Connect with us

свет

Германски компании размислуваат за селење на производството во странство

Цените на енергија жестоко удираат и по најмоќните економии

објавено

на

Високите трошоци за работна сила, скапата енергија и другите покачени трошоци во Германија принудуваат многу компании да преселуваат делови или комплетниот бизнис на поевтини локации во европските економии во развој и други делови од светот или барем да ја разгледаат таа можност.

Германските мерки за помош околу високите трошоци за енергија ќе донесат само ограничено олеснување и веројатно нема да ги одвратат компаниите кои веќе одлучија да го преселат производството на поевтини локации во странство, смета дел од германските бизнисмени.

Германската влада минатиот месец предложи пакет мерки за олеснување, вклучително ограничување на цената на гасот и пониски акцизи, за да им помогне на домаќинствата и малите и средни бизниси погодени од големиот скок на цените.

„Предложениот пакет енергетски поволности што во моментов е на дневен ред нема да промени ништо. Мора да продолжиме да бараме алтернативи“, вели за Ројтерс Мадс Рајдер, извршен директор на баварскиот производител на порцелан „Розентал“.

Компанијата, основана во Германија пред 143 години, размислува да премести делови од своето производство во странство за да ги намали трошоците, а Рајдер смета  дека планот за ограничување на цените на бензинот е сè уште премногу нејасен за „Розентал“  да ги преиспита своите планови.

Цените на енергијата нема никогаш да се вратат на нивото од пред војната во Украина

Високите трошоци за работна сила и други трошоци во Германија принудуваат многу компании да преселуваат делови или комплетниот бизнис на поевтини локации во европските економии во развој и други делови од светот или барем да ја разгледаат таа можност.

Ларс Фелд, економски советник на германскиот министер за финансии, изјави дека енергетската криза и скокот на цените на гасот по намалените испораки од Русија го забрзале тој процес.

„Индустриските компании кои размислуваат за преселба ќе сакаат да проверат како функционира ограничувањето на цената на енергијата. Тоа е важен психолошки стимул. Сепак, нема да можеме да се вратиме на цените на енергенсите како што беа пред  војната во Украина“, рече Фелд.

Германската индустрија плаќа и до 10 пати повисоки цени на енергијата од пред две години, а дури една петтина од инженерските компании предупредуваат дека би можеле да преселат барем дел од своето работење во странство, покажува минатомесечното истражување на синдикатот IG Metall.

Германската индустрија плаќа и до 10 пати повисоки цени на енергијата од пред две години, а дури една петтина од инженерските компании предупредуваат дека би можеле да преселат барем дел од своето работење во странство, покажува минатомесечното истражување на синдикатот IG Metall.

Деиндустријализација?

Индустриските асоцијации првично изразија задоволство од презентираниот пакет енергетски олеснувања, кој вклучува привремено ограничување на цените на струјата со цел субвенционирање на основната потрошувачка за граѓаните, малите и средните претпријатија, а дел од компаниите се оптимисти.

Производителот на текстил Wuelfing изјави дека ќе се откаже од плановите да го префрли производството во Португалија или Пакистан, доколку владата ги ограничи цените на енергијата на ниво двојно повисоко од она во 2020 година.

„Ќе помогне, но се’ уште не знаеме точно што да очекуваме“, изјави Јоханес Дове, извршен директор на Wuelfing.

Германското здружение на мали и средни претпријатија (DMB) соопшти дека не гледа конкретни индиции за зголемено преместување на производството во странство, бидејќи кризата со цените на енергијата ги погодува сите европски земји.

„Друга работа е кога зборуваме за плановите за проширување на производството кои во моментов се испитуваат“, изјави Марк Тенбиг, извршен директор на DMB.

Во студијата на Дојче банк се проценува дека поради поскапувањето на енергенсите, производството во Германија ќе се намали за 2,5 отсто оваа година и за пет отсто во 2023 година.

„Кога ќе погледнеме наназад на денешната енергетска криза за приближно 10 години, овој период можеби ќе го означиме како почетна точка на забрзаната деиндустријализација на Германија“, сметаат аналитичарите на Дојче банк.

Големите германски индустриски компании може да го преселат производството во странство, во зависност од трошоците и клиентите, но кризата потешко ќе ги погоди малите и средните компании, столбот на германската индустрија.

„За германските мали и средни претпријатија, адаптацијата кон новиот енергетски свет ќе биде голем предизвик што некои нема да го надминат“,  се додава во студијата.

Производителот на автоделови Boegra го намали производството во септември поради високите цени на енергијата. Boegra веќе префрли дел од своето производство во Чешка и сега размислува за следниот чекор.

„Следната недела патувам во Чешка за да ги испитам можностите за проширување на нашиот бизнис“, изјави во петокот за Ројтерс извршниот директор на Boegra, Тобијас Линсер.

свет9 часа ago

Време ли е за продавање на акциите од Apple?

македонија1 ден ago

„Алкалоид“ АД Скопје со историско достигнување во третманот на рефлуксен езофагитис и ГЕРБ – патентиран првиот Омепразол во течна форма во светот

технологии / компании4 дена ago

Кои се главните предности на генеративната вештачка интелигенција

менаџмент / маркетинг4 дена ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават

регион4 дена ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

интервју4 дена ago

Фабрис Перушко: Кога се нафатив да го водам стечајот на Агрокор многумина ми изразуваа сочувство

интервју4 дена ago

Стефан Таневски: УАКС обезбедува сличен, ако не и ист, калибар на образование како и најдобро оценетите меѓународни бизнис школи

економија4 дена ago

Движењата на стоковите берзи обратни од оние на финансиските пазари

економија4 дена ago

Како работеа домашните инвестициски фондови: Зголемување и на вредноста и на приносите

свет4 дена ago

Пустината под вода

економија1 недела ago

„Е-commerce awards“ придонесуваат кон растот и успехот на бизнисите што функционираат во дигиталниот простор

економија4 дена ago

Како работеа домашните инвестициски фондови: Зголемување и на вредноста и на приносите

банки1 недела ago

Комерцијална банка како „Зелен поборник“ ќе пошумува и ќе едуцира

свет4 дена ago

Пустината под вода

регион4 дена ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

интервју4 дена ago

Стефан Таневски: УАКС обезбедува сличен, ако не и ист, калибар на образование како и најдобро оценетите меѓународни бизнис школи

интервју4 дена ago

Фабрис Перушко: Кога се нафатив да го водам стечајот на Агрокор многумина ми изразуваа сочувство

економија4 дена ago

Движењата на стоковите берзи обратни од оние на финансиските пазари

менаџмент / маркетинг4 дена ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават

технологии / компании4 дена ago

Кои се главните предности на генеративната вештачка интелигенција