Connect with us

менаџмент / маркетинг

Зошто предолгото работење од дома може да е штетно за вашата кариера?

објавено

на

Со толку многу погодности во работењето од дома, би можеле лесно да си речете дека така можете да работите засекогаш. На крајот на краиштата, технологијата ни овозможува да останеме поврзани, да комуницираме и соработуваме на секое можно ниво. Но, внимавајте што посакувате. Сето ова има и своја помалку сјајна страна, и можете многу работи да пропуштите, како и да го ограничите својот раст во кариерата, како што вели Forbes.

Редакција Капитал

Има толку многу работи што ви се допаѓаат во врска со работењето од дома – избегнување на сообраќајните метежи, удобните влечки и уживањето со вашето куче покрај нозете. Со толку многу погодности во работењето од дома, би можеле лесно да си речете дека така можете да работите засекогаш. На крајот на краиштата, технологијата ни овозможува да останеме поврзани, да комуницираме и соработуваме на секое можно ниво.

Но внимавајте што посакувате. Сето ова има и своја помалку сјајна страна, и можете многу работи да пропуштите, како и да го ограничите својот раст во кариерата, како што вели Forbes.

Ако нешто е сигурно, ќе се соочите со социјална изолација. Една глобална студија на Универзитетот Колумбија од Њујорк опфатила искуства на преку 226 илјади луѓе од Северна Америка, Европа и Азија. Истражувањето пронашло инциденца на депресија и анксиозност во сите региони. Ова е поврзано со нарушувањето на врските и дистанцирањето што сите моравме да го искусиме во пандемијата. Работното место е средина каде што може да се поврземе и да уживаме во врските со колегите, па прилично е тешко да се биде надвор од сето тоа.

А, има и многу други причини зашто работењето од дома може и да не е најидеално за успешна кариера или за вашето задоволство и исполнетост.

Колеги

Кога ќе ги прашаат луѓето зошто остануваат во една компанија, тие често велат дека тоа е поради колегите. Оние со коишто работиме се важен дел од нашето вреднување на работната средина. Сите имаме корист од досетките, хуморот од нашите колеги, шефови, итн., и иако вие може да одржувате релации и на далечина, сепак тие не може да се длабоки и блиски како кога сте заедно на работа.

Исто така и бројот на вашите конекции ќе се намали. Колку и да може да запознавате луѓе онлајн, не е исто како кога ќе се поврзете со нив неформално. Ја пропуштате можноста да испиете кафе заедно или да налетате на некого со кого сте работеле порано и сл. Вашиот социјален капитал – вашата мрежа на конекции – е како банкарско салдо. Можеби сте имале здраво салдо пред пандемијата, но има шанси дека сте „повлекувале пари“ додека сте биле надвор  и сега треба пак лице-в-лице да вложите депозити.

Учење и стимулација

Веројатно ќе ви стане и малку здодевно дома. Може да ручате, да вежбате, да купувате онлајн и да работите. Но, само затоа што можете, не мора да значи дека и треба тоа да правите. Одењето на работа ви дава повеќе стимулација и разновидност во текот на денот. Се возите или пешачите, се среќавате со колеги, имате пауза заедно, имате состаноци со различни оддели, и мноштво други интеракции. Иако ова може да изгледа сосема вообичаено, тоа сепак ви овозможува повеќе различност и стимулација одошто работа од истата соба пред истиот монитор секој ден.

Шансите да учите исто така се зголемени кога сте со други луѓе. Може да чуете различни дискусии, или за тоа како се решава некој проблем, на пример. Или пак да дознаете од некој колега за интересниот курс на којшто оди, којшто ќе му помогне да напредне во кариерата.

Ефективност

Има многу работи што може да ги правите од дома и веројатно покажувате добри перформанси. Но, важно е да сте искрени со себе околу работата што и не може баш идеално да се заврши од дома. Според некои студии, работите што се покомплексни или бараат брзина, решавање проблем или соработка, може  да бидат завршени помалку ефективно одошто кога сте во живо со колегите. Кога компаниите пружаат нови можности, тие обично бараат луѓе што имаат особено добри перформанси, и ќе имате конкуренција во колеги што веројатно одлично работат – па затоа размислете добро каде може да се покажете во најдобро светло. Ова ќе биде важно за развојот на вашата кариера.

Граници

Друг бенефит од одењето на работа е што ќе излезете од дома и ќе ја поставите полесно границата помеѓу работата и приватниот живот. Многумина имаат кажано дека работејќи од дома тоа е потешко да се постигне. Лаптопот постојано ви е вклучен, постојано некои нотификации стигаат и сл., па може да почувствувате дека немате јасна поделеност помеѓу работата и животот. Ова може да доведе до чувство на претрупаност со работа, па дури и со т.н. burnout синдром. Одењето повторно во канцеларија можеби нема задолжително да ви ја овозможи оваа сепарација, но секако ќе ја помогне и ќе стави одредена дистанца (буквална и фигуративна) помеѓу вас и вашата работа.

Видливост

Ако не сте во канцеларија, за жал не сте во видно поле и не сте им на ум на другите. Луѓето едноставно се фокусираат на она што им е буквално пред очи и иако е можно да развиете способност да мислите и на она што е помалку видливо, за тоа треба повеќе напор.

За жал, тоа е точно, доколку сте надвор од канцеларија, може да не ве предвидат за некој нов значаен проект или некоја нова прилика. Иако работењето од дома за време на пандемијата стана насекаде прифатливо, сепак оние што работат така може да не бидат сметани за подеднакво посветени како нивните колеги што се во канцеларија. Или лидерот што формира тим за нова задача, да не помисли на вас само затоа што не сте му биле „на радарот“.

Цел

Една од работите што ни дава чувство на значајност е кога работиме нешто што има смисла, цел,  и можно е да не се чувствувате доволно поврзани или значајни за компанијата, доколку не сте во канцеларија. Има нешто моќно во тоа да се појавите заедно со другите на исто место и да завршите добра работа. Така е полесно да се види како вашето залагање придонесува за работата на останатите и на крајот за задоволството на клиентите.

Вие може да почувствувате нешто од ова и кога работите од далечина, но веројатноста е дека тоа чувство нема да биде баш извонредно. Ќе ви фали пошироката смисла на целисходност  и поврзаност кон она што е вистински важно, доколку сте постојано дома.

Резиме

Работењето во канцеларија не е совршено, се разбира. Но, не е ниту работењето од дома. Најидеално е веројатно да ги имате и двете како опција – и да може да изберете колку е идеално за вас да работите на двата начина.
Ќе сакате да направите избор за тоа каде работите и колку работите со тоа што ќе имате обѕири кон вашиот тим и компанијата. Флексибилноста на работа е извонредно нешто, но настојувајте да постигнете најдобар можен баланс. Верувајте, не би сакале еден ден да станете од вашиот компјутер дома и да сфатите колку многу сте пропуштиле во смисла на врски, учење, задоволство или развој во кариерата.

економија8 часа ago

Уште една одлична година за Алкалоид: раст на продажбите, извозот и добивката

банки2 дена ago

Супер камати за супер брзите бизнис кредити од УНИБанка!

свет2 дена ago

Време е за купување на NUCOR!

свет1 недела ago

Време ли е за продавање на акциите од Apple?

банки1 недела ago

Потрошувачки кредит на УНИБанка АД Скопје со одлична понуда за рефинансирање и бонус од 1.000 денари при онлајн аплицирање

македонија1 недела ago

„Алкалоид“ АД Скопје со историско достигнување во третманот на рефлуксен езофагитис и ГЕРБ – патентиран првиот Омепразол во течна форма во светот

технологии / компании2 недели ago

Кои се главните предности на генеративната вештачка интелигенција

менаџмент / маркетинг2 недели ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават

регион2 недели ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

интервју2 недели ago

Фабрис Перушко: Кога се нафатив да го водам стечајот на Агрокор многумина ми изразуваа сочувство