Connect with us

менаџмент / маркетинг

КАКО УСПЕШНИТЕ ДИРЕКТОРИ ГО КОРИСТАТ СВОЕТО ВРЕМЕ

Една неодамнешна длабинска 12 годишна студија од Универзитетот Харвард покажува како извршните директори управуваат со најважниот ресурс – времето.

објавено

на

Една неодамнешна длабинска 12 годишна студија од Универзитетот Харвард покажува како извршните директори управуваат со најважниот ресурс – времето.Mожеби вие не управувате со компанија од неколку милијарди долари, но сите бизнис лидери треба да разберат дека начинот на кој го трошат своето време влијае врз нивната способност да управуваат.
Додека извршните директори се екстремно фокусирани додека се на работа, најголем дел од нив ставаат акцент на максимизирање на квантитетот и квалитетот на времето поминато надвор од работата, што вклучува ментално и физичко здравје.
Она што е интересно е дека извршните директори биле екстремно дисциплинирани во одржувањето на нивната рутина, давајќи им приоритет на овие активности кои не се поврзани со работата за поурамнотежен живот.

Покрај предизвиците за наоѓање на инспирација и развивање на стратегијата на компанијата, претприемачите имаат важна одговорност за водењето и негувањето на бизнисот секој еден ден. Секој претприемач порано или подоцна сфаќа дека времето е највредниот и најограничен ресурс што го има и ефикасното управување со времето може да ја направи разликата помеѓу успехот и неуспехот.

Неодамна објавената студија на Нитин Нориа и Мајкл Портер од Харвард бизнис школата покажува како извршните директори на големите компании го трошат своето време. Резултатот од оваа 12-годишна студија е валидација за претприемачите кои секојдневно се борат со времето, но исто така претставува еден длабок увид во главите на успешните бизнис лидери.
Во студијата се вклучени податоци од 25 извршни директори, меѓу кои и две жени, на компании кои се јавно котирани со просечен годишен приход од 13 милијарди долари. Истражувањето ги следело активностите на овие извршни директори секој ден, 24 часа дневно, со детали до 15-минутни интервали. Од тие причинирезултатите кои се добиени се прилично детални и поткрепени.
Mожеби вие не управувате со компанија од неколку милијарди долари, но сите бизнис лидери треба да разберат дека начинот на кој го трошат своето време влијае врз нивната способност да управуваат. Поминете премалку време со своите вработени и вашиот тим ќе ве види како незаинтересиран и нечувствителен, но ако поминувате премногу време со нив и може да гледаат на вас како на микроменаџер кој ја задушува креативноста и мотивацијата.

На крајот, разбирањето на улогата на основачите и извршни директори и како тие го распределуваат своето време во бизнисот е од клучно значење за разбирање како компаниите ги поттикнуваат големите лидери да растат.

Како што истакнуваат Портер и Нориа, “распоредот на секој лидер … е манифестација за тоа како еден лидер раководи и тоа испраќа моќни пораки до остатокот од организацијата”.

Еве некои од најинтересните резултати од студијата:

  • извршните директори работат во просек 9,7 часа во работен ден;
  • вкупно, извршните директори работат во просек по околу 62,5 часа неделно;
  • извршните директори водат бизнис во 79%од деновите за викенд и 70% од деновите за одмор;
  • повеќе од половина или 53% од работата на извршните директор се извршени надвор од седиштето на компанијата, посетувајќи подружници на компанијата, средби со надворешни лица, патување и дома.

Во принцип, времето на извршниот директор, исто како и на новиот претприемач, е потребно низ целата организација. Покрај тоа, извршните директори се исто толку подложни на “проклетството на претприемачот”, или неможноста да го “исклучат” бизнисот. Ова не треба да биде изненадување, но тоа треба да послужи како предупредување до секој кој верува дека водењето на една компанија е исто како и одговорностите од било која редовна работа со полно работно време.

Состаноците исто така “трошат” голем дел од времето на извршнитe директорi. Во просек, извршните директори кои биле вклучени во студијата направиле во просек 37 состаноци секоја недела и потрошиле 72% од целокупното нивно работно време на состаноци. Траењето и квалитетот на состаноците варирале, но времето поминато состаноци не се менува.
Во принцип:

  • 61% од времето на извршните директори на работа било посветено на лице во лице состаноци;
  • 15% било посветено на телефонски разговори или читање и одговарање на пишана кореспонденција; и
  • останатите 24% од времето биле потрошени за електронски комуникации.

Меѓутоа, студијата не се однесува само за работата, туку опфаќа и начинот на кој извршните директори ги поминуваат околу шест часови надвор од работа. За време на ова време:

  • околу три часа, или половина од часовите надвор од работното време, ги трошеле со семејства;
  • околу 2,1 часа дневно во просек им биле посветени на индивидуалните активности, медиуми или на некое хоби;
  • извршните директори спијат во просек 6,9 часа во текот на ноќта
  • за физички активности повеќето извршни директори трошеле 9% од неработните часови или приближно 45 минути на ден.

Додека извршните директори се екстремно фокусирани додека се на работа, најголем дел од нив ставаат акцент на максимизирање на квантитетот и квалитетот на времето поминато надвор од работата, што вклучува ментално и физичко здравје.
Она што е интересно е дека извршните директори биле екстремно дисциплинирани во одржувањето на нивната рутина, давајќи им приоритет на овие активности кои не се поврзани со работата за поурамнотежен живот.

Заклучокот од оваа студија е многу едноставен: извршни директори, како и претприемачите, не можат да направат сé, и начинот на кој тие ефикасно управуваат и го распределуваат своето време е важен не само за здравјето на компанијата, туку и за нивно добро.

Значи, ако се борите да управувате со вашето време или да разберете како треба да го потрошите, погледнете ги овие резултати како водич кој може да ви помогне подобро да разберете што прават успешните извршни директори.

Click to comment

Leave a Reply

Вашата адреса за е-пошта нема да биде објавена. Задолжителните полиња се означени со *

македонија2 дена ago

Зошто myWorld се смета за најдобра лојална програма во светот?

економија3 дена ago

Нова кредитна линија на Развојната банка – за дигитализација и дигитална трансформација

економија3 дена ago

LIVE: Интерактивни извештаи за макроекономски податоци!

економија4 дена ago

Утре во Скопје започнува Годишната конференција на Виенската иницијатива – еден од најголемите собири во областа на финансиите во Европа

економија4 дена ago

Народната банка продолжува со затегнување на монетарната политика: каматните стапки зголемени за дополнителни 0,25 п.п.

банки4 дена ago

Европската банка за обнова и развој (ЕБОР) ја поставува основата за да стане главен акционер на ProCredit Holding AG & Co. KgaA

македонија4 дена ago

Како шкрабаниците стануваат уметност – Red Bull Doodle Art настан во Бреинстер

македонија5 дена ago

Фероинвест се претстави на саем за хидроелектрани во Малезија

свет6 дена ago

Швајцарија во шок по преземањето на Credit Suisse од страна на UBS

ФЕроинвест
македонија1 недела ago

Електраните и фабриките на Фероинвест дел од студиската посета на странска делегација во програмата за борба против климатските промени

менаџмент / маркетинг1 недела ago

Инвестирајте во квалитет: Изберете дом во согласност со највисоките стандарди во градежништвото

интервју1 недела ago

Проф. д-р Игор Спироски: За дебелината мора да се зборува и преку справување со неа може да се подобри продуктивноста

интервју1 недела ago

Емилија Спировска, ПроКредит Банка: Општествената одговорност се покажува преку дела

интервју1 недела ago

Виктор Филиповски: Клиентите ја препознаваат УНИБанка како свој деловен партнер и поддржувач на нивниот развој

економија3 дена ago

LIVE: Интерактивни извештаи за макроекономски податоци!

македонија1 недела ago

ESG – новиот престолонаследник во корпоративното управување

свет6 дена ago

Швајцарија во шок по преземањето на Credit Suisse од страна на UBS

македонија1 недела ago

Пропаѓањето на Банката на Силиконската долина го стресе светскиот финансиски систем. Ќе има ли последици врз македонските банки? Не, за среќа се  конзервативни и неизложени кон странство

економија1 недела ago

Пандемијата и кризите по неа ја променија парадигмата за компаниската општествена одговорност

менаџмент / маркетинг1 недела ago

Одговорност за одржливост