Connect with us

економија

Нобеловецот Мохамед Јунус го отвори првиот центар за социјални бизниси во Македонија

објавено

на

Центарот ќе работи во склоп на  Економскиот факултет – Скопје  при УКИМ, и ќе се приклучи на глобалната мрежа на центри за социјални бизниси основани на повеќе од 80 универзитети низ целиот свет. 

Еден од најзначајните говорници и глобални лидери на темата социјални бизниси, нобеловецот Мохамед Јунус, денеска беше главен гостин на онлајн настанот што се организираше по повод  официјалното отворање на Јунус центарот за социјални бизниси. Центарот ќе работи во склоп на  Економскиот факултет – Скопје  при УКИМ, и ќе се приклучи на глобалната мрежа на центри за социјални бизниси основани на повеќе од 80 универзитети низ целиот свет. 

Јунус центрите  за социјални бизниси се истражувачки хабови за социјални бизниси основани од професорот по економија Мохамед Јунус, добитник на Нобеловата награда за мир во 2006 година и познат како “татко на микро – кредитирањето“, основач на легендарната Грамен банка во Бангладеш, којашто сега функционира и во повеќе земји од светот.

Инаку, секој ваков центар ги следи принципите и упатствата на професорот и се обидува да ја унапреди улогата на социјалниот бизнис во решавањето на најитните, приоритетните проблеми во општеството поврзани со сиромаштијата, нееднаквоста, невработеноста, општествената инклузија, деградацијата на животната средина, како и унапредување на општествената благосостојба и квалитетот на живот на одржлив и ефективен начин.

„Јас верувам дека ако некој знае како да го реши проблемот на едно лице, тој всушност го има најдено никулецот на можното решение на тој ист проблем за целиот свет. Бидејќи се работи за повторување. Во Македонија ќе се обидеме да создадеме мал никулец на можно решение, и кога ќе се осигуриме дека функционира, тоа ќе биде и за целиот свет. Решението на проблем од светски размери не е тешка работа.

Сѐ што е потребно е сосема мал пример. Тоа што ме охрабрува да го кажам ова, е фактот дека кога ги дизајнирав микро – кредитите немав претстава дека тоа би било корисно во Македонија или во САД. Јас само се обидував да го решам проблемот на селото кое беше во мојата непосредна околина. Иницијативата се прошири прво низ целата земја, а потоа и низ светот. Не ни требаа некои посебни средства. Тоа беа мои пари. Тоа е она што го очекуваме од секој од Јунус центрите, мали идеи од кои некои се исклучителни, некои не можеби толку на почетокот, но, со тек на време, и мала идеја може да стане исклучително моќна. Тоа е она што го бараме“, рече нобеловецот во своето поздравно обраќање, а опширно интервју со проф. Јунус ќе биде објавено во декемврискиот број на уличното списание за одржлив развој „Лице в лице“.

Целта на новоформираниот Центар за социјални бизниси „Јунус“ во рамките на Економскиот факултет при Универзитетот „Св. Кирил и Методиј” во Скопје е да се развијат и реализираат акциони програми за социјални бизниси, курсеви, обуки, семинари, конференции, истражувања, публикации, лаборатории за социјален бизнис, инкубатори, акцелераторски програми, програми за размена, посети, стажирање и програми за стипендии.


„Центарот ќе овозможува на академскиот кадар, студентите и луѓето од бизнис, јавниот и граѓанскиот сектор да споделуваат знаења и искуства поврзани со концептот на социјалниот бизнис, како и да го промовираат концептот низ различни универзитети и региони. Исто така, ќе претставува место за различни видови на волонтерска и практикантска работа преку кој студентите дознаваат и учат за социјалниот бизнис, а ќе можат да реализираат претприемачки идеи кои иницијално ги работеле на предметните програми на Факултетот.“, објасни проф. Стојан Дебарлиев од Економскиот факултет, раководител на „Јунус“ центарот.

Отворањето на „Јунус“ центарот го поздравија  проф.  Предраг Трпески, декан на Економски факултет, проф. Никола Јанкуловски, ректор на Универзитетот „Св.Кирил и Методиј“ и  Фатмир Битиќи, заменик претседател на Владата задолжен за економски прашања.

Во рамки на онлајн настанот  се одржа и вебинар на тема „Креирање бизниси базирани на вредност“ посветен на градењето екосистем за поддршка на социјалните бизниси  на кој што зборуваа проф.  Стојан Дебарлиев, професор на Економскиот факултет, Јагода Шахпаска, министерка за  труд и социјална политика, Климентина Илијевски, извршна директорка на „Паблик“, како и  Миндаугас Данис, експерт во актуелниот проект на Министерството за труд и социјална политика, „Поддршка на социјалните претпријатија“.

Овој настан е и најава за Форумот на добри компании, кој го организира Асоцијацијата за истражување, комуникации и развој „Паблик“, на кој учествуваат реномирани претприемачи од светот, иницијатори на социјални бизниси, лидери, професори, консултанти за одговорни бизниси, а ќе се одржи на почетокот на следната година во соработка со Јунус центарот и со Германското друштво за интернационална соработка (ГИЗ).

Click to comment

Leave a Reply

Вашата адреса за е-пошта нема да биде објавена. Задолжителните полиња се означени со *

свет9 часа ago

Време ли е за продавање на акциите од Apple?

македонија1 ден ago

„Алкалоид“ АД Скопје со историско достигнување во третманот на рефлуксен езофагитис и ГЕРБ – патентиран првиот Омепразол во течна форма во светот

технологии / компании4 дена ago

Кои се главните предности на генеративната вештачка интелигенција

менаџмент / маркетинг4 дена ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават

регион4 дена ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

интервју4 дена ago

Фабрис Перушко: Кога се нафатив да го водам стечајот на Агрокор многумина ми изразуваа сочувство

интервју4 дена ago

Стефан Таневски: УАКС обезбедува сличен, ако не и ист, калибар на образование како и најдобро оценетите меѓународни бизнис школи

економија4 дена ago

Движењата на стоковите берзи обратни од оние на финансиските пазари

економија4 дена ago

Како работеа домашните инвестициски фондови: Зголемување и на вредноста и на приносите

свет4 дена ago

Пустината под вода

економија1 недела ago

„Е-commerce awards“ придонесуваат кон растот и успехот на бизнисите што функционираат во дигиталниот простор

економија4 дена ago

Како работеа домашните инвестициски фондови: Зголемување и на вредноста и на приносите

банки1 недела ago

Комерцијална банка како „Зелен поборник“ ќе пошумува и ќе едуцира

свет4 дена ago

Пустината под вода

регион4 дена ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

интервју4 дена ago

Стефан Таневски: УАКС обезбедува сличен, ако не и ист, калибар на образование како и најдобро оценетите меѓународни бизнис школи

интервју4 дена ago

Фабрис Перушко: Кога се нафатив да го водам стечајот на Агрокор многумина ми изразуваа сочувство

економија4 дена ago

Движењата на стоковите берзи обратни од оние на финансиските пазари

менаџмент / маркетинг4 дена ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават

технологии / компании4 дена ago

Кои се главните предности на генеративната вештачка интелигенција