Како е да се живее во Киев без струја, вода и греење: поранешен украински министер споделува на Твитер

„Нема струја, нема греење, нема вода. Температурата е околу нула. Станот ми е се’ уште топол од претходните денови, но ќе видиме колку ќе издржи. Имаме ќебиња, вреќи за спиење, топла облека. Не сум премногу загрижен додека температурата не падне под 10 степени.“, пиша Тимофиј Милованов на Твитер.

Пo вчерашниот руски ракетен напад врз Киев, голем дел од главниот град на Украина во моментов е без струја и топлинска енергија.

Поранешниот украински министер за економија Тимофиј Милованов на Твитер опиша како е да се живее во Киев без струја, греење и вода додека температурата е околу нула.

„Добро утро. Во Киев е втор ден без струја, 247-ми ден од војната. Нема струја, нема греење, нема вода. Температурата е околу нула. Станот ми е се’ уште топол од претходните денови, но ќе видиме колку ќе издржи. Имаме ќебиња, вреќи за спиење, топла облека. Не сум премногу загрижен додека температурата не падне под 10 степени.“, пиша Милованов.

Снегот од балкон како залиха на вода

Вели дека проблем е тоалетот.

„Имаме околу 100 литри вода на залиха. Снег има и на нашиот балкон. Тоа е изненадувачки големо залиха на вода. Но, секогаш кога ќе одам на балкон да земам снег, морам да пуштам ладен воздух во станот и тоа не е добро“, напиша Милованов на Твитер. Тој додаде дека мобилната мрежа работи, но квалитетот на сигналот варира. Тој вели дека има интернет.

Поранешниот украински министер вели дека во продавниците има храна, но дека е предизвик да се плати бидејќи најголем дел од касите работат само со готовина и само неколку од нив се поврзани со прифаќање кредитни картички.

„Банкарскиот систем е стабилен, но ќе одам да земам нешто готовина во случај телефоните или банките да паднат. Имам електричен шпорет, што значи дека нема топол оброк додека не се врати струјата. Ова не е забавно.

“Ако не размислувам премногу за се’, денот ми е нормален“

Имаме план од два дела – прво ќе купиме батерии што се слични на домашната батерија на Tesla за да имаме струја и второ – ќе купиме опрема за готвење на плин или дрва“, рече Милованов.

Поранешниот министер вели дека на универзитетот во Киев има подземно засолниште и дека на првиот кат има генератор. „Во прифатилиштето има храна, греење и интернет, но водата е проблем. Ако не размислувам премногу за се’, денот ми е нормален, само без појадок“, напиша Милованов на Твитер.