Онлајн конференција „Бизнис без корупција“ во петок, 22.01

Конференцијата е завршен настан во рамки на проектот „Зајакнување на интегритетот и намалување на корупцијата во државниот и приватниот бизнис-сектор“ финансиран од Европската унија и спроведен од Центарот за граѓански комуникациии во партнерство со Конект и Здружението на даночни советници. 

Во петок, на 22 јануари, со почеток во 11ч. ќе се одржи онлајн конференција „Бизнис без корупција, којашто е всушност завршен настан во рамки на проектот „Зајакнување на интегритетот и намалување на корупцијата во државниот и приватниот бизнис-сектор“ финансиран од Европската унија и спроведен од Центарот за граѓански комуникациии во партнерство со Конект и Здружението на даночни советници. 

На конференцијата ќе биде претставен придонесот на проектот кон:  проценка на транспарентноста, отчетноста и ризиците од корупција во јавните претпријатија; развојот на меѓусекторски механизми за дијалог за намалување на корупцијата во бизнисот; пристапот до локални алатки за зајакнување на интегритетот и засилување на капацитетите на приватните бизниси за спречување и борба против корупцијата.

На конференцијата свое обраќање ќе имаат врвни учесници од странство, како претставникот од Делегацијата на ЕУ, ЕБОР, Швајцарската мрежа на Глобалниот договор, владини преставници, но и од домашни лидерски компании кои применуваат системи за интегритет штитејќи се од корупција и нејзините неповолни влијанија на бизнисот.

Конференцијата ќе ги претстави пионерските ефекти на проектот за спречување и борба против корупцијата во бизнис-секторот.

„Сузбивањето на корупцијата во бизнисот е можно кога од една страна, компаниите ќе создаваат култура на интегритет, деловната етика, примена на високи стандарди и превентивни механизми против корупцијата, а од друга страна преку меѓу-секторски дијалог и заедничко работење на сите чинители ќе се креира бизнис околина којашто ќе поттикнува чесен бизнис.

Во рамките на спроведувањето на проектот создадовме заедница од повеќе од 200 претставници на приватниот сектор, подготвени да направат чекор напред и проактивно да воведат мерки за интегритет. Тие ќе ја збогатат конференцијата со своето присуство заедно со релевантни институции, стопански комори, граѓански организации кои работат во областа на спречување на корупцијата, како и гости-говорници од ЕУ кои ќе ги споделат своите стручни совети. Овој настан ќе креира насоки за понатамошен напредок во оваа област кај сите засегнати страни.“, велат организаторите на настанот.

Сите заинтересирани можат своето учество да го потврдат на konekt@konekt.org.mk по што ќе добијат информации за онлајн просторот на конференцијата.