Connect with us

македонија

Прва Конференција за комерцијални недвижности во Македонија на Фортонмка: Стремеж за менување на пазарот кон подобро

Фортонмкa ја организираше првата Конференција за комерцијални недвижности во Македонија

објавено

на

Конференцијата e организирана со цел поттикнување на бизнис можности и соработка, а опфати различни прашања и предизвици поврзани со сите аспекти поврзани со инвестициите во комерцијален недвижен имот, како сектор кој постојано еволуира последните години.

Хотелот Дабл Три Хилтон во Скопје беше место каде што на 10 мај годинава беа собрани практично сите што нешто значат во светот на недвижностите во Македонија, но имаше гости и  од регионот и пошироко. Во организација на Фортонмка се случи првата Конференција за комерцијални недвижности во земјава, можност локални и меѓународни професионалци и експерти од секторот да се сретнат и да разменат знаења и искуства.

Конференцијата се организира со цел поттикнување на бизнис можности и соработка, а опфати различни прашања и предизвици поврзани со сите аспекти поврзани со инвестициите во комерцијален недвижен имот, како сектор кој постојано еволуира последните години. Преку своето присуство, професионалци од сите сегменти на комерцијалните недвижности, финансиски експерти, инвеститори од државата и од Централна и Југоисточна Европа имаа можност да разговараат и споделат мислење на актуелни теми.

Коорганизатор на Конференцијата е агенцијата Кликер Маркетинг, а ексклузивен медиумски партнер Капитал.

Конференцијата ја отвори со поздравен говор извршната директорка на Фортонмка, Катарина Николов, којашто рече дека оваа конференција е нивни придонес кон целиот сектор на комерцијални недвижности, со цел пазарот да оди само по нагорна линија.

Катарина Николов, главен извршен директор на Фортонмка ја отвори Конференцијата и порача дека ова е нивниот компаниски придонес кон менување на пазарот на недвижности кон подобро.

„Важно е нашиот тим да е постојано во тек со случувањата во регионот, па и пошироко, како секогаш би ја гледале ‘големата слика’ на нештата. Присутни сме на конференции за недвижности од каде што носиме идеи, или ги  добиваме релевантните информации во врска со актуелни теми во недвижностите. Но, нашето најголемо знаење и експертиза, доаѓа од 12 години посветена работа на македонскиот пазар. Така,  и оваа конференција значи голема посветеност, насочен ангажман од наша страна. “, истакна Николов.

Додадена вредност

Првата Конференција за комерцијални недвижности беше поделена на шест панели, секој со интересна и значајна тема за дискусија, почнувајќи од можностите и перспективи за инвестирање во недвижности на пазарите во развој; финансирањето на проекти; развој на логистички паркови; иднината на канцеларискиот простор; концептот на ЕSG во комерцијалните недвижности; и на крајот, можеби темата најинтересна за пошироката јавност, резиденцијалните недвижности.

Олга Дервенџи, менаџер за бизнис развој во Фортонмка, беше и учесник на панелот „Инвестиции на пазари во развој“.

Организаторот Фортонмка е македонска советодавна компанија која на домашниот пазар за недвижности работи веќе 12 години.

Фортонмка успешно посредува во сите сегменти на комерцијалните недвижности: физибилити студии и истражувања на пазарот, исплатливост на вложување во проекти, пристап до финансирање, управување со проекти, изнајмување на малопродажен (retail) простор, изнајмување на канцелариски простор, магацини, индустриски објекти и  земјишта.

На годишно ниво Фортонмка обезбедува советодавни услуги за развој на повеќе од 500.000 м2 недвижен имот во вкупна вредност од над 50 милиони евра.

„Фортонмка е дел од проекти со најразличен формат. Додадената вредност е во познавањето како се одвива процесот, како се создава квалитетен имот, како од една мала идеја, создаваме проект кој потоа може да има пазарна вредност од, на пример, 30 милиони евра. Го предвидуваме и максимизираме повратот на инвестицијата, а истовремено имплементираме долгорочни стратегии за одржливи имоти. Нашиот пазар не е ниту мал, ниту за потценување. Со таа цел ја иницираме и организираме оваа прва конференција, каде што сите домашни и меѓународни професионалци од областа за прв пат се на едно место. Се радуваме што создадовме можност да бидеме гласни во споделување на поривот да го мапираме македонскиот пазар во светските трендови. Ова е нашиот придонес кон менување на пазарот кон подобро“, изјави Катарина Николов, главен извршен директор на Фортонмка.

економија6 часа ago

Уште една одлична година за Алкалоид: раст на продажбите, извозот и добивката

банки2 дена ago

Супер камати за супер брзите бизнис кредити од УНИБанка!

свет2 дена ago

Време е за купување на NUCOR!

свет1 недела ago

Време ли е за продавање на акциите од Apple?

банки1 недела ago

Потрошувачки кредит на УНИБанка АД Скопје со одлична понуда за рефинансирање и бонус од 1.000 денари при онлајн аплицирање

македонија1 недела ago

„Алкалоид“ АД Скопје со историско достигнување во третманот на рефлуксен езофагитис и ГЕРБ – патентиран првиот Омепразол во течна форма во светот

технологии / компании2 недели ago

Кои се главните предности на генеративната вештачка интелигенција

менаџмент / маркетинг2 недели ago

Кој ќе господари со бизнисот во ниската земјина орбита: Една вселенска станица ќе се пензионира, многу нови ќе се појават

регион2 недели ago

Доаѓаат супер-богати купци на недвижнини од цел свет, сплитска агенција ќе им биде ексклузивен партнер

интервју2 недели ago

Фабрис Перушко: Кога се нафатив да го водам стечајот на Агрокор многумина ми изразуваа сочувство