Македонскиот берзански индекс со пад од 6% во првите шест месеци

Во исто време, за првите шест месеци, меѓу регионалните берзи, Белградската има раст  на својот главен индекс Belex15 за 2,3%, индексот на Загрепската берза Crobex има пад од 3,22%, Љубљанската берза има пад од 11,2%, додека Софиската берза има пад од 3,54%.

Индексот на Македонската берза МБИ10 во првите шест месеци годинава загубил 5,95% од вредноста, односно толкава е разликата помеѓу бројките на 30.06.2022 и 30.12.2021, последниот ден на тргување од минатата година.

Во меѓувреме Берзата имаше големи осцилации, односно, во еден ден, на 24.02. вредноста на индексот падна за речиси 9%, во моментот кога почна руската инвазија врз Украина и кога сите светски пазари доживеаја шок. Вредноста од 5.627 поени тој ден е всушност и најниската вредност на МБИ10 годинава досега, и е за 11,6% пониска од максимумот достигнат на 09.02.2022 од 6.365 поени, којашто е и највисоката вредност на индексот последниве неколку години воопшто.

По „крахот“ на 24.02, МБИ10 имаше неколкумесечен „падни-стани“ период, за да во моментов се движи околу вредноста 5.770 поени.

Од најликвидните акции што се тргуваат на Македонска берза, во првите шест месеци акцијата на Комерцијална банка практично не ја променила својата вредност (во меѓувреме имала осцилации, се разбира), акцијата на Алкалоид паднала за 9,2%, на НЛБ банка паднала за 15%, на Макпетрол паднала за 9,3%, итн.

Во исто време, за првите шест месеци, меѓу регионалните берзи, Белградската има раст  на својот главен индекс Belex15 за 2,3%, индексот на Загрепската берза Crobex има пад од 3,22%, Љубљанската берза има пад од 11,2%, додека Софиската берза има пад од 3,54%.