Лидери на зелената економија

Целта на овој проект е да создаде универзитетска средина која ќе стимулира развој на циркуларната економија кај студентите на економските факултети во регионот на Југоисточна Европа. Проектот исто така стимулира градење и продлабочување на поврзаноста меѓу академијата и индустријата и подобрување на дигитализацијата на високообразовниот сектор.

Факултетот за Деловна Економија и Организациони Науки при Универзитетот Американ Колеџ Скопје во соработка со Економскиот Факултет при Универзитетот во Ријека, Хрватска, Факултетот ДОБА од Марибор, Словенија и Факултетот за Бизнис и Менаџмент од Универзитетот од Русе, Бугарија го имплементираат проектот Лидери на Зелената Економија со финансиска поддршка на Еразмус+ програмата. 

Целта на овој проект е да создаде универзитетска средина која ќе стимулира развој на циркуларната економија кај студентите на економските факултети во регионот на Југоисточна Европа. Проектот исто така стимулира градење и продлабочување на поврзаноста меѓу академијата и индустријата и подобрување на дигитализацијата на високообразовниот сектор. Преку проектните активности ќе им се овозможи на студентите да развијат знаења, вештини и компетенции за циркуларната економија. Со тоа тие ќе бидат подобро подготвени за нивните идни работни места и помагање на усвојување на концептите на циркуларната економија во компаниите со што позитивно ќе влијаат на идниот економски раст на земјите како и трансформацијата кон зелена економија.

Кон остварување на Одржливите развојни цели на ООН и Зелената агенда на ЕУ

Проектот е насочен кон утврдување и унапредување на следните аспекти:

• Застапеноста на циркуларната економија во наставата на универзитетско ниво, како и разбирање на искуствата и мислењата на студентите за темата;
• Воспоставување врски и унапредување на соработката меѓу академијата и индустријата во однос на циркуларната економија преку создавање на нови и збогатување на постоечките активности;
• Создавање Дигитaлен депозитар на знаења, алатки и активности за зелената економија кој ќе биде од отворен карактер и ќе може да се користи во иднина од  страна на професорите и студентите;
• Збогатување на знаењата и вештините на универзитетскиот кадар за циркуларната економија.

Преку проектните активности ќе се стимулира унапредување на наставата со нови интерактивни алатки како што се студии на случај, интерактивни предавања, видео материјали, квизови за зелена економија, како и интервјуа за споделување искуства на компании од доменот на циркуларната економија. Преку тоа ќе се поттикне развој на вештини и знаења што се лесно применливи во практиката и ќе се подобри вработливоста на студентите.

Проектот помага во остварувањето на Одржливите Развојни Цели на Обединетите Нации, како и Зелената Агенда поставена од Европската Унија. Исто така конзорциумот е формиран од Универзитети од земји каде што новите методологии за настава и учење за циркуларната економијата се во зачеток и има недостиг на наставни материјали од регионот. Регионалната перспектива ќе ја зајакне соработката меѓу вклучените земји од Балканот. Преку проектните активности сите чинители од различни земји ќе можат да учат за нивните екосистеми, но и да учат едни од други и за други, со што ќе се стимулира развојот на мултикултурните компетенции и меѓукултурна соработка.

За повеќе информации посетете ја официјалната страница на проектот:  https://sites.google.com/view/leadersofthegreeneconomy/home?pli=1.