Поранешниот комичар се бори со најголемата трагедија на својата земја

Украинскиот претседател Володимир Зеленски и самиот е веројатно  е цел на руските напаѓачи додека трае инвазијата, па сепак, се јавува често од својот кабинет во Киев, обраќајќи ѝ се на нацијата и на целиот свет, покажувајќи дека е тука, со своите луѓе. Кога се нафатил да ја води својата земја, поранешниот актер на комедијата веројатно не ни можел да сонува дека ќе дојде денот кога ќе биде предводник на украинскиот  народ  во најголемата трагедија со која се соочува во модерното време. Западните земји наметнаа економски санкции врз Русија за да извршат притисок врз рускиот претседател Путин, но суштинската помош за Украина во вид на воена поддршка и сл., изостанува поради добро познатите констелации на односите помеѓу НАТО и Русија, коишто поседуваат нуклеарен арсенал. Апелот на Зеленски е во стилот “ве преколнувам луѓе, сторете нешто повеќе, бидејќи сега е во Украина, утре ужасот ќе биде и во вашиот двор.“