Connect with us

македонија

Кој е кој на банкарскиот пазар во Македонија

Специјална едиција „Топ 200 најголеми и најуспешни“

објавено

на

Сите 13 банки во Македонија (со сѐ Развојната банка, која што е во државна сопственост), за 2022 година покажаа вкупна добивка пред оданочување во износ од 170,7 милиони евра, а вкупна нето добивка од над 157 милиони евра, што е за 5,7% повеќе во однос на 2021 година. Банките во Македонија во 2022 година оствариле нето приходи од камати во износ од 287 милиони евра, а од провизии и надоместоци 101 милион евра.

Во рамки на специјалната едиција „Топ 200 најголеми и најуспешни“ направивме и посебен осврт на банкарскиот сектор, односно неговите перформанси за 2022 година. Таа година, иако предизвикана од сосема различни причинители, состојбата споредена со претходната, 2021, речиси и да не се разликуваше – неизвесноста беше многу висока, а со тоа и ризиците големи. Народната банка, заради стабилизирање на инфлациските очекувања и инфлацијата на среден рок, во април 2022 почна со постепено зголемување на основната каматна стапка во неколку наврати, што на крајот на денот значеше и поскапување на кредитите за граѓаните и компаниите.

Ова секако може да влијае на платежната способност на сите субјекти. И покрај сите овие фактори, во 2022 кредитокорисниците во Македонија релативно уредно ги сервисираа своите обврски, со оглед дека процентот на нефункционални кредити кон крајот на годината беше околу 2,9% на ниво на банкарски систем.  Анализите на Народната банка покажаа и дека во 2022 година банките обезбедија највисок годишен кредитен раст во последните десетина години, што се должи на корпоративниот сектор, а кредитите на домаќинствата остварија поумерен раст. На страна на изворите на средства, депозитите од нефинансиските субјекти бележеа променливи движења во текот на 2022 година, што резултираше со побавен годишен раст во споредба со претходната година. Носител на депозитниот раст во 2022 година беа депозитите од домаќинства, но и депозитите од претпријатија бележат раст. Ликвидноста на банкарскиот систем беше  на задоволително ниво, а солвентноста се подобри во 2022 година, при што стапката на адекватност на капиталот достигна највисоко ниво за последните десетина години, од 17,7 проценти.

„Големата тројка“ со речиси 75% од профитот на целиот банкарски сектор

Сите 13 банки во Македонија (со сѐ Развојната банка, која што е во државна сопственост), за 2022 година покажаа вкупна добивка пред оданочување во износ од 170,7 милиони евра, а вкупна нето добивка од над 157 милиони евра, што е за 5,7% повеќе во однос на 2021 година. Банките во Македонија во 2022 година оствариле нето приходи од камати во износ од 287 милиони евра, а од провизии и надоместоци 101 милион евра.

Највисока добивка пред оданочување за 2022 година покажа НЛБ Банка, од 43,6 милиони евра, што беше за 1,78% помалку во однос на претходната година. Од „големата тројка“ следат уште  Стопанска банка Скопје, со 42,6 милиони евра и раст од 4,5%,  и Комерцијална банка со 37,6 милиони евра, што значеше пад од 5,5%. Профитот на трите најголеми банки на пазарот сочинува 72,5% од профитот на целиот банкарски сектор, додека петте најпрофитабилни  банки заедно оствариле 90% од добивката на сите банки заедно.

Највисок пораст на добивката пред оданочување за таа година покажа Шпаркасе банка, од речиси 61%, на 18,3 милиони евра, додека најголем пад имаше кај ТТК Банка, од 33%, на нешто над еден милион евра.

Рекордна година за осигурителниот сектор

Во осигурителниот сектор, пак, 2022 се покажа како рекордна од аспект на вложување во осигурување и од аспект на исплати на осигурени штети, односно најдобрата година во корпоративната историја на осигурувањето во Македонија. Вложувањата во осигурување таа година  надминаа вредност од 208 милиони евра. При тоа пазарот за неживотно осигурување порасна за 9 отсто, а пазарот на осигурување живот се зголеми за 14 отсто.

Инаку, пазарното портфолио во секторот осигурување на крајот на 2022 изгледаше вака: Неживотното осигурување зафаќа 82.2% од вкупниот пазар, а 17,8% е животното осигурување. Бруто полисираната премија (БПП) кај неживотното осигурување беше без малку 171 милион евра минатата година, додека кај животното осигурување изнесуваше 37 милиони евра, покажа извештајот на Агенцијата за супервизија на осигурувањето.

Порастот на БПП кај неживотното осигурување беше 9,2%, додека кај животното е 13,7%. Кај класата неживотно осигурување најголем удел се’ уште има осигурувањето на моторни возила, од 59%, во чиишто рамки пак, уделот на задолжителното осигурување од автоодговорност е приближно 85%, додека на каско осигурувањето отпаѓа 15%.

Триглав осигурување е компанијата што ја заврши 2022 година со најголема БПП од околу 25 милиони евра во делот на неживотното осигурување и воопшто на целиот осигурителен пазар, што е за речиси 14% повеќе во однос на 2021 година, и пазарното учество на компанијата е 14,4%, пораст од 13,8% за годината претходно. Бруто исплатените штети кај Триглав исто така пораснале лани, за без малку 12% на 10,4 милиони евра.

Со пораст од 11,6% во 2022, на второто место е Уника, која ѝ го зеде „среброто“ на Еуролинк, која што е сега трета, со пораст на БПП од само 0,09% лани. Најголем пораст на БПП кај компаниите за неживотно осигурување има Кроација неживот, од цели 41%, на 15,3 милиони евра, додека пад има само кај Халк осигурување, и тоа за 30,2%, на 11,3 милиони евра.

економија19 часа ago

Конференцијата на ПроКредит Банка и ЕБОР „Круг на нови можности“ за поддршка на младите претприемачи и жените во бизнисот

македонија2 дена ago

Живко Мукаетов прогласен за премиум партнер на манифестацијата „Оскар на хуманоста“ на Црвен крст

економија3 дена ago

Утре се одржува конференција за млади претприемачи и жени во претприемништвото во организација на ПроКредит Банка и ЕБОР

економија7 дена ago

Преку примери претставени еколошките и одржливите стандарди на комплексот „Гранд Скопје“ на Конференцијата за комерцијални недвижности

македонија7 дена ago

Цените на становите допрва уште ќе растат, побарувачката не стивнува, а трошоците се зголемени: заклучоци од втората Конференција за комерцијални недвижности во Скопје

економија7 дена ago

Со АмЧам на тема: Предизвици во спроведувањето на заштита на правата на интелектуална сопственост

македонија1 недела ago

30 години дански конзулат и орден Витез од прва класа на Редот на данското знаме за Живко Мукаетов

македонија1 недела ago

Почна втората Конференција за комерцијални недвижности во Скопје

македонија1 недела ago

Новото електрично возило на Грин Машинс на Брако претставено во Минхен

економија1 недела ago

Гранд Скопјe PRIME SPONSOR на овогодишната Конференција за недвижности

регион1 недела ago

Бејби Лазања ќе донесе едно чудо Скандинавци во Хрватска годинава

македонија1 недела ago

Како „дише“ пазарот за широка потрошувачка во Македонија

македонија1 недела ago

Зелена иднина за секое дете

регион1 недела ago

Италијанската мафија се реформира: рекетот и убиствата не се повеќе во мода, сега е поисплатлив финансискиот криминал

македонија1 недела ago

Новото електрично возило на Грин Машинс на Брако претставено во Минхен

економија1 недела ago

Македонците лани потрошиле 200 милиони евра за онлајн купување од странски е-трговци: најмногу пари потрошиле кај Wizzair и Booking, а најчесто купувале од Amazon и AliExpress

економија7 дена ago

Со АмЧам на тема: Предизвици во спроведувањето на заштита на правата на интелектуална сопственост

македонија7 дена ago

Цените на становите допрва уште ќе растат, побарувачката не стивнува, а трошоците се зголемени: заклучоци од втората Конференција за комерцијални недвижности во Скопје

македонија1 недела ago

30 години дански конзулат и орден Витез од прва класа на Редот на данското знаме за Живко Мукаетов

свет1 недела ago

Бајден ги крена царините на кинеските електрични возила на 100%