Македонскиот берзански индекс со пораст од 31% во 2021

Во последните 5 години вредноста на индексот е порасната за 188%, или речиси трикратно.

Македонскиот берзански индекс МБИ10 во декември месец минатата година пораснал за 4,53%, на 6.153 поени, додека за целата година растот изнесува 30,79%, покажува извештајот објавен од Македонска берза. За последните пет години МБИ10 има пораст од

Вкупниот промет на Берзата во последниот месец од 2021 година изнесувал 13,7 милиони евра, што е пад од 31,2% во однос на месец ноември. Пазарната капитализација на акциите, пак, на крајот од декември изнесувала 3,55 милијарди евра, што е за 2,3% пораст на месечно ниво, додека бројот на трансакции на Берзата е за 4,28% поголем во однос на претходниот месец.

Најтргувани акции во месец декември се на Комерцијална банка, со 2,85 милиони евра, а следи акцијата на Алкалоид со промет од нешто над еден милион евра, НЛБ Банка со 500 илјади евра, итн.

Најголем пораст во месец декември имаат акциите на Комерцијална банка, од 10%, Стопанска банка-Скопје од 5,8%, Алкалоид со 5,6%, Макпетрол со 4,4%, итн.  Најголем пад има акцијата на Стопанска банка-Битола од 8,7% и на Македонски Телеком од 1,4%.