Connect with us

менаџмент / маркетинг

Клучните вредности што се бараат од брендовите сега:Покажување емпатија, демонстрирање вредност, уникатна презентација

Клучните вредности што се бараат од брендовите сега

објавено

на

Ако економијата оди во насоката во која се предвидува за оваа година, ќе се случат две работи: луѓето ќе прават помалку севкупни купувања, но, ќе го ценат сето она што ќе го направат како инвестиција. Тие ќе сакаат да видат вредност, и физичка и емоционална. Покажувањето на тоа ќе биде клучно за сите компании.

Оваа 2023 година ќе биде фасцинантно време за компаниите. Во неверојатно уникатен сет на околности, борбата за свесност – и на крајот за парите на потрошувачите – никогаш не била покомплексна.

Но, што можеме да очекуваме да провејува како основни трендови околу кои ќе се градат бренд стратегиите? Ги предвидовме 4-те главни на кои треба да внимавате и како можете да ги користите на автентичен начин.

Покажување емпатија, испорачување емпатија

Покажувањето дека разбирате што чувствуваат вашите потрошувачи сега, може да изгради емпатија, а емпатијата гради доверба што ја прави публиката поприемчива за она што имате да го кажете.

Како да го направите тоа? Првото нешто што треба да се запамети е дека тоа не значи дека треба да ги претворите вашите пораки во нешто слично на добротворна акција. Емпатијата значи едноставно  разбирање и поврзаност.

Оваа година, веројатно ќе видиме манифестација и раст на рафиниран пристап за „мека продажба“. Нешто што убедува без да мора да вика на сет глас, и помага ефикасно да се води публиката од свесност до разгледување во однос на фазите на продажниот процес.

Автентичноста на брендот е дел од вашиот бренд. За време на пандемијата „Ковид-19“, кај  пазари имаше  отфрлање на компании кои одеднаш „волшебно“ ја пронајдоа својата совесност, во корист на оние што тоа го имале како дел од својата ДНК со години.  Овие обиди  се сметаа  за цинични трикови  со единствена цел профит, на тој начин урнувајќи ја довербата кај потрошувачите.

Демонстрирање вредност

Ако економијата оди во насоката во која се предвидува за оваа година, ќе се случат две работи: луѓето ќе прават помалку севкупни купувања, но, ќе го ценат сето она што ќе го направат како инвестиција. Тие ќе сакаат да видат вредност, и физичка и емоционална. Покажувањето на тоа ќе биде клучно за сите компании.

На пример, македонската компанија Адора Бизнис Групација во моментов се пробива со градежни проекти на два соседни пазари, Србија и Грција. Како што вели потпретседателот на групацијата, Душко Чифлиганец, клучно во пласирањето  на новите пазари било да се искомуницира кон публиката „нивната традиција и искуство, нивниот студиозен и детален пристап кон работењето“.

„Тоа на луѓето им дава чувство на сигурност дека и  покрај сите отежнати услови на работење, огромната инфлација и поскапување на материјалите и стеснетите пазари на капитал, во наши раце нивната инвестиција е целосно сигурна и проектот ќе се реализира во предвидениот начин и квалитет, што за жал не беше секаде случај.“, вели Чифлиганец.

Емоционалната вредност е во суштината  на лојалноста кон  брендот. Во својата наједноставна форма, тоа е причината зошто  луѓето купуваат скапи производи наместо евтини – тие имаат посилна емоционална врска со скапиот. Тие го САКААТ  скапото. Таа лојалност дава профит на долг рок и многу помага за време на  економски кризи.

Тоа не е само парична вредност, туку  покажува дека сте истомисленици, дека на ист начин пристапувате кон бизнисот – ова е вредноста на водење бизнис со некој познат.

Борбата за цената секогаш ќе биде искушение. Релативно е едноставно да се направи, лесно е да се пријде на публиката и често дава резултати. Но, на крајот ќе почне да јаде од маржите,  што  може да биде  неодржливо  во текот на долг период, како на пример, рецесија.

Уникатна презентација

Да кажеме отворено, 2023 година не е  време да се игра на сигурно.

Презентацијата е циклична. На секои 10-15 години, она на што потрошувачите реагираат визуелно почнува да се менува доволно за да стане ново нормално. Оваа „нова нормалност“ честопати е одговор на „нормалното“ што дошло пред него – потрошувачите се само луѓе на коишто им станува здодевно она што се повторува цело време.

Нашиот соговорник Чифлиганец накратко ја опиша еволуцијата на брендот Адора изминативе три години на пандемија и криза по неа: што се променило во нивната маркетинг стратегија?

„Во услови на енормно и непредвидлива растечка инфлација, што значително и забрзано ја намалува вредноста на капиталот и заштедите на луѓето, а во исто време ги зголемува трошоците за живеење, потрошувачите беа ставени во една длабока дилема, дали што побрзо да ги инвестираат слободните средства кои ги имаат со цел да ги заштитат од инфлацијата или да ги зачуваат доколку им се неопходни поради отежнатите услови на ликвидност и финансирање како на деловен, но исто така и на приватен план. Инспирирани од оваа реалност, на српскиот пазар не понудивме само недвижности, туку недвижности облагородени  со бизнис модел. Односно, понудивме инвестициони апартмани коишто се дел од хотелски комплекс.“, објаснува Чифлиганец.

Што значи тоа од инвестициски аспект? Клиентите ги инвестираат своите средства во купување на апартман/стан со што како што сме сведоци на растечките цени на недвижностите, успешно го заштитуваат капиталот од инфлација. Но, во исто време тие недвижности носат принос од изнајмувањето на истите во склоп на хотелскиот концепт на работа, којшто приход преставува финансиско олеснување за инвеститорите во денешните затегнати услови на живеење.

„Значи кратко кажано, креиравме концепт на инвестирање во недвижнини коишто остваруваат капитална добивка а воедно и носат значителна континуирана дивиденда и до 8% на годишно ниво. Битно е да се спомне  дека целиот процес е од пасивен карактер за инвеститорите, односно не се оперативно вклучени во процесот на изнајмување и целата конструкција исто така може да се изведе преку станбен кредит со минимални сопствени средства. Морам да истакнам дека оваа да ја наречеме унапредена маркетинг стратегија во креирањето недвижнини донесе  одлични резултати. “       

Покажувањето дека разбирате што чувствуваат вашите потрошувачи сега, може да изгради емпатија, а емпатијата гради доверба што ја прави публиката поприемчива за она што имате да го кажете.

Лекциите од B2C ќе бидат насекаде во B2B

Ова последново  зема замав некаде од 2015 година, но веројатно ќе стане поочигледно  како што ја грицкаме 2023 година. Студијата објавена од Google го отфрли митот дека купувачите во  B2B (business-to-business) сегментот  најверојатно ќе засноваат одлуки базирани на студена  пресметливост  и логика. Всушност, лидерите во  индустријата имаат исто толку шанси да прават избори засновани на емоционална реакција како и ние, обичните смртници.

Оттаму, B2B има тивка револуција која стана само погласна откако пандемијата во суштина ја докажа оваа логика дека е точна,  со реакцијата на „автентична  емпатија“. Како што одлучувачите за купување станаа поразновидни во однос на возраста и полот, така стана и пристапот за освојување на нивната доверба и нивниот бизнис. И B2B пазарот го направи тоа на неверојатно интересен начин: Во основа, тоа е копирање на домашната задача на B2C (business-to-consumer).

Сега, пораките почнаа да се центрираат околу емотивната вредност повеќе одошто  околу конкурентноста  на цената, и околу долгорочната доверба наместо краткорочната продажба.

B2B и B2C секогаш ќе бидат различни со добра причина. Но, линијата меѓу нив со текот на времето станува сè понејасна, а тоа е и со добра причина – традиционалните методи и не биле толку ефективни. Оние кои одлучуваат за купувањето  очекуваат повеќе, а нивната публика очекува повеќе од нив за возврат: бара транспарентност во однос на етиката, набавките и работната култура.

Особено со приближување на рецесијата, вредноста за  потрошувачот што е побитна од  цената ќе се види многу пошироко во 2023 година од кога било досега.

македонија3 часа ago

„Алкалоид“ со донација на течен „Омепразол“ ќе го помогне лекувањето на околу 200 деца

банки2 дена ago

Комерцијална банка прва во земјава воведе тактилни платежни картички прилагодени и за слепи лица

свет2 дена ago

Предлог акција за оваа недела: Orlen S.A.

свет2 дена ago

Скокнаа цените на нафтата, гасот, бакарот и алуминиумот

технологии / компании2 дена ago

ЕУ има амбиција да стане „квантна долина на светот“, а хрватски научници имаат голем удел во тоа

регион2 дена ago

Марко Чадеж, Српска стопанска комора: Нашите компании ги мачи финансирањето и недостиг на кадри

македонија2 дена ago

Судбината на фабриката во Бунарџик неизвесна, но можно е и целото производство да се префрли во Македонија

македонија2 дена ago

Македонските е-трговци направиле промет од 453 милиони евра лани

економија2 дена ago

„Зелените“ кредити со годишен раст од речиси 30%

економија2 дена ago

Истражување: Инфлацијата е главен фактор за финансиски стрес

економија2 дена ago

Истражување: Инфлацијата е главен фактор за финансиски стрес

регион2 дена ago

Марко Чадеж, Српска стопанска комора: Нашите компании ги мачи финансирањето и недостиг на кадри

свет2 дена ago

Скокнаа цените на нафтата, гасот, бакарот и алуминиумот

технологии / компании2 дена ago

ЕУ има амбиција да стане „квантна долина на светот“, а хрватски научници имаат голем удел во тоа

економија2 дена ago

„Зелените“ кредити со годишен раст од речиси 30%

македонија2 дена ago

Судбината на фабриката во Бунарџик неизвесна, но можно е и целото производство да се префрли во Македонија

свет2 дена ago

Следната година сонцето и нас ќе нѐ стемни

менаџмент / маркетинг2 дена ago

Како да ги демотивирате вработените и избркате најдобрите

македонија2 дена ago

Македонските е-трговци направиле промет од 453 милиони евра лани

банки2 дена ago

Комерцијална банка прва во земјава воведе тактилни платежни картички прилагодени и за слепи лица