Connect with us

економија

Доделени годишните награди на Македонска берза за 2023 година

објавено

на

Трета година по ред, Македонска берза доделува годишни награди во повеќе категории, при што дел од наградените добитници се одредуваат врз основа на квантитативни податоци, како што се берзанскиот промет, цените, истргуваната количина на хв и бројот на трансакции.

На 21.12.2023 година се одржа церемонија на доделување на Годишни награди на Македонска берза за 2023 година за котираните компании, членките на Берзата и други субјекти поврзани со македонскиот пазар на хартии од вредност.

Трета година по ред, Македонска берза доделува годишни награди во повеќе категории, при што дел од наградените добитници се одредуваат врз основа на квантитативни податоци, како што се берзанскиот промет, цените, истргуваната количина на хв и бројот на трансакции. За овие награди пресекот согласно усвоената Методологија за доделување на наградите од страна на Одборот на директори на Берзата се прави вториот петок во декември. За останатиот дел од наградите одлучуваа специјални комисии составени од пазарните учесници, експерти и претставници на медиумите, а за наградата „Акција на годината“ пошироката инвестициска јавност преку анкета на сајтот на Берзата и Интернет порталот Фактор.

Настанот за доделување на годишните награди го отвори Министерот за финансии во Владата на РСМ, г-динот Фатмир Бесими. По неговото обраќање пред присутните се обрати и Главниот извршен директор на Македонска берза, г-дин Иван Штериев.

После воведните обраќањa следуваше церемонијата на прогласување на наградените за 2023 година. Годишните награди на Берзата ги доделија Нора Алити, Претседателка на Комисијата за хартии од вредност на РСМ, Тони Стојановски, Претседател на Одборот на директори на Берзата, Нина Неданоска, неизвршен член на Одбор на директори на Македонска берза, Иван Штериев, Главен извршен директор на Македонска берза, Филип Петрушевски, Извршен директор, Инветброкер Скопје (претставник на Комисијата на пазарни учесници), Весна Миќиќ Божиновска, главен и одговорен уредник на весникот Вечер и на порталот vecer.press.mk (претставник на Комисијата на медиуми) и Нина Нинеска Фиданоска, главен и одговорен уредник на порталот faktor.mk.

Добитници на Годишните награди на Македонска берза за 2023 година се:

Категорија „Акција со најголем промет во 2023 година“

Во конкуренција на акционерски друштва над 50 милиони евра пазарна капитализација добитник е Комерцијална банка АД Скопје, a во име на банката наградата ја прими Маја Стевкова Штериева, Главен Финансов директор.

Во конкуренција на акционерски друштва под 50 милиони евра пазарна капитализација добитник е УНИ Банка АД Скопје, а Владислав Хаџидинев, Извршен директор на УНИ Банка АД Скопје ја прими наградата.

Категорија „Акција со најголем пораст на цената во 2023 година“

Во конкуренција на акционерски друштва над 50 милиони пазарна капитализација добитник е Комерцијална банка АД Скопје, а  Маја Стевкова Штериева, Главен Финансов директор, во име на Комерцијална банка АД Скопје ја прими оваа награда.

Во конкуренција на акционерски друштва под 50 милиони пазарна капитализација добитник е УНИ Банка АД Скопје, а во име на друштвото наградата ја прими Владислав Хаџидинев, Извршен директор на УНИ Банка АД Скопје.

Категорија „Акција со најголем пораст на прометот во 2023 година“

Во конкуренција на акционерски друштва над 50 милиони пазарна капитализација добитник е ОКТА АД Скопје, а Димитриос Пасхос, ВД Главен извршен директор ја прими наградата во име на ОКТА.

Во конкуренција на акционерски друштва под 50 милиони пазарна капитализација добитник е Стопанска банка АД Битола, а Александра Радевска, Претседател на Управниот одбор на Стопанска банка АД Битола ја прими оваа награда.

Категоријата „Членка на годината за 2023 година“

Членка на годината која има остварено најголем промет и трансакции од редовно тргување со акции – добитник е Илирика Инвестментс АД Скопје, а Васко Митев, директор на членката ја прими наградата.

Членка на годината која има остварено најголем промет и трансакции со обврзници – добитник е Еурохаус АД Скопје, а Стефан Степаноски, Извршен директор на членката ја прими наградата.

Категорија „Најтранспарентно котирано акцинерско друштво за 2023 година“ – по избор на пазарни учесници–добитник е Комерцијална банка АД Скопје. Наградата ја прими Марина Момировска,лице за контакт со инвеститори во Комерцијална банка АД Скопје.

Комисијата на пазарните учесници ја сочинуваа г-ѓа Лидија Трајковиќ и г-дин Филип Петрушевски, како претставници на членките на Берзата, г-дин Лазе Камчев и г-дин Сашо Дракуловски, како претставници на инвестициските фондови и г-а Весна Стојановска, како претставник на пензиските фондови.

Категорија „Најтранспарентно котирано акцинерско друштво за 2023 година“ – по избор на медиуми–добитник е Алкалоид АД Скопје. Наградата ја прими Живко Мукаетов, Генерален директор на Алкалоид АД Скопје.

Комисијата на пазарните учесници ја сочинуваа г-дин Петре Димитров, главен и одговорен уредник на порталот emagazin.mk, г-ѓа Весна Миќиќ Божиновска, главен и одговорен уредник на весникот Вечер и на порталот vecer.press.mk, г-ѓа Нина Нинеска Фиданоска, главен и одговорен уредник на порталот faktor.mk, г-ѓа Наташа Мерсовска, новинар во телевизијата Сител и г-дин Горан Теменугов, новинар во порталот pari.mk.

Во категоријата „Акција на годината за 2023 година по избор на јавноста“ – добитник е Алкалоид АД Скопје. Наградата „Акцијата на годината по избор на јавноста“ се доделува на котирано акционерско друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се вршеше паралелно на веб страниците на Берзата и интернет порталот „Фактор“.

Категорија „Годишна награда за придонес во областа на едукацијата и развојот на пазарот на хартии од вредност“ – добитник е Министерството за финансии на Република Северна Македонија. Имено, според мислење на Комисијата , во текот на 2023 година Министерството за финансии на Република Северна Македонија со успешно издавање на низа нови државни хартии од вредност, односно двете емисии на граѓански обврзници, како и новите “зелени” и структурни обврзници даде успешен пример и ја збогати понудата на домашниот пазар.

За доделување на оваа награда беше формирана Комисија во следниов состав: г-дин Тони Стојаноски, претставник од Одбор на директори на Македонска берза, г-дин Иван Штериев, претставник од стручната служба на Берзата, г-ѓа Магдалена Симоновска, претставник на регулаторните институции, г-дин Горан Марковски, претставник од пазарните учесници, г-ѓа Јелисавета Георгиева-Јовевска, претставник на корпоративниот сектор, г-дин Сашо Арсов, претставник од високообразовна институција и г-дин Драган Давитков, претставник од редот на експерти во областа на финансии.

Се  очекува наградите да бидат мотив не само за наградените туку и за сите други пазарни учесници во новата берзанска 2024 година. 

свет2 дена ago

Време ли е за продавање на акциите од Apple?

банки3 дена ago

Потрошувачки кредит на УНИБанка АД Скопје со одлична понуда за рефинансирање и бонус од 1.000 денари при онлајн аплицирање

македонија3 дена ago

„Алкалоид“ АД Скопје со историско достигнување во третманот на рефлуксен езофагитис и ГЕРБ – патентиран првиот Омепразол во течна форма во светот

технологии / компании6 дена ago

Кои се главните предности на генеративната вештачка интелигенција

менаџмент / маркетинг6 дена ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават

регион6 дена ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

интервју6 дена ago

Фабрис Перушко: Кога се нафатив да го водам стечајот на Агрокор многумина ми изразуваа сочувство

интервју6 дена ago

Стефан Таневски: УАКС обезбедува сличен, ако не и ист, калибар на образование како и најдобро оценетите меѓународни бизнис школи

економија6 дена ago

Движењата на стоковите берзи обратни од оние на финансиските пазари

економија6 дена ago

Како работеа домашните инвестициски фондови: Зголемување и на вредноста и на приносите

економија6 дена ago

Како работеа домашните инвестициски фондови: Зголемување и на вредноста и на приносите

интервју6 дена ago

Стефан Таневски: УАКС обезбедува сличен, ако не и ист, калибар на образование како и најдобро оценетите меѓународни бизнис школи

банки1 недела ago

Комерцијална банка како „Зелен поборник“ ќе пошумува и ќе едуцира

свет6 дена ago

Пустината под вода

регион6 дена ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

економија6 дена ago

Движењата на стоковите берзи обратни од оние на финансиските пазари

интервју6 дена ago

Фабрис Перушко: Кога се нафатив да го водам стечајот на Агрокор многумина ми изразуваа сочувство

технологии / компании6 дена ago

Кои се главните предности на генеративната вештачка интелигенција

менаџмент / маркетинг6 дена ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават

свет2 дена ago

Време ли е за продавање на акциите од Apple?