Нов силен удар за Путин: САД ќе ја отсечат руската централна банка од доларски трансакции

Русија повеќе нема да може да пристапи до средствата што ги чува во американски долари со цел да ја заштити рубљата што вртоглаво паѓа.

САД преземаат итни мерки денеска за да ги забранат трансакциите во американски долари со руската централна банка и целосно да го блокираат Рускиот директен инвестициски фонд, изјавија високи претставници на администрацијата на Бајден, земајќи ги за цел некои од најмоќните средства на Русија за ублажување на ефектот на санкциите, известува CNN.

Чекорите имаат за цел да ја спречат Русија да пристапи до т.н. фонд за црни денови ( „rainy day fund”)  на кого што  Москва очекувала да се потпре за време на инвазијата на Украина. Наместо да ги користи резервите за да ја заштити рубљата што паѓа, Русија повеќе нема да може да пристапи до средствата што ги чува во американски долари.

Сеопфатните нови санкции, преземени со Германија, Франција, Обединетото Кралство, Италија и Канада, Европската унија и други, доаѓаат кога руската економија веќе е во слободен пад.

„Ниту една земја не имуна на  санкции“, рече претставник на Белата куќа. „Воените резерви  на Путин од 630 милијарди долари има ефект  само ако можете да го искористите за да ја одбраните сопствената  валута, особено со продажба на тие резерви во замена за купување на рубљата“.

„По денешните дејствија, тоа веќе нема да биде возможно“,

Во телефонски разговор со новинарите во понеделникот наутро, висок функционер на американската администрација  рече дека потегот е „кулминација на повеќемесечно планирање и подготовка на нашите соодветни влади преку технички, дипломатски и политички канали, вклучително и на највисоко ниво“.

„Бевме подготвени и тоа ни овозможи да дејствуваме во рок од неколку дена, а не неколку недели или месеци по ескалацијата на Путин“, рече претставникот.

„Нашата стратегија, едноставно кажано, е да се погрижиме руската економија да оди наназад се додека претседателот Путин одлучува  да продолжи со својата инвазија на Украина“, рече вториот висок функционер на администрацијата.

Во обид да се ублажи влијанието на санкциите врз американските и европските потрошувачи на енергија, Министерството за финансии ќе ги изземе повеќето трансакции поврзани со енергијата од санкциите, што е значително намалување на санкциите.

Санкциите, исто така, целосно го блокираат рускиот фонд за директни инвестиции и неговиот извршен директор Кирил Дмитриев. Официјални лица рекоа дека тие се „симболи на длабоко вкоренета руска корупција и влијание на глобално ниво“.

„Денешните акции ги претставуваат најзначајните дејствија во американското Министерство за финансии, преземени против економија од оваа големина и средства од оваа големина“, рече друг официјален претставник. „Она што исто така го прави ова средство значајно не е само количината на средства или големината на земјата што ја таргетираме, туку брзината со која нашите партнери и сојузници работеа со нас за да го донесеме овој одговор“.

Запрашан за потенцијалните дополнителни санкции за Белорусија, која се чини дека е подготвена да ја подигне нејзината улога во руската инвазија на Украина, официјален претставник рече дека САД ги следат настаните „многу внимателно“ и дека санкциите кон Белорусија „ќе продолжат да се зголемуваат многу повеќе“.