирање на полупроводници во близина на Вроцлав, Полска, како дел од инвестицијата од повеќе милијарди долари низ Европа за изградба на капацитет на чипови, објави Ројтерс.

Фабриката во Полска ќе вработи две илјади работници и ќе отвори неколку илјади дополнителни работни места за време на фазата на изградба и регрутирање од добавувачи, се вели во соопштението на компанијата. Неколку земји се натпреваруваат Интел да инвестира во нивните региони, а некои, како Германија, која веќе ја обезбеди инвестицијата, преговараат за висината на субвенциите што можат да ги дадат.

Германија и Интел потпишаа договор според кој американската компанија ќе добие субвенции во вредност од десет милијарди евра (10,9 милијарди долари) за производствен капацитет за полупроводници во источниот дел на земјата, соопштија запознаени со договорот, објави Фајненшл пост.

Интел првично се согласи да изгради фабрика во градот Магдебург со државна помош од 6,8 милијарди евра, но го одложи почетокот на изградбата на фабриката поради економски тешкотии. Засилениот пакет што сега е договорен ќе вклучува и традиционална помош во форма на финансиски субвенции, како и ограничувања на цените на енергијата, според Фајненшл пост.

Компанијата под водство на извршниот директор Пет Гелсинџер очигледно започна голема програма за проширување со цел да ја врати претходната доминација во индустријата и да ги диверзифицира производствените центри за клучните компоненти моментално концентрирани во Источна Азија. Магдебург беше клучен дел од тие планови откако победи други локации во Европа, но проектот пропадна откако цените на енергијата пораснаа заедно со градежните и материјалните трошоци.

Интел првично процени дека проектот во Магдебург ќе чини 17 милијарди евра, но компанијата сега очекува да потроши 30 милијарди евра. Како и повеќето проекти кои ќе добијат владино финансирање преку Законот за чипови на Европската унија, Интел очекуваше да бидат субвенционирани околу 40 отсто од неговите трошоци, велат изворите.

Најавени инвестиции во САД, Европа и Азија

Веќе некое време, производителите на чипови ширум светот вложуваат милијарди долари за изградба на нови фабрики, поттикнати од зголемената употреба на полупроводници во секојдневните уреди и дарежливите субвенции од САД и Европската унија со цел да се задржи Западот пред Кина во технолошката трка. Европската комисија одвои 15 милијарди евра за јавни и приватни проекти за полупроводници до 2030 година, додека администрацијата на американскиот претседател Џо Бајден минатата година донесе специјална регулатива со цел  да стави на располагање повеќе од 52 милијарди долари субвенции за индустријата за полупроводници во САД.

Имено, тоа е закон што ги одвраќа компаниите кои користат американски средства да преземат какво било големо проширување на капацитетите за производство на полупроводници во странство во „проблематични земји“ како Кина на десет години, со некои исклучоци. Индија, Тајван и Јужна Кореја, исто така, понудија стимулации како даночни олеснувања за да го поттикнат домашното производство на чипови.

Најавени се големи инвестиции за Северна Америка, Европа и Азија. Што се однесува до САД, Интел минатата година соопшти дека ќе инвестира до 100 милијарди долари во изградбата на потенцијално најголемиот светски комплекс за производство на чипови во Охајо. Тајванскиот гигант TSMC во декември објави дека планира да инвестира 40 милијарди долари во фабрика за чипови во Аризона, која треба да биде оперативна во 2024 година. Покрај двата гиганти, инвестиции најавија и други компании како Wolfspeed, Micron, Samsung и други.

Покрај веќе споменатите инвестиции на Интел, во Европа германскиот Инфинеон доби одобрение да започне со работа на фабрика за полупроводници вредна пет милијарди евра во Дрезден, беше најавено на 16 февруари, а производството треба да започне во 2026 година. Француско-италијанската STMicroelectronics во октомври соопшти дека планира да изгради фабрика за силициум карбид од 730 милиони евра во Италија, која треба да биде завршена во 2026 година.

Според извештајот на Фајненшл тајмс од декември, TSMC исто така е во преговори со добавувачите за основање на својата прва европска фабрика во Дрезден, Германија. Заедно со споменатите компании, Wolfspeed има планови и за Европа, која ќе изгради фабрика за чипови за електрични возила вредна три милијарди долари и центар за истражување и развој во Германија, беше објавено на 1 февруари.

Производството се планира да започне во 2027 година во германската покраина Сар, а извршниот директор на компанијата Грег Лоу за Ројтерс изјави дека фабриката се очекува да се рангира како најголема фабрика за производство на силициум карбид чипови во светот.

Што се однесува до Азија, Интел размислува значително да ја зголеми постојната инвестиција од 1,5 милијарди долари во Виетнам за да ја прошири фабриката за тестирање и пакување чипови во земјата, објави Ројтерс уште во февруари. TSMC планира да изгради втора фабрика за чипови во Јапонија за производство на чипови од пет и 10 нанометри од втората половина на деценијата, објави локалниот весник во февруари.

На 15 март, Самсунг соопшти дека ќе инвестира околу 230 милијарди долари до 2042 година за да ја развие она што владата ја нарече „најголемата база за производство на чипови во светот“, во согласност со напорите за зајакнување на индустријата за чипови во Јужна Кореја. Како заклучок, Foxconn и индискиот конгломерат за нафта и метал Веданта потпишаа договор со индиската држава  Гуџарат во септември за инвестирање 19,5 милијарди долари за да се подигнат производствени капацитети за полупроводници и екрани.

свет7 часа ago

BlackRock, најголемиот инвестициски фонд во светот, менаџира средства колку економиите на Германија, В. Британија и Франција заедно

банки7 часа ago

ПроКредит Куманово на нова локација во строгиот центар на градот

македонија5 дена ago

@media: Иднината на пазарот за рекламирање

економија1 недела ago

Мукаетов за магазинот “The Region“: Нашите брендови се дел од секојдневието на луѓето

македонија1 недела ago

Универзитетот Американ Колеџ Скопје почна соработка со City College of New York од САД

банки1 недела ago

УНИБанка втора година по ред е поддржувач на најзначајната културна манифестација „Охридско лето“  

економија1 недела ago

Стимулирање на иновациите во Scalefocus: Како ги мотивираме ИТ професионалците да бидат иновативни

интервју2 недели ago

Гоце Сиваков:  Нашите клиенти веќе ги чувствуваат бенефитите од фактот дека УНИ Банка е дигитално и технолошки напредна банка!

економија2 недели ago

Стручна обука за општествена одговорност и прв „директорски појадок“ на Клубот на одговорни бизниси

економија2 недели ago

Мукаетов на насловна на престижниот романски магазин „Бизнис“: Романија е стратешки пазар за „Алкалоид“