Connect with us

економија

Нови бескаматни кредити преку Развојната банка за компании погодени од кризата

објавено

на

Минималниот износ на кредит е 185.000 денари, додека максималниот износ на кредит е 3.000.000 денари. Кредитот ќе има рок на отплата од 12 и од 18 месеци со вклучен грејс период од 6 месеци и во двата случаи.

Микро, мали и средни компании, трговци поединци и занаетчии погодени од енергетската и економската криза од 11 мај 2022  година ќе можат да аплицираат за средства од новата бескаматна кредитна линија наменета за обртни средства. Јавниот повик ќе трае 15 дена, а барањето за кредит субјектите може да го достават електронски на посебна е-маил адреса.

Во услови на светска енергетска и економска криза, Владата донесе сет на економски мерки за намалување на последиците од истата, со цел заштита на стандардот на граѓаните и одржување на економската стабилност. Една од мерките кои се реализираат преку Развојна банка на Северна Македонија е воспоставувањето на новата бескаматна кредитна линија наменета за поддршка на компании погодени од енергетската и економската криза. 

Кредитната линија е наменета за микро, мали и средни претпријатија, трговци поединци и занаетчии кои плаќаат данок на реален приход и се регистрирани во Република Северна Македонија. Компаниите треба да бидат во приватна сопственост и на листата на прифатливи класи на дејности за кредитирање, објавена во јавниот повик.


Минималниот износ на кредит е 185.000 денари, додека максималниот износ на кредит е 3.000.000 денари. Кредитот ќе има рок на отплата од 12 и од 18 месеци со вклучен грејс период од 6 месеци и во двата случаи.

За корисниците на оваа кредитна линија предвидена е грант компонента од 10 проценти за субјектите кои ќе користат рок на отплата од 18 месеци, односно 20 проценти за субјектите кои ќе користат рок на отплата од 12 месеци. Грејс периодот и во двата случаи е до 6 месеци.

Субјектите кои користеле кредит од ,,Ковид 3” и ,,Ковид 4”, нема да можат да ја користат кредитната линија за поддршка на компаниите погодени од енергетската и економската криза. Субјектите кои користеле кредит од „Ковид 1“ и/или „Ковид 2“ и немаат неизмирени достасани обврски во износ поголем од 10.000 денари на денот на аплицирање (11 мај 2022), ќе можат да ја користат оваа бескаматна кредитна линија.

Јавниот повик е објавен денеска, 05.05.2022 година и ќе трае 15 дена сметано од 11 мај 2022 година од 09:00 часот до 26 мај 2022 година до 09:00 часот. Поднесувањето на кредитните барања ќе се одвива по електронски пат на е-маил адресата eekriza@mbdp.com.mk.

Повеќе информации за јавниот повик на веб страницата на банката.

економија5 часа ago

„Брако“ со 74 нови вработувања во првите шест месеци

економија1 ден ago

Инфлацијата во јули 16% на годишно ниво – најмногу поскапеле храната и транспортот, за речиси 25%

македонија4 дена ago

Петта година по ред ќе се одржи изборот „Мажи на годината“

економија4 дена ago

Развојната банка со зголемено кредитирање и добивка во првото полугодие

економија6 дена ago

Речиси 40% од македонската преработувачка индустрија има пад на производството во првите шест месеци

македонија1 недела ago

Никоб Лаб со гратис промоција – Со  направена биохемиска анализа добивате бесплатна проверка на IgG антитела за Ковид 19

македонија2 недели ago

Македонските претставници се пласираа во полуфиналето на глобалниот натпревар: Креативниот Бинзис Куп 2022 во Данска

економија2 недели ago

Алкалоид првпат со нето добивка од над 10 милиони евра за период јануари-јуни

свет2 недели ago

На Германија очајно ѝ требаат работници – буквално за се’

македонија2 недели ago

Finance Think анализираше зошто најмалите “бизнисмени“ во државава се дел од сивата економија