македонија
Горан Иванов, инспектор во Управата за финансиска полиција, е назначен за нејзин в.д. директор

Иванов, вработен како инспектор во Управата, доаѓа на местото на Арафат Муареми, којшто се повлече неодамна од функцијата по конфликтот со обвинителката Вилма Русковска.
Горан Иванов е новиот в.д. директор на Управата за финансиска полиција. Тој вчера на владина седница беше назначен на местото на Арафат Муареми.
Иванов досега работел како инспектор во Управата. Како што дознаваме, тој во Управата дошол пред две години, а претходно работел во банка.
Досегашниот директор Арафат Муареми од функцијата се повлече неодамна, по судирот со сега веќе суспендираната обвинителка Вилма Русковска против која поднесе и кривична пријава, со цел, како што рече тогаш Муареми, на никаков начин да не ѝ попречува на постапката што ја поведе Обвинителството за овој случај. Конфликтот ескалираше по претресот во Управата за финансиска полиција што го направи Обвинителството за гонење на организиран криминал и корупција под водство на Русковска.