Connect with us

економија

Иван Штериев објаснува зошто Берзата купи 10% од акциите на Депозитарот: Се отвораат бројни заеднички развојни можности и за двете институции

објавено

на

„Ова подразбира воспоставување на уште поблиски деловни и стратешки билатерални релации и реализација на дополнителни синергии, заеднички проекти и инвестиции во повеќе сегменти, со особен нагласок на ИТ аспектите и набавката и користењето на ИТ опремата“, објаснува директорот на Македонска берза.

Македонската берза неодамна се стекна со акции во Централниот депозитар со хартии од вредност, одлука, за којшто директорот на Берзата, Иван Штериев, објаснува дека е мотивирана од повеќе причини и е нешто што како појава постои на многу други пазари. Со оваа трансакција берзата засега се стекна со 10% од акциите на Депозитарот и самиот потег значи спроведување на претходна одлука на Одборот на директори на Берзата за стекнување на сопственички удел во оваа институција.

„Постојат бројни развојни можности и потенцијали во работењето и функционирањето на Берзата и Депозитарот во доменот на т.н. вертикална интеграција на овие две инфраструктурни пазарни институции. Ова подразбира воспоставување на уште поблиски деловни и стратешки билатерални релации и реализација на дополнителни синергии, заеднички проекти и инвестиции во повеќе сегменти, со особен нагласок на ИТ аспектите и набавката и користењето на ИТ опремата“, објаснува Штериев за Капитал.

Во моменталните услови, како што вели тој, ова сопственичко поврзување е уште пологично поради постоење на иста структура на доминантните акционери во двете организации. Тој додава, дека од аспект на Берзата, ова отвора можности во услови на ниски каматни стапки и одредени нормативни ограничувања за инвестирање на нејзините финансиски средства, тие ефикасно да се пласираат.

„Истовремено, уверени сме дека со овој деловен потег ќе се зголеми акционерската вредност на моменталните акционери во Берзата и ќе се зголеми специфичната тежина на Македонската берза во процесите на регионалните интеграции.“

Кога сме кај темата регионалните интеграции на пазарите на капитал, да потсетиме дека Загрепската берза веќе поседува удел во Македонската берза и минатата година се обиде да го зголеми позначајно, преку учество на јавната берзанска аукција, кога се продаваа 10% акции од Берзата што беа во сопственост на Еуростандард банка, која отиде во стечај. Меѓутоа, неуспешно, и како што вели Штериев, тоа го забави процесот на посериозно влегување на Загрепска берза во Македонска берза и сега таа поседува нешто над 7% од акциите.

„Уште еднаш се покажаа разликите помеѓу деловниот резон и начинот на вреднување на акциите од страна на локалните пазарни играчи наспроти странските инвеститори. Воедно, во овој конкретен случај странскиот инвеститор мораше сите постапки да ги прави најтранспарентно, со што веројатно привлече конкуренција којашто има сосема други приоритети што не се поврзани со развој на домашниот пазар на капитал.“, смета Штериев.

Тој потсетува, што е истакнато и во повеќе наврати досега, дека интегрирањето во некоја поголема берзанска групација е повеќегодишно настојување на Македонска берза како одговор на лимитираните автономни фактори за поекспанзивен развој и потребата од посеопфатен know-how  и бизнис вмрежување.

„Поради ова,  и нашите акционери одлучија во Одборот на директори да имаме и претставник на Загрепската берза. А, што се однесува до тековната соработка помеѓу нашите две берзи, таа е на завидно ниво во повеќе области, почнувајќи од проектите во рамките на СЕЕ ЛИНК, преку crowdfunding платформата Funderbeam, па се’ до заедничка понуда на едукациски обуки. Очекуваме поголема соработка на двете берзи и отворање на нови развојни проекти, чиешто интензивирање би било поврзано со евентуалното дополнително зголемување на сопственичкиот удел на Загрепската берза. “

македонија1 ден ago

Продолжуваат заедничките хуманитарни активности на „Алкалоид“ и „Црвен крст“: Заедно можеме повеќе!

Фасхион4 дена ago

„Божиновски“ ексклузивно ги претстави новитетите на Брајтлинг

економија5 дена ago

ПроКредит Банка прави чекор напред во поддршка на малите и средните претпријатија – се одржа втората бизнис конференција „Дигитална еволуција“

економија6 дена ago

Фортонмка успешно реализира продажба на објект од 9,5 милиони евра на ЛИДЛ

коментари6 дена ago

Со АмЧам на тема…Балканската рута на трговија со фалсификувани производи

економија6 дена ago

КБ Публикум инвест станува КБ ИНВЕСТ, со доминантна сопственост на Комерцијална банка

економија1 недела ago

Мукаетов – панелист на конференцијата „Чувари на мудроста“ во организација на „Халк банка“

банки1 недела ago

Со голем настан Македонската шаховска федерација ќе одбележи еден век постоење на Светската шаховска федерација ФИДЕ

македонија2 недели ago

Комерцијална банка со поддршка за македонскиот фудбал и во наредните три години

банки2 недели ago

Прокредит банка со нова модерна филијала во Гостивар

коментари6 дена ago

Со АмЧам на тема…Балканската рута на трговија со фалсификувани производи

банки1 недела ago

Со голем настан Македонската шаховска федерација ќе одбележи еден век постоење на Светската шаховска федерација ФИДЕ

економија1 недела ago

Мукаетов – панелист на конференцијата „Чувари на мудроста“ во организација на „Халк банка“

економија6 дена ago

Фортонмка успешно реализира продажба на објект од 9,5 милиони евра на ЛИДЛ

економија6 дена ago

КБ Публикум инвест станува КБ ИНВЕСТ, со доминантна сопственост на Комерцијална банка

економија5 дена ago

ПроКредит Банка прави чекор напред во поддршка на малите и средните претпријатија – се одржа втората бизнис конференција „Дигитална еволуција“

македонија1 ден ago

Продолжуваат заедничките хуманитарни активности на „Алкалоид“ и „Црвен крст“: Заедно можеме повеќе!

Фасхион4 дена ago

„Божиновски“ ексклузивно ги претстави новитетите на Брајтлинг