До вчера јагма за чипови, сега побарувачката паѓа

Samsung – најголемиот светски производител на мемориски чипови деновиве објави пад на оперативниот приход од 32 отсто, додека производителот на компјутерски процесори AMD рече дека ќе ја промаши претходната прогноза за околу 1 милијарда долари.

По рекордните години што ги доживеаја, а кои изгледаат далеку зад нас, производителите на чипови предупредуваат дека бележат голем пад на побарувачката за нивните производи. Најновиот крик од технолошкиот сектор го испратија производителите Samsung Electronics Co. и Advanced Micro Devices Inc. (AMD) коишто ја известија јавноста за нивните разочарувачки продажни резултати кои беа со милји далеку од проекциите што овие компании.

Samsung – најголемиот светски производител на мемориски чипови деновиве објави пад на оперативниот приход од 32 отсто, додека производителот на компјутерски процесори AMD рече дека ќе ја промаши претходната прогноза за околу 1 милијарда долари.

Тие катастрофални бројки следеа по мрачните коментари од производитe на мемориски чипови Micron Technologies Inc. и Kioxia Holdings Corp., кои ја намалија потрошувачката и производството во обид да ги стабилизираат цените коишто се во слободен пад. Акциите на AMD исто така се во пад, како и акциите на останатите производители на чипови, вклучително и Nvidia Corp. и Intel Corp. Но, тие не се единствените во проблеми. Производителите на персонални компјутери како што е Lenovo исто така имаат намалени продажби.

За да не биде се така мрачно, тајванскиот производител на чипови Taiwan Semiconductor Manufacturing Co се погрижи да објави раст на кварталните приходи, и тоа  не мал раст од 48 проценти. И тоа е единствениот позитивен пример во последниот квартал.

Стравот од рецесија ја намалува побарувачката за потрошувачка електроника

Компаниите за потрошувачка електроника кои се бореа со недостиг на чипови за време на пандемијата сега се соочуваат со остар пад на побарувачката, иако трошоците за испорака и материјали остануваат високи. Стравот од рецесија го прави намалувањето на трошоците како нова норма во технолошката индустрија, а компаниите кои трупаа залихи од  чипови две години по ред  сега решаваат да ги откажат или одложат нарачките и да ја искористат залихата.

Индустријата за полупроводници, исто така, се бори со извозните ограничувања од американската влада, која секојдневно го засилува притисокот врз своите сојузници да спречат испораки на чипови од високата класа до се’ поголем број кинески компании, што ги попречува производителите на чипови како AMD и Nvidia.

Понудата и побарувачката не се единствените причини за сегашниот пад, рече Хео Пил-Сеок, главен извршен директор на Midas International Asset Management во Сеул.

„Ако AMD, Nvidia не можат да ги продаваат своите чипови во Кина, заработката на производителите на меморија дополнително ќе се влоши“, смета Сеок.

Сегментот на персонални компјутери, кој со години е во опаѓање, изгледа особено ранлив, но сериозната рецесија би ја загрозила побарувачката и во областите кои досега беа солидни, како што е cloud computing.

Падот на побарувачката, исто така, се одрази на намалувањето на цените на акциите низ синџирот на снабдување со полупроводници, од производителите на материјали како што е JSR Corp.,  до производителите на чипови како што е Advantest Corp. и Screen Holdings Co. Дури и акциите на производителите на силиконски плочки како што е Shin-Etsu Chemical Co. и Sumco Corp. паднаа.

Шефот на бизнисот со чипови на Samsung, Кјунг Кјехјун, минатиот месец изјави дека не гледа закрепнување на пазарот на чипови дури и во текот на следната година.