Connect with us

македонија

Дебата на студентите на УАКС со пет амбасадори на ЕУ членки

објавено

на

На настанот студенти на УАКС ќе имаат прилика да дебатираат со пет амбасадори во земјава  на земји членки на ЕУ – четирите членки на Вишеградската група (Унгарија, Чешка, Словачка и Полска), како и Словенија, актуелен претседавач со Советот на ЕУ.

На 2 декември, четврток, во просториите на Универзитетот Американ Колеџ Скопје – УАКС, ќе се одржи конференција на тема „Иднината на Европа – перспектива од земја кандидат за ЕУ“.

На настанот студенти на УАКС ќе имаат прилика да дебатираат со пет амбасадори во земјава  на земји членки на ЕУ – четирите членки на Вишеградската група (Унгарија, Чешка, Словачка и Полска), како и Словенија, актуелен претседавач со Советот на ЕУ.

Настанот ќе се одржи од 11:00 – 12:30 CET, Амфитеатар 1, Универзитет Американ Колеџ Скопје, а можете да се приклучите и онлајн: https://uacs.webex.com/uacs/j.php…

Со амбасадорот на Унгарија во Северна Македонија, Н.Е. Ласло Дукс направивме кратко интервју во повод настанот.

-Г-дин амбасадоре, какво е значењето на Конференцијата за Иднината на Европа?

Европската унија помина низ неколку различни кризи изминативе години, и се појавија разлики и поделби помеѓу земјите членки. Конференцијата за Иднината на Европа беше иницирана од владите на Франција и Германија со цел заеднички да се адресираат овие предизвици и да се размисли за иднината на ЕУ; кои реформи се потребни, кои прашања бараат поголем ангажман од ЕУ и кои прашања може да бидат менаџирани подобро на ниво на земји членки. Принципот на овој процес е да се слушаат граѓаните, особено младите луѓе колку што е можно повеќе, околу тоа што очекуваат од европската соработка, кои се најважните  проблеми за нив и како ЕУ може да помогне да се адресираат.

-Зошто унгарското претседателство со Вишеградската група ја организира оваа дебата со студентите на УАКС во Скопје?

Унгарија, заедно со останатите три членки на Вишеградската група на земји (Чешка, Словачка и Полска) е силен поддржувач на политиката на проширување на ЕУ, и затоа ние уште на почетокот се залагавме да се вклучат земјите кандидатки во Конференцијата за Иднината на Европа, со оглед дека нивните граѓани еден ден исто така ќе бидат граѓани на ЕУ. Иако на крајот, земјите кандидатки не беа вклучени формално, веруваме дека е секако многу битно да се слушнат нивните идеи и ставови. Ова особено важи за младите луѓе, коишто како Европејци, и идни ЕУ граѓани , мора да имаат свој глас во овој процес. Ние сме многу благодарни на наставниот кадар и студентите на УАКС за учеството во овој настан, и сигурни сме дека нивните идеи ќе придонесат за успешна дебата со амбасадорите на В4 земјите, како и Словенија, актуелен претседавач со Советот на ЕУ.

-Кои се клучните пораки што Вишеградската група сака да ги упати во однос на идното проширување на ЕУ?

Земјите кандидатки имаат ветување од ЕУ дека штом ги исполнат критериумите, може да ѝ се приклучат на организацијата. Вишеградската група на земји смета дека ЕУ треба да го почитува ова ветување и да го одржи кредибилен процесот на проширување. Нашите земји ѝ се придружија на ЕУ во 2004 година,  ние досега имавме голем бенефит од членството и убедени сме дека земјите од Западен Балкан би имале исто така. Земјите од Вишеградската група на сите форуми досега се залагале за старт на преговорите за членство со Република Северна Македонија, како и со Албанија, без понатамошни одлагања. Се надеваме дека одлука за ова се уште може да се донесе за време на претседателството на Словенија до крајот на оваа година.

банки1 ден ago

Управната зграда на УНИБанка во Скопје сама ќе произведува струја од фотоволтаична централа

економија1 недела ago

Втора регионална конференција за техничка анализа, во Љубљана, на 6 и 7 јуни

економија1 недела ago

Одржано годишното Собрание на АЕТМ – Ангеловска повикува за побрзи и подобри промени

свет1 недела ago

Предлог акција за оваа недела: ProCredit Holding

банки2 недели ago

Со Mastercard од УНИБанка, ја имаш Куба на дланка!

банки2 недели ago

Комерцијална банка прогласена за „Најдобра банка за 2024 година“ од магазинот Global Financе

интервју2 недели ago

Кристина Краличин: Во брзата река наречена живот, книгата е каменот за одмор, пауза за душата или пак мостот со кој се поврзуваат сетилата

технологии / компании2 недели ago

Новоселов и тимот пронајдоа невиден потенцијал во две соединенија на елементот рениум

свет2 недели ago

Тил, Безос и Закерберг продадоа акции од своите компании вредни стотици милиони евра

регион2 недели ago

ЕУ донесе регулатива против greenwashing-от: Доста е веќе од манипулативниот зелен маркетинг на брендовите