Connect with us

економија

Прометот на Македонска берза лани поголем за 57%, индексот со пораст од 31%

објавено

на

Најтргувана е акцијата на Комерцијална банка, со вкупен промет од 61,3 милиони евра, што е речиси третина од целиот промет на Берзата. Најголем пораст од „блу чиповите“, повторно Комерцијална банка, од 60,6%.

Вкупниот промет реализиран на Македонската берза минатата година изнесувал 12,85 милијарди денари (209 милиони евра), што е за 56,8% повеќе во однос на 2020 година, покажува годишниот статистички билтен на Берзата.

Македонскиот берзански индекс МБИ10 во текот на 2021 година пораснал за речиси 31%, додека бројот на трансакции остварени на Берзата е за 9% поголем. Пазарната капитализација на акциите на Берзата на последниот ден од тргувањето во годината изнесувала 223,9 милијарди денари (3,64 милијарди евра).

Во класично тргување лани е направен промет од 6,74 милијарди денари (109,5 милиони евра), или за 12,5% повеќе од годината претходно. Од овој износ, 5,4 милијарди денари (87,7 милиони евра) се реализирани во тргување со акции, каде што се забележува пад од 5% на годишно ниво, но затоа пак кај тргувањето со обврзници забележан е раст од дури 372%, на 1,34 милијарди денари (21,8 милиони евра).

Во 2021 година на Берзата имаше голем раст и кај блок трансакциите, од речиси 200%, при што се истргуваа  акции за нешто над 6 милијарди денари (98,7 милиони евра).

Најтргувани акции на Македонската берза лани биле на Комерцијална банка, со вкупен промет од 3,78 милијарди денари (61,3 милиони евра), што е без малку 30% од вкупниот промет на берзата. Во класично тргување со оваа акција е направен промет од 32,6 милиони евра, што е исто така, околу 30% од вкупното класично тргување на Берзата лани. Во рамки на акциите што го сочинуваат МБИ10 индексот, односно најликвидните акции на Берзата, акцијата на Комерцијална банка лани учествувала со 51,6% во вкупниот промет.

Втора според вкупниот промет е акцијата на НЛБ Банка, со нешто над една милијарда денари (16,7 милиони евра), пред онаа на Алкалоид со 845 милиони денари (13,7 милиони евра), Гранит со 547,5 милиони денари (8,9 милиони евра), итн.

Најголем пораст на вредноста меѓу акциите на Официјалниот пазар имала на Интерпромет Тетово, од 200%, а следат Тутунски комбинат Прилеп (61,3%), Комерцијална банка (60,6%), НЛБ Банка (58,6%) и Макстил (53,6%). Најголем пад на вредноста лани забележале акциите на Сковин (-64%), Скопски пазар (-40,25), Бетон Скопје (-38,7%), итн.

Меѓу акциите од МБИ10 индексот, најголем пораст лани имала Комерцијална банка (60,6%), НЛБ Банка (58,6%), Алкалоид (39,6%), Гранит (24,5%), Стопанска банка Скопје (19,9%), итн.

свет21 час ago

Македонката Светлана Мојсов, светски познат научник, е избрана меѓу 100-те највлијателни луѓе на планетава според магазинот Тајм

македонија23 часа ago

Комерцијална банка е најпосакуван работодавач во 2023 во категоријата Банкарство и финансии

економија23 часа ago

Ангеловска – Бежоска: Каматната стапка ќе ја намалиме во втората половина од годинава, доколку не се остварат позначителни ризици

македонија2 дена ago

„Алкалоид“ најпосакуван работодавач за 2023 година – апсолутен победник според „Вработување.ком“

македонија3 дена ago

„Алкалоид“ со донација на течен „Омепразол“ ќе го помогне лекувањето на околу 200 деца

банки5 дена ago

Комерцијална банка прва во земјава воведе тактилни платежни картички прилагодени и за слепи лица

свет5 дена ago

Предлог акција за оваа недела: Orlen S.A.

свет5 дена ago

Скокнаа цените на нафтата, гасот, бакарот и алуминиумот

технологии / компании5 дена ago

ЕУ има амбиција да стане „квантна долина на светот“, а хрватски научници имаат голем удел во тоа

регион5 дена ago

Марко Чадеж, Српска стопанска комора: Нашите компании ги мачи финансирањето и недостиг на кадри

свет5 дена ago

Скокнаа цените на нафтата, гасот, бакарот и алуминиумот

регион5 дена ago

Марко Чадеж, Српска стопанска комора: Нашите компании ги мачи финансирањето и недостиг на кадри

македонија5 дена ago

Судбината на фабриката во Бунарџик неизвесна, но можно е и целото производство да се префрли во Македонија

економија5 дена ago

Истражување: Инфлацијата е главен фактор за финансиски стрес

технологии / компании5 дена ago

ЕУ има амбиција да стане „квантна долина на светот“, а хрватски научници имаат голем удел во тоа

економија5 дена ago

„Зелените“ кредити со годишен раст од речиси 30%

македонија5 дена ago

Македонските е-трговци направиле промет од 453 милиони евра лани

свет5 дена ago

Следната година сонцето и нас ќе нѐ стемни

менаџмент / маркетинг5 дена ago

Како да ги демотивирате вработените и избркате најдобрите

свет5 дена ago

Предлог акција за оваа недела: Orlen S.A.