Connect with us

економија

Народната банка по стапките на Фед и ЕЦБ: ја зголеми каматната стапка, на 3%

објавено

на

Ова е испраќање сигнал до деловните банки за евентуално зголемување на каматните стапки на кредитите, со што се очекува да се намали притисокот врз потрошувачката.

Македонската централна банка реши да ја затегне монетарна политика, со оглед на растечката инфлација, па донесе одлука за зголемување на основната каматна стапка. На седницата на Комитетот за оперативна монетарна политика при Народната банка  беше одлучено каматната стапка на благајничките записи да се зголеми за 0,5 п.п. до нивото од 3%, а понудата на благајнички записи на редовната аукција не се промени и изнесува 10 милијарди денари. Ова е испраќање сигнал до деловните банки за евентуално зголемување на каматните стапки на кредитите, со што се очекува да се намали притисокот врз потрошувачката.

На оваа седница беше одлучено да се зголемат и каматните стапки на расположливите депозити преку ноќ и на седум дена, за по 0,5 п.п., на нивоата од 0,90% и 0,95%, соодветно.

Овие измени би придонесле и за натамошно поттикнување на штедењето во домашна валута, што би се постигнало преку промени во каматната политика на банките во корист на понуда на релативно поповолни камати на денарските депозитни производи, велат од Народната банка.

Со оглед на монетарната стратегија на стабилен девизен курс на денарот во однос на еврото, промените во домашната монетарната политика ги одразуваат и промените во поставеноста на ЕЦБ. Домашниот девизен пазар бележи стабилизација и во изминатиот период, при умерени притисоци од енергетската криза и прилив на девизи на менувачкиот пазар којшто е значително повисок од очекувањата. Во вакви околности, Народната банка и натаму откупува девизи што придонесе за натамошен раст на девизните резерви.

Најновите податоци за инфлацијата покажуваат просечна инфлација во периодот јануари – август 2022 година од 11,6% на годишно ниво и таа и понатаму главно произлегува од надворешни фактори на страната на понудата.Така, најголем придонес за растот на домашната инфлација има порастот на увозните цени на храната и енергијата, вклучително и на домашната цена на електричната и топлинската енергија, коишто се под влијание на случувањата на глобалниот пазар на енергија.

Но, нивниот подолготраен и посилен раст создава преносни ефекти и врз цените на останатите производи и услугии дополнително ги подгрева инфлациските очекувања, што упатува на потребата од водење претпазливи домашни политики. Во изминатите неколку месеци кај цените на храната се забележуваат поизразени надолни приспособувања на светските берзи, што во следниот период може да доведе до надолни приспособувања и кај домашните цени. Воедно, надолни се и ревизиите и на очекувањата за раст кај дел од овие цени. Сепак, неизвесноста од идната динамика на цените на примарните производи на берзите, а особено на енергентите е нагласена поради воените случувања во Украина.

На седницата на Советот на Народната банка беше донесена одлука за промени кај инструментот за задолжителна резерва, преку кои се поттикнува кредитирањето на проектите поврзани со домашното производство на електрична енергија од обновливи извори.Со оваа одлука, основата за издвојување задолжителна резерва во денари на банките ќе биде намалена за износот на новоодобрените кредити за финансирање проекти за домашно производство на електрична енергија од обновливи извори. На ваков начин, во услови на енергетска криза и силен раст на глобалните цени на електричната енергија, коишто влијаат и врз девизниот пазар, но и врз домашните цени и животниот стандард, Народната банка придонесува кон ублажување на притисоците и на структурните проблеми во економијата. Покрај тоа, со оваа мерка се поддржуваат и „зелените финансии“ и одржливото финансирање, како стратегиска цел во најновиот стратегиски план на централната банка.

економија3 дена ago

Штериев од Македонска берза вели дека се против оданочувањето на капиталните добивки, наведе и три клучни причини

економија3 дена ago

Почна Годишната конференција на Македонската берза: во фокус кризата, енергетиката и банките

македонија5 дена ago

Тинекс: Ниту не’ купил некој, ниту преговараме за продажба

економија5 дена ago

Почна со работа „Стопанска лизинг“, новата компанија на Стопанска банка – АД Скопје

економија5 дена ago

Снежана Поповска, аналитичар: Дали е време за долги позиции и купување акции?

свет5 дена ago

Распродадени летовите од Москва откако Путин нареди делумна мобилизација

економија6 дена ago

Во петок 21. Годишна конференција на Македонската берза: геополитика и енергетика во фокусот

македонија6 дена ago

Во ноември ќе се одржи 5. годишна конференција за е-трговија – првпат во регионално издание

македонија1 недела ago

Голем пожар кај „Даре Џамбаз“, спроти УЈП- случајно или не, повторно горат стари бараки

македонија1 недела ago

Групацијата НИКОБ оваа сезона како генерален спонзор на Македонскиот шампион во Одбојка, ОК Струмица – Никоб

економија5 дена ago

Снежана Поповска, аналитичар: Дали е време за долги позиции и купување акции?

економија5 дена ago

Почна со работа „Стопанска лизинг“, новата компанија на Стопанска банка – АД Скопје

македонија6 дена ago

Во ноември ќе се одржи 5. годишна конференција за е-трговија – првпат во регионално издание

свет5 дена ago

Распродадени летовите од Москва откако Путин нареди делумна мобилизација

економија6 дена ago

Во петок 21. Годишна конференција на Македонската берза: геополитика и енергетика во фокусот

македонија5 дена ago

Тинекс: Ниту не’ купил некој, ниту преговараме за продажба

економија3 дена ago

Почна Годишната конференција на Македонската берза: во фокус кризата, енергетиката и банките

економија3 дена ago

Штериев од Македонска берза вели дека се против оданочувањето на капиталните добивки, наведе и три клучни причини