Connect with us

економија

ЕБОР и Шпаркасе банка Македонија со нова кредитна линија за мали и средни бизниси

објавено

на

Кредит од 23 милиони евра за Шпаркасе банка Македонија за кредитирање на локалните микро, мали и средни претпријатија, од коишто 30% ќе бидат наменети за енергетска ефикасност.

Европската банка за обнова и развој (ЕБОР) ја поддржува зелената економија во Северна Македонија со кредит од 23 милиони евра за Шпаркасе банка Македонија (ШБМ) закредитирање на локалните микро, мали и средни претпријатија (ММСП).

Со овој кредит ШБМ ќе ги финансира ММСП, фокусирајќи се на регионалните и руралните претпријатија. Трисесет отсто од кредитната линија ќе се искористат за инвестиции кои може да им помогнат на малите бизниси во подобрување на нивната енергетска ефикасност, или истите да генерираат и да преминат на обновлива енергија.

ММСП претставуваат повеќе од 90 отсто од сите претпријатија во Северна Македонија, и се клучен двигател не само за економскиот раст, туку и за транзицијата кон зелена енергија. Со овозможување на пристап до финансии, се овозможува транзицијата и растот.

Анди Аранитаси, Претставник на ЕБОР за Северна Македонија, изјави: ,,Ни претставува големо задоволство, што заедно со нашиот долгорочен партнер Шпаркасе банка Македонија, можеме да обезбедиме дополнителна поддршка на МСП и да инвестираме во конкурентноста на нивните бизниси, како и мерките кои ќе ја подобрат енергетската ефикасност и ќе ги намалат емисиите на јаглероден диоксид. Зајакнување на секторот на МСП и инвестициите во зелената економија се дел од нашите клучни приоритети во Северна Македонија, а ова ново финансирање ќе ни помогне да ги постигнеме и двете цели.”

Санел Кустурица, Претседател на Управниот одбор на ШБС, истакна: „Денес, Шпаркасе банка АД Скопје уште повеќе го зајакна долгогодишното партнерство со ЕБРД, потпишувајќи договор за долгорочно финансирање во износ од 23 милиони евра. Со оваа кредитна линија, ШБС ќе ја зајакне поддршката на микро, мали и средни претпријатија во финансирањето на одржливи проекти и инвестиции поврзани со обновлива енергија. Остануваме со силна поддршка на македонската економија и заедно со нашите клиенти, посветени сме на надминување и максимално намалување на негативните ефекти од енергетската криза“.

Шпаркасе банка Македонија е универзална комерцијална банка, четврта по големина во Северна Македонија, со 11,4 отсто пазарен удел по основ на вкупните средства. Согласно критериумите на Народна банка на Северна Македонија, ШБМ се смета дека е систематски важна банка на домашниот пазар.

ЕБОР е една од водечките институции, инвеститори во Северна Македонија. До денес има инвестирано над 2,5 милијарди евра во 165 проекти од различни сектори на економијата.

Комерцијален ПР текст

коментари3 дена ago

Со АмЧам на тема…Технолошката експанзија неминовно ја потенцира потребата од заштита на интелектуалната сопственост

македонија4 дена ago

„Алкалоид“ со две признанија за придонес во безбедноста и здравјето на своите вработени

македонија6 дена ago

Анализа на Инсајдер ИД и ЕБОР: Како „дише“ пазарот за широка потрошувачка во Македонија?

банки6 дена ago

ПроКредит Банка обезбеди дополнителни 60 милиони евра финансиска поддршка за македонските мали и средни претпријатија во соработка со ЕИФ

банки7 дена ago

Нова понуда на хипотекарен кредит од УНИБанка

економија1 недела ago

Брако ќе промовира ново електрично возило на саем во Минхен

банки3 недели ago

Годишниот Извештај за одржливост на ПроКредит Групацијата покажува значителен придонес врз општеството и животната средина

технологии / компании3 недели ago

Таман се навикнавме на четботовите, доаѓаат и AI агенти

регион3 недели ago

Букурешт, Загреб и Атина стануваат сѐ поголеми „чувари на податоци“ на светските технолошки компании

интервју3 недели ago

Марија Кукуноска: Безбедноста и заштитата се фундамент за успешен и одржлив бизнис во време на бројни ризици и кризи