Connect with us

економија

Во март: намалени штедните влогови на граѓаните и фирмите

објавено

на

Вкупните депозити, во март, се намалени за 1,7% на месечно ниво, како резултат на падот на депозитите кај двата сектора, со поголем придонес на секторот „домаќинства“. На годишно ниво, вкупните депозити бележат раст за 3,5%, којшто во услови на зголемување на депозитите кај двата сектора, е поизразен кај секторот „домаќинства“, покажува извештајот на Народната банка.

Само за еден месец, штедните влогови на граѓаните во денари во домашните банки се намалиле за речиси 118 милиони евра, покажуваат  најновите податоци на Народна банка. 

Односно, ако на крајот на февруари, денарските депозити на домаќинствата во банките изнесувале 2, 427 милијарди евра, тие на крајот на март се спуштиле на 2,309 милијарди евра, се гледа од податоците на централната банка. 

Од овие 118 милиони евра, околу 28,5 милиони евра од денарските депозити многу веројатно дека  биле претворени во евра, бидејќи во март за толку пораснале штедните влогови кои се чуваат во странска валута.  Но, голем дел од депозитите на домаќинствата се целосно повлечени од банките и се ставени или под перница, што се вели,  или инвестирани во нешто, како на пример недвижности, акции, можеби и крипто, и тоа 89 милиони евра.

Вкупните депозити, во март, се намалени за 1,7% на месечно ниво, како резултат на падот на депозитите кај двата сектора, со поголем придонес на секторот „домаќинства“. На годишно ниво, вкупните депозити бележат раст за 3,5%, којшто во услови на зголемување на депозитите кај двата сектора, е поизразен кај секторот „домаќинства“, покажува извештајот на Народната банка.

Во март, кај вкупните кредити е забележан месечен раст од 1,7%, при годишен раст од 9,8%, соодветно. Притоа, месечната и годишната промена се под влијание на растот на кредитите кај двата сектора, којшто е поизразен кај корпоративниот сектор. 

Во март 2022 година, вкупните депозити на корпоративниот сектор се намалени за 2,4% на месечна основа. Притоа, надолната промена во најголем дел се должи на падот кај депозитните пари, при забележан пад и на долгорочните депозити во странска валута и краткорочните депозити во денари, додека краткорочните депозити во странска валута бележат раст.

На годишна основа, депозитите на корпоративниот сектор забележаа раст од 3,9%, којшто пред сѐ произлегува од зголемените краткорочни депозити во странска валута, при позитивен придонес и на депозитните пари, а во услови на пад на краткорочните и на долгорочните депозити во денари.  

Кредитите на корпоративниот сектор, овој месец, бележат раст од 2,4%, којшто во услови на зголемено кредитирање во денари и во странска валута, е малку поизразен кај кредитите во странска валута. Годишниот раст изнесува 11,9% и во поголем дел се должи на повисоките кредити во денари. 

Во март, вкупните депозити на домаќинствата се намалени за 1,8% на месечно ниво. Надолната промена е резултат на падот на депозитните пари, краткорочните и долгорочните депозити во денари, додека краткорочните и долгорочните депозити во странска валута забележаа раст. Депозитите на домаќинствата бележат годишен раст од 3,9%, во најголем дел поради зголемените краткорочни депозити во странска валута, при помал раст и на долгорочните депозити во странска валута, во услови на остварен пад на долгорочните и краткорочните депозити во денари. 

Вкупните кредити на домаќинствата, овој месец, бележат нагорна месечна и годишна промена од 1,1% и 7,9%, соодветно. Анализирано според валутната структура, растот на месечна и на годишна основа се должи на повисоките кредити во денари и во странска валута, со поголем придонес на кредитите во денари.

Според намената на кредитите одобрени на физичките лица, во март, кај најзастапените категории ‒ потрошувачките и станбените кредити, е забележан месечен раст од 1,0% и 1,5%, соодветно, при годишен раст од 7,1% и 15,8%, соодветно. По падот во претходниот месец, автомобилските кредити и кредитите одобрени на кредитни картички, овој месец, се повисоки за 0,9% и 0,7% на месечна основа, соодветно, додека на годишна основа бележат пад за 13,5% и 4,1%, соодветно. Во март, кај негативните салда на тековните сметки е остварен месечен и годишен раст од 1,1% и 0,7%, соодветно, додека кредитите одобрени врз други основи се намалени на месечно и на годишно ниво за 2,3% и 32,9%, соодветно. 

банки2 дена ago

УНИБанка успешно го одржа третиот тениски турнир „UNIBank Invitational 2023“

економија3 дена ago

Фероинвест/Централинвест изгради биогасна електрана

банки4 дена ago

ПроКредит холдингот со зголемен профит во првиот квартал

економија5 дена ago

Мукаетов за српски “Профит“: Глобализацијата на брендот „Алкалоид“ останува наш фокус

банки1 недела ago

„#ПроВозиСе со ПроКредит и Mastercard” и добиј нов градски велосипед

економија1 недела ago

Возилата на „Брако“ ќе го чистат Крит

македонија1 недела ago

Прогресив – единствена акредитирана академија за извршни менаџери во Македонија

економија1 недела ago

Штандот на БРАКО привлечен за учениците заинтересирани за учење преку работа

економија2 недели ago

На едно место достапни сите информации за регионалната прекугранична е-трговија

банки2 недели ago

НЛБ Банка со нови промотивни депозити