Европските берзи во зелено денеска, на Волстрит се очекува повторно раст на акциите

Пан-европскиот индекс Stoxx 600 порасна за 2,3% до моментов, со  акциите на компаниите од туризмот и патувањата како предводници со преку 4% раст, додека истовремено сите сектори на неколкуте најголеми берзи во Европа влегоа во позитивна територија.

Европските берзи се во зелено утрово, продолжувајќи со позитивниот тренд којшто почна вчера, првиот ден од месец октомври.
Пан-европскиот индекс Stoxx 600 порасна за 2,3% до моментов, со  акциите на компаниите од туризмот и патувањата како предводници со преку 4% раст, додека истовремено сите сектори на неколкуте најголеми берзи во Европа влегоа во позитивна територија.

Ова следи откако вчера имаше закрепнување и на Волстрит, кога американските берзи го почнаа месецот со скок на акциите, по благото попуштање на цената на државните записи. Тоа е некаков позитивен сигнал за инвеститорите, коишто се фаќаа за глава и бегаа од акциите додека државните записи изминатиов период достигнаа нивоа незабележани речиси една деценија.

Вчера, понеделник, 03 октомври, беше најдобар ден за индексот Dow Jones од 24 јуни годинава наваму, a  за S&P500 најголем дневен раст од 27 јули досега.
Во моментов, фјучрсите на американските акции се исто така во позитива, што значи официјалното тргување што ќе почне за некој час, треба да донесе уште еден добар ден за пазарите. Азиско-пацифичките берзи ноќва по европско време исто така имаа позитивни резултати, возејќи се на вчерашниот позитивен тренд од Волстрит.