Connect with us

регион

Почнува изградбата на гасниот терминал во грчки Александруполис каде што Македонија има 10% удел

објавено

на

Македонскиот удел во двата проекта значи инвестиција од 25% во гасната централа на природен гас од 800 мегавати, за која проценетата инвестиција е над 380 милиони евра, и 10% во гасниот терминал, што значи учество во  вредност од околу 370 милиони евра.

Денеска почнува изградбата на новиот терминал за складирање и гасификација на течен природен гас во грчкиот пристанишен град Александруполис, преку кој се очекува за помалку од 20 месеци да потечат првите кубни метри течен природен гас (ЛНГ) од Азербејџан односно од САД и други земји.

Со проектот кој е прогласен за проект од посебен интерес на Европската Унија која ја одобри грчката мерка за поддршка вредна 166,7 милиони евра за изградба на терминалот, се очекува Македонија да ги зголеми капацитетите за дотур на гас во земјава  што би влијаело врз либерализацијата на пазарот, а со тоа и врз конкурентноста на цените.

Договорот  со Грција за изградба на прекуграничен интерконектор за природен гас во вредност од 100 милиони евра, нашата влада го потпиша во јули. Оваа можност се цени како нова независна енергетска порта за пазарите во Југоисточна и Централна Европа. Станицата ќе има капацитет за складирање на (ЛНГ) од 170.000 кубни метри и капацитет за снабдување со природен гас кој ќе надмине 5,5 милијарди кубни метри годишно.

Македонија ќе учествува со вкупно 750 милиони евра во инвестициите

ЛНГ конкретно ќе се продава на пазарите во Грција, Бугарија и во поширокиот регион; од Романија, Србија и Северна Македонија, до Молдавија и Украина.

Македонскиот удел во двата проекта значи инвестиција од 25% во гасната централа на природен гас од 800 мегавати, за која проценетата инвестиција е над 380 милиони евра, и 10% во гасниот терминал, што значи учество во  вредност од околу 370 милиони евра.

Премиерот Димитар Ковачевски во пресрет на свечената церемонија на започнување на реализацијата на изградбата на терминалот за течен природен гас , оствари средба со амбасадорот на САД во Грција Џефри Пајат, како и со амбасадорката на САД во Северна Македонија Кејт Мари Брнз.

На средбата присуствуваа и министерот за животна средина и енергија на Република Грција, Костас Скрекас, вицепремиерот за економски прашања и координација на економските ресори и инвестиции, Фатмир Битиќи и министерот за економија, Крешник Бектеши.

На средбата со фокус на енергетско-економските иницијативи, премиерот Ковачевски изрази благодарност за севкупната поддршка што Северна Македонија ја добива од САД во континуитет како и за важноста од стратешкиот енергетски проект за целиот регион.

Ковачевски и Пајат разговараа за важноста од развојот на регионалниот енергетски проект „Александруполи“ со што се отвора можноста за сигурно и безбедно снабдување со природен гас од различни добавувачи, диверзификација на изворите и пат за Северна Македонија и регионот да станат енергетски независни.

Проект од историско значење

За македонските власти, учеството во проектот е од историско значење. Очекувањата се дека покрај зацврстување на соработката на полето на енергетиката со компании од Грција, ќе се обезбеди трајно и стабилно снабдување на природен гас за земјата, но и дополнителна можност за негова дистрибуција и во регионот. Ова е прв пат по 30 години Македонија да обезбедува нова, уште една линија за проток на природен гас и да го обезбеди снабдувањето за наредните 15 години. 

Експертската јавност нема дилеми дека учеството во вакви големи енергетски проекти носи бенефит, дилемите единствено се присутни за тоа какви и колкави ќе бидат тие пред се поради тоа што станува збор за инвестиција надвор од државата.

Со овој важен проект очекувањата во регионот се да се диверзифицираат  изворите за снабдување со природен гас, не само за секоја од земјите поединечно, туку и на целиот Балкански Полуостров, општо.

свет4 дена ago

Најголемите технолошки компании загубија 1.000 милијарди долари пазарна вредност за само три дена

македонија4 дена ago

AETM лансираше ‘Алијанса за родова еднаквост на работното место’

интервју1 ден ago

Со нашиот извонреден тим ќе бидеме партнер  и  движечка  сила на македонската економија

свет5 дена ago

„Ако умрам под мистериозни околности…“ – дали Илон Маск се плаши од руска одмазда поради помошта на Украина или пак си игра мајтап?

економија3 дена ago

Инфлацијата прави проблеми, Народната банка ја зголеми повторно каматната стапка за 0,25 п.п.

регион2 дена ago

Мукаетов од бизнис конференција во Белград: Мораме да ги задржиме талентите во регионов!

македонија5 дена ago

Вселенската патријаршија ја призна МПЦ за канонска

економија3 дена ago

Важно за мали и средни компании: Oд денес почна аплицирањето за новата бескаматна кредитна линија од Развојната банка

технологии / компании1 ден ago

Откриена можност за поевтино производство на микрочипови

менаџмент / маркетинг1 ден ago

Decision Intelligence за полесно донесување квалитетни одлуки