Connect with us

свет

Зеленски ги изнесе условите за мир, Москва одговори дека Украина не сака да преговара

објавено

на

Зеленски  ја отфрли можноста за трет „Мински договор“, алудирајќи на два неуспешни договори за прекин на огнот меѓу Киев и Москва и за статусот на регионот Донбас.

Украинскиот претседател Володимир Зеленски преку видео врска им порача на светските лидери собрани на самитот на Г-20 во Индонезија дека сега е време да се запре руската војна во неговата земја, според неговиот предложен мировен план.

„Убеден сум дека сега е моментот кога уништувачката војна на Русија мора и може да се запре“, рече Зеленски.

„Постои украинска формула за мир. Мир за Украина, Европа и светот. И има голем број решенија кои можат да се спроведат за навистина да се гарантира мирот.

Со учеството на самитот изнесов предлози за вакви одлуки – конкретни и искрени. Украина им нуди на водечките земји во светот да бидат ко-креатори на мирот со нас.

Значи, условите на Украина за мир се следниве:

1. Нуклеарна безбедност

2. Обезбедување на храна

3. Енергетска сигурност

4. Ослободување и враќање на затворениците и депортираните

5. Имплементација на Повелбата на ОН и враќање на територијалниот интегритет на Украина и светскиот поредок

6. Повлекување на руските војници и прекин на борбите“, објави Зеленски на својот Фејсбук профил по неговиот говор.

Зеленски  ја отфрли можноста за трет „Мински договор“, алудирајќи на два неуспешни договори за прекин на огнот меѓу Киев и Москва и за статусот на регионот Донбас.

„Нема да дозволиме Русија да чека, да ги зајакне своите сили и потоа да започне нова серија на терор и глобална дестабилизација. Нема да има Минск 3 што Русија веднаш би го прекршила“, рече Зеленски.

Портпаролот на Кремљ Димитриј Песков веднаш искоментира  дека изјавата на украинскиот претседател дека нема да има договор Минск 3 за запирање на борбите во Украина покажува дека Киев не е заинтересиран за мировни преговори со Москва, пренесе РИА Новости.

На прашањето дали оваа изјава на Зеленски потврдува дека Киев не е подготвен да преговара со Русија, Песков одговори: „Апсолутно“.

Германија и Франција посредуваа за два договори од Минск, потпишани во 2014 и 2015 година, за прекин на огнот во источна Украина меѓу Киев и проруските сепаратисти. Двете страни меѓусебно се обвинија за прекршување на тие договори.

Г20 ќе ја осуди војната во Украина, иако постојат и „различни гледишта“

Инаку, според документот од соопштението што Associated Press го доби на увид,  Г-20 ќе го осуди економското влијание на конфликтот во Украина и ќе повика на продолжување на договорот со Русија кој истекува во сабота, а којшто допушта извоз на украинско жито.

„Оваа година бевме сведоци и на тоа како војната во Украина имаше дополнително негативно влијание врз глобалната економија“, е една од речениците од соопштението за печатот, додека втората гласи: „мнозинството земји-членки најостро ја осудија војната во Украина“.  Тие истакнуваат дека војната „предизвикува огромно човечко страдање и ги влошува постоечките слабости во глобалната економија“. Во нацртот се забележува дека постојат „различни гледишта“ и дека „Г-20 не е форум за решавање на безбедносни прашања“, но се забележува дека безбедносните прашања може „да имаат значителни последици за глобалната економија“.

Документот, кој сè уште треба да биде одобрен од лидерите на Г-20 пред официјално да биде објавен на затворањето на самитот утре, предупредува дека „денешното  не смее да биде доба на војна“. Употребата или заканата од нуклеарно оружје се нарекува „недозволиво“.

технологии / компании1 ден ago

Креативна вештачка интелигенција: Девет алатки што ќе ви ги сменат животот и работата

политика1 ден ago

Планот на Мишел за рушење на Фон дер Лајен

регион1 ден ago

Во Хрватска има неколку амбициозни проекти за развој на роботи

македонија1 ден ago

Двојна диплома на Универзитетот Католика од Милано и Универзитетот Американ Колеџ Скопје

економија1 ден ago

Балканската рута на трговија со фалсификувани производи

македонија1 ден ago

Мукаетов од Алкалоид и Ниновски од Бреинстер споделија искуства со младите

економија1 ден ago

Анализа МАСИТ: Речиси 1,5 милијарди евра приходи оствариле ИКТ компаниите лани

банки1 ден ago

Безготовинските плаќања зголемени за 30%, значителен раст на токенизираните трансакции

македонија1 ден ago

Delfino Mobility Group го лансира автомобилскиот бренд Geely во Македонија

економија1 ден ago

Специјален прилог: Топ 6 трендови во меѓународниот транспорт за 2024

коментари1 недела ago

Со АмЧам на тема…Балканската рута на трговија со фалсификувани производи

економија1 недела ago

Фортонмка успешно реализира продажба на објект од 9,5 милиони евра на ЛИДЛ

економија1 недела ago

ПроКредит Банка прави чекор напред во поддршка на малите и средните претпријатија – се одржа втората бизнис конференција „Дигитална еволуција“

Фасхион1 недела ago

„Божиновски“ ексклузивно ги претстави новитетите на Брајтлинг

македонија4 дена ago

УНИБанка го поддржа одбележувањето на 100 годишниот јубилеј на Светската Шаховска Федерација

македонија5 дена ago

Продолжуваат заедничките хуманитарни активности на „Алкалоид“ и „Црвен крст“: Заедно можеме повеќе!

економија3 дена ago

ССК: Зелената транзиција на македонските компании е без алтернатива

банки1 ден ago

Пет небанкарски компании веќе добиле дозвола за давање платежни услуги во Македонија и прекугранично

македонија1 ден ago

Delfino Mobility Group го лансира автомобилскиот бренд Geely во Македонија

регион1 ден ago

Европа ќе ја обновува природата со закон, земјоделците бесни