Продажбата на обврзници во Европа во јануари руши рекорди

Понудите од Велика Британија и ЕУ во вторникот ја поттурнаа продажбата на целиот пазар на речиси 245 милијарди евра, пишува Блумберг.

Во брзањето да ја пресретнат новата рунда на подигање на каматните стапки што следи на почетокот на февруари, должниците поитаа пред инвеститорите, па првиот месец годинава продажбата на долгот во Европа проби 240 милијарди долари, надминувајќи го претходниот рекорд од јануари 2020.

Понудите од Велика Британија и ЕУ во вторникот ја поттурнаа продажбата на целиот пазар на речиси 245 милијарди евра, пишува Блумберг.

Бројката не е конечна затоа што Шпанија и германската сојузна покраина Северна Рајна – Вестфалија се придружуваат кон списокот на издавачи што планираат задолжување на пазарот, со што е надминат претходниот рекорд од околу 239 милијарди евра од истиот месец пред три години.

Издавачите на обврзници само стануваат повеќе свесни дека кога постои можност, само треба да се сигурни дека ќе излезат на пазарот, а не да чекаат, велат аналитичарите.

Годинава и Европската централна банка, исто така, прилично ќе влијае врз движењето на својата каматна стапка, па издавачите очекуваат само да биде поскапа продажбата на обврзници, особено ако ги издадете на краток рок.

Особено активни месецов се финансиските институции во намера да го пополнат кусокот финансирање пред отплатите на поевтините заеми од ЕЦБ од периодот на пандемијата.

Тоа доведе до рекорден неделен промет со должнички инструменти во еврозоната, со повеќе од 100 милијарди евра прибрани за пет дена, до 13 јануари.