Почина кралицата Елизабета Втора, монархот што најдолго владееше со Велика Британија

Кралицата дојде на тронот во 1952 година и беше сведок на огромни општествени промени.

Кралицата Елизабета Втора, монархот со најдолг стаж во Обединетото Кралство, почина денеска попладнево во замокот Балморал на 96-годишна возраст, откако владееше 70 години.

Нејзиното семејство се собра денеска на нејзиниот имот во Шкотска, откако претходно се зголеми загриженоста за нејзиното здравје.

Кралицата дојде на тронот во 1952 година и беше сведок на огромни општествени промени.

По нејзината смрт, нејзиниот најстар син Чарлс, поранешниот принц од Велс, ќе ја води земјата во деновите на жалост како нов крал и шеф на државата за 14 територии под Комонвелтот.

Во соопштението, Бакингемската палата изјави: „Кралицата почина мирно во Балморал попладнево. Кралот и неговата сопруга ќе останат во Балморал оваа вечер и утре ќе се вратат во Лондон“.

Сите деца на кралицата отпатувале во Балморал, во близина на Абердин, откако лекарите ја ставиле кралицата под медицински надзор.

Таму е и нејзиниот внук, принцот Вилијам, а се очекуваше да пристигне и неговиот брат , принцот Хари.