македонија
Комерцијална банка: Сочувство и помош за спас на преживеаните по разорните земјотреси во Турција и во Сирија

Комерцијална банка со донација на 6.000.000 денари ќе помогне да се обезбедат неопходни намирници и средства за преживеаните жители во настраданите подрачја.
„Нашите мисли се со семејствата на настраданите од разорните земјотреси во Турција и во Сирија, на кои им изразуваме длабоко сочувство и се молиме за спас на луѓето кои сѐ уште се под урнатините.
Комерцијална банка со донација на 6.000.000 денари ќе помогне да се обезбедат неопходни намирници и средства за преживеаните жители во настраданите подрачја. Средствата ќе бидат донирани во Фондот за солидарност на Црвениот крст.
Трагедијата и болката на турскиот и на сирискиот народ се неизмерни, но веруваме дека секоја помош е значајна за ублажување на последиците и намалување на страдањето.“, се вели во соопштението од Комерцијална банка АД Скопје.
