Connect with us

македонија

Лавина реакции по пресот на Никола Димитров денеска: Заев, Османи, Ковачевски…

објавено

на

Заев вели дека со македонските позиции во преговорите со Бугарија се согласил и Димитров; Османи ја објасни технологијата на процесот на преговарање и повика на фер однос и доблест; Ковачевски смета дека Димитров е незадоволен што не е дел од новата влада.

Реакциите по денешната прес конференција на се’ уште актуелниот вицепремиер за европски интеграции Никола Димитров не стивнуваат. По реакцијата од кабинетот на министерот за здравство Венко Филипче, се огласија и од кабинетот на премиерот во оставка Зоран Заев, министерот за надворешни работи Бујар Османи, мандатарот на новата влада Димитар Ковачевски, итн.

Од кабинетот на Заев велат дека Северна Македонија има јасни позиции во разговорите со Бугарија, изградени со целосно владино единство и испратени како одговор од нашето МНР до бугарското МНР.

Заев: Со македонските позиции во преговорите со Бугарија се согласи и Димитров

„Македонскиот идентитет и македонскиот јазик воопшто не се тема на разговор помеѓу нас и Бугарија. Македонските позиции кои се целосно на линија на португалскиот предлог кој беше усвоен и на словенечкото претседателство и кои се целосно во согласност со Резолуцијата усвоена во Собранието, се изградени низ сеопфатен консултативен процес и работни состаноци во кои Димитров имал активна и суштинска улога. Со македонските позиции во овие преговори се согласи и Никола Димитров, впрочем тој имаше сериозен удел во создавањето на тие наши позиции, низ процесот кој го водеше министерот за надворешни работи, Бујар Османи. Доколку Димитров е против што било од позициите кои сме ги изградиле заедно, чесно е заради народот да го каже тоа и да објасни зошто, бидејќи во спротивно останува само впечатокот дека неговото неучество во идната влада е причина за ваквите неточни и шпекулативни јавни манифестации со цел од напред да се става товар на недоверба во владата.“, се вели во реакцијата на Заев.

Османи: Да покажеме доблест и фер однос

Министерот за надворешни работи, пак, Бујар Османи, за кого што Димитров денеска на пресот рече дека има впечаток оти преговара со Бугарија за решение по секоја цена, на својот ФБ профил објасни каква е технологијата со која се водат разговорите со бугарската страна.

„Преговорите на техничко ниво ги водат работни групи во кои членуваат искусни дипломати од Министерството за надворешни работи. Тие реферираат пред Министерот за надворешни работи, но воедно тие настапуваат согласно стекнатите знаења и искуство во нивната децениска работа во куќата, секако застапувајќи ги државните стратешки интереси утврдени од страна на Владата и целиот државен врв.

Во истата насока, за важните стратешки прашања во Владата секогаш се формира Работна група – највисоко политичко тело кое по правило го предводи Премиерот, и на кое постојано се повторуваат и прецизираат државните интереси на земјава, кои Владата и Министерството за надворешни работи ги застапува при разговорите со своите колеги.

Ова не се однесува само на сегашните разговори за надминување на отворените прашања со Република Бугарија, туку за етаблирана пракса која беше применета и при создавањето на Договорот од Преспа – чии успех има колективна заслуга: од дипломатите во Министерството за надворешни работи, преку работната група во Владата, па сѐ до сѐ уште актуелниот Премиер, што е повеќепати потврдено практично од сите меѓународни пријатели на земјата.“, вели Османи.

Османи вели дека пред државава е формирање на еден нов политички моментум создаден преку новите мандати на Владите во двете земји.

„Граѓаните очекуваат од нас да ја искористиме оваа нова политичка иницијатива за да ја зајакнеме довербата меѓу двете Влади и меѓу двете држави. За оваа и јас лично, но и Министерството за надворешни работи, е во постојана комуникација и со Работната група во Владата, и со актуелниот Премиер, а консултациите правиме и со новиот Мандатар кој очекуваме наскоро да ја преземе функцијата. Резултат на оваа активност е веќе договорената посета на високата владина делегација предводена од Премиерот Петков на Скопје на 18 јануари, а во постојана комуникација со нашите колеги од Бугарија, веќе работиме да постигнеме согласност за одржување и на заедничка седница на двете Влади само една недела подоцна, или на 25 јануари.

Од успехот на овие посети ќе зависи и насоката и силината на новиот моментум во односите меѓу двете земји, и оттука сите активности кои го загрозуваат овој успех ги сметам за непродуктивни и нефер.

Ги повикувам јавно сите колеги, сегашни и поранешни, да покажеме доблест и фер однос едни кон други, да го задржиме нивото и довербата кои долги години и меѓусебно ги градевме, и да им ја обезбедиме европската иднина на граѓаните која предолго само им ја ветуваме.“, заклучува Османи.

Ковачевски: Димитров е незадоволен што не е дел од новата влада

Мандатарот на новата македонска Влада, Димитар Ковачевски, кој во излагањето на Димитров беше спомнат како човек кој „нема баш искуство и знаење во надворешната политика“, за Фокус изјави дека станува збор за изразено лично незадоволство поради завршување на неговото учество во Владата.

Тоа што го кажува воопшто не е точно. Имаме јасни државни позиции во однос на разговорите со Бугарија, имаме усвоена Резолуција во Собранието, поддржана од сите партии. Димитров лично бил дел од градењето на истите тие позиции. Македонскиот јазик и македонски идентитет не биле, не се, и нема да бидат тема на разговор. Дали господинот Димитров е против овие изградени држави позици во однос на разговорите со Бугарија и во кој дел треба да каже самиот. Граѓаните да бидат спокојни дека Владата во целост ќе ги заштити националните интереси, а преговорите на ниеден начин не се загорезени со заминувањето на Димитров“, рече Ковачевски.

македонија16 минути ago

Гувернерката Ангеловска – Бежоска на панел на „Euromoney“: Пандемијата значително ја зголеми одговорноста на централните банки

свет50 минути ago

Ѓоковиќ повторно остана без виза

економија22 часа ago

Што содржи економскиот дел од предлог-програмата на Ковачевски

економија1 ден ago

Прометот на Македонска берза лани поголем за 57%, индексот со пораст од 31%

економија1 ден ago

Повик до младите истражувачи: Пријавувањето на научните трудови за Годишната награда на Народната банка е до 1 февруари

македонија2 дена ago

Лавина реакции по пресот на Никола Димитров денеска: Заев, Османи, Ковачевски…

македонија2 дена ago

Филипче: Димитров никогаш не се спротивстави на мерките за пандемијата

македонија2 дена ago

Димитров вели дека добил поддршка од многу меѓународни пријатели да биде премиер

економија2 дена ago

ССК: Новиот Закон за електричен отпад наметнува нереално зголемени давачки за компаниите

македонија2 дена ago

Димитров: Не се повлеков сам, имав сериозна битка во Владата околу блокадата од Бугарија

македонија4 дена ago

АЕТМ: Над 100 пријавени е-трговци за ‘Ecommerce Awards’, рокот за пријавување истекува во среда

start up4 дена ago

Запознајте го Синдекс, стартапот на Михајло Штерјов, креатор на играта SciGirl: The Internship, што доби инвестиција од Акцелератор УКИМ

интервју3 дена ago

Даниел Лорер: Бугарија ќе бара, а нема да чека инвестиции

свет4 дена ago

Австралиските власти повторно го апсат Ѓоковиќ – го чека депортација?!

македонија2 дена ago

Филипче: Димитров никогаш не се спротивстави на мерките за пандемијата

македонија4 дена ago

„Адора инженеринг“: Не сме вклучени во производството и испораката на топлинска енергија, обврската во овој момент е целосно на БЕГ

македонија4 дена ago

Мандатарот Ковачевски ги соопшти имињата на министрите од СДСМ

економија22 часа ago

Што содржи економскиот дел од предлог-програмата на Ковачевски

македонија2 дена ago

Димитров вели дека добил поддршка од многу меѓународни пријатели да биде премиер

македонија2 дена ago

Лавина реакции по пресот на Никола Димитров денеска: Заев, Османи, Ковачевски…