Connect with us

менаџмент / маркетинг

Не поставуваат прашања само оние што интервјуираат. Еве што можете и вие да го прашате вашиот потенцијален работодавец

Експерт за регрутирање кадри советува

објавено

на

„Како директор на Центарот за кариерен менаџмент при Келог школата за менаџмент и поранешен регрутирач на кадри со 10 години искуство, имам сфатено дека и најквалификуваните кандидати пропуштаат да се истакнат себеси во однос на конкуренцијата со тоа што не прашуваат помалку незгодни, но сепак промислени прашања. Подолу е сет од пет прашања коишто искрено би сакала повеќе кандидати да имаат смелост да ги прашаат додека се интервјуирани по повод некој оглас за работа.“

Лиза Киркпатрик
Келог школа за менаџмент

Никогаш не треба да сте неинформирани околу тоа како вашите вештини се носат со оние на конкуренцијата. Ако интервјуирачот спомне некоја област каде што се чини дека сте послаби, вие објаснете како вашето искуство ги обезбедува тие посакувани вештини. Или, може да користите обратна тактика и да дискутирате за уникатните вештини што ги имате, а останатите кандидати веројатно ги немаат.

Многу луѓе забораваат дека интервјуата за работа се „двонасочна улица“ – и дека, ако се реализираат како што треба, може да прераснат во плодна конверзација помеѓу кандидатот и интервјуирачот.

Како директор на Центарот за кариерен менаџмент при Келог школата за менаџмент и поранешен регрутирач на кадри со 10 години искуство, имам сфатено дека и најквалификуваните кандидати пропуштаат да се истакнат себеси во однос на конкуренцијата со тоа што не прашуваат помалку незгодни, но сепак промислени прашања. (Обично, тие прашуваат само некакви генерички прашања за коишто лесно може да се најдат одговори со обично пребарување на Гугл.)

Подолу е сет од пет прашања коишто искрено би сакала повеќе кандидати да имаат смелост да ги прашаат додека се интервјуирани по повод некој оглас за работа. И додека некои од нив се чинат премногу непријатни за да се постават, во секој случај не само што ќе го импресионирате со нив менаџерот за човечки ресурси што ве интервјуира, туку и ќе го напуштите интервјуто чувствувајќи се многу посамоуверено и со подобри сознанија за самата работна позиција.

  • ‘Кои се најголемите предизвици со коишто ќе се соочам во првите 90 дена, и како ќе биде мерен успехот?’

Ако ве интервјуираат за повисока позиција, ова е прашање што неретко може вам да ви го постават. Но ако не, тогаш вие прашајте ги нив. Деведесет дена е обично пробниот период во којшто компанијата определува дали тоа што ве ангажирала е добра одлука. Затоа е добро да сте подготвени и потполно да разбирате кои се очекувањата од вас и  дали вашето искуство и способности се доволен индикатор дека сте вистинската личност за работното место.

Немојте да се возбудувате премногу ако предизвиците ви се чинат претешки, затоа што како новоангажирани на позицијата, не мора да значи дека веднаш ќе ви го оценуваат знаењето. Ако навистина ја сакате работата, мора да сте спремни да учите и да направите се’ што треба за да влезете во колосек и да станете одлични во тоа што го работите.

  • Има ли нешто во мојата биографија што прави да се колебате дали да ме пуштите понатаму во процесот на селекција?

Менаџерите за регрутирање кадри обожуваат кога кандидатите го поставуваат ова прашање, затоа што покажува чувство за самосвест. Одговорот што ќе го добиете можеби е тешко сварлив, но подобро е да знаете сега, во раната фаза од интервјуто, за да имате време да ја коригирате перцепцијата на работодавачот и да го смените наративот.

На пример, ви кажат нешто вакво: „Се плашам дека нема да бидете среќни со оваа работа затоа што не e позиција каде што имате директен контакт со клиентот.“ Вие можете веднаш да се снајдете со следниов одговор: „Ја разбирам вашата загриженост. Но, токму затоа јас и се пријавив за оваа работа. Во позиции со директна интеракција со клиентите сум во најголем дел од мојата кариера, и сега сакам да правам нешто поинакво.“

  • Како ви изгледа мојот бекграунд во споредба со другите кандидати што ги интервјуирате?

Никогаш не треба да сте неинформирани околу тоа како вашите вештини се носат со оние на конкуренцијата. Ако интервјуирачот спомне некоја област каде што се чини дека сте послаби, вие објаснете како вашето искуство ги обезбедува тие посакувани вештини. Или, може да користите обратна тактика и да дискутирате за уникатните вештини што ги имате, а останатите кандидати веројатно ги немаат.

Доколку не го поставите ова прашање, може две работи да се случат:

  • Да отидете во следна фаза на процесот, но да ги истакнете сите погрешни поенти зошто сте најквалификуваната личност за позицијата.
  • Да не отидете понатаму…и да немате поим зошто.
  • Знам дека пандемијата предизвика досега невидени нарушувања за многу компании. Како вие како менаџер се справувате со ситуацијата?

Прашањево внесува човечка димензија, којашто е ретка при овој тип разговори. Барате од интервјуирачот да се помести за момент од компаниските точки на гледање и наместо тоа, да го рефлектира своето лично искуство.

Добар одговор на менаџерот би бил искрен и автентичен . Исто така би покажал дека тој/таа имаат квалитети како што е емпатија и емоционална интелигенција.

Еве одличен пример за тоа: „Забележав дека не е лесно да се менаџира тим од далечина. Сега повеќе сфаќам колку е тешко да се балансира помеѓу работата и семејството кога работите од дома. И го направив (тоа и тоа) за да биде текот на работата поефикасен и помалку стресен за мојот тим.“

Работодавците би можеле дури и вас да ве прашаат како се справувате со пандемијата, со тоа овозможувајќи да се поврзете со нив на подлабоко, повеќе персонално ниво.

  • Според вашето искуство, што направила компанијата за да промовира различност, еднаквост и инклузија?

Некои луѓе се колебаат да го постават ова прашање, затоа што не сакаат да изгледа како да го ставаат работодавецот „под рефлектор“. Но, ова прашање е апсолутно потребно!

Целта е да се добие лична перспектива што ја рефлектира компаниската посветеност кон различноста, еднаквоста и инклузијата. Дали компанијата направила некакви промени минатата година? Дали има посебен тим што се грижи за промовирање на еднаквоста од сите видови? Дали резултатите се добри?

Одговорот ќе ви помогне да одредите колку е работодавецот целно насочен и дали нивните вредности се поклопуваат со вашите.

Continue Reading
Click to comment

Leave a Reply

Вашата адреса за е-пошта нема да биде објавена.

свет15 часа ago

Америка на НАТО самитот утре ќе најави “долгорочен воен ангажман“ во Европа

економија16 часа ago

Македонските индустриски производи за домашен пазар за една година поскапеле 22% во просек

економија20 часа ago

Новата фабрика на „Гересхајмер“ во Македонија од 126 милиони евра – ќе биде најголемата инвестиција во ТИРЗ досега

свет2 дена ago

Русија касни со плаќање на долгот кон странство. Министерот за финансии: тоа е фарса

економија5 дена ago

Развојната банка воведе нова кредитна линија за енергетска ефикасност и обновливи извори на енергија

менаџмент / маркетинг5 дена ago

Дали сте саботирани од сопствената цел за остварување поголема продажба?

менаџмент / маркетинг5 дена ago

Рекоа за…продуктивноста

менаџмент / маркетинг5 дена ago

Зошто предолгото работење од дома може да е штетно за вашата кариера?

менаџмент / маркетинг5 дена ago

ДЕЛЕГИРАЊЕ – КАКО ДА СЕ РЕШИТЕ ОД СТРАВОТ НА ГУБЕЊЕ МОЌ И КОНТРОЛА?

технологии / компании5 дена ago

Инженер на Google откри дека компанијата поседува вештачка интелигенција што станала свесна, па го пратија дома

македонија6 дена ago

За македонските граѓани најсигурна инвестиција е во станови, нивната цена пораснала за 20% за 3 години и нема да се намалува

start up7 дена ago

Македонскиот стартап Qpick започнува интернационална експанзија!

економија16 часа ago

Македонските индустриски производи за домашен пазар за една година поскапеле 22% во просек

интервју5 дена ago

Роза Балфур: Условот за добрососедство мора да важи и за членки  – не може со вето да решаваат билатерални проблеми

свет5 дена ago

Ако пукне балонот со недвижности во Кина, ќе се оствари кошмарот на сите економисти

економија5 дена ago

Од висока инфлација и економска стагнација добиваме стагфлација

менаџмент / маркетинг5 дена ago

Дали сте саботирани од сопствената цел за остварување поголема продажба?

македонија6 дена ago

Ковачевски во Брисел го отрфли францускиот предлог

економија5 дена ago

Акциските фондови со пораст од 57% и покрај хаосот на светските берзи

економија5 дена ago

Развојната банка воведе нова кредитна линија за енергетска ефикасност и обновливи извори на енергија