Connect with us

македонија

Промовиран проект на УСАИД – дигитални алатки за развој на локална филантропија и вклученост на граѓаните во заедницата

објавено

на

Преку употреба на дигитални алатки и присуство на терен, граѓаните ќе можат да одредуваат приоритети и заеднички да спроведуваат финансиски решенија во својата локална заедница. Овој проект го спроведува  асоцијацијата Конект и во првата фаза ќе соработува со шест општини: Гевгелија, Гостивар, Охрид, Струмица, Чаир и Шуто Оризари.

Денес, 23.08.2023 година, се одржа промоцијата на проектот на УСАИД „Здружи се за заедницата“ каде беше презентиран моделот за развивање на филантропијата на локално ниво и зголемено вклучување на граѓаните во идентификување и решавање на предизвиците со кои тие се соочуваат во своето секојдневие. Преку употреба на дигитални алатки и присуство на терен, граѓаните ќе можат да одредуваат приоритети и заеднички да спроведуваат финансиски решенија во својата локална заедница. Овој проект го спроведува  асоцијацијата Конект и во првата фаза ќе соработува со шест општини: Гевгелија, Гостивар, Охрид, Струмица, Чаир и Шуто Оризари.

На промоцијата воведно обраќање имаше Никица Кусиникова, извршна директорка на Здружението Конект која истакна дека: „Нашиот развој како држава зависи од тоа колку се моќни заедниците во нејзе. Tеренските истражувања ни покажаа дека се слаби врските помеѓу различните чинители: локалните институции, граѓанските организации, бизнисите, медиумите и други. Значајно е да работиме на овие релации и секоја општина, населба, маало или село она што го има како ресурси да го стави во функција на свој одржлив развој и да си ги решава проблемите на своите жители. Не треба да чекаме решенијата да дојдат од некаде горе, туку низ соработка треба заеднички да ги создаваме. Ниту една важна промена не може да биде направена од еден сектор. Се надеваме дека во овие 5 години ќе помогнеме да се создадат многу локални успешни приказни што покажуваат дека нашите заедници се витални и подготвени да инвестираат во својот напредок. Очекуваме поддршка од медиумите за добрите вести да одекнуваат и инспирираат други.”

Претставничката на Канцеларијата на УСАИД, Џери Дајбл рече: „УСАИД одржува силно партнерство со македонскиот народ веќе 30 години. Како што земјата го продолжува својот пат кон целосна евроатлантска интеграција, нашиот фокус сѐ повеќе се насочува кон соработка со локалните организации. Заедно, имаме за цел да ги поттикнеме заедниците да планираат, финансираат и имплементираат решенија кои ги задоволуваат нивните најитни потреби.”

Во рамките на Проектот, првично ќе бидат идентификувани граѓански организации кои имаат потенцијал да служат како „јадра“ за граѓаните да може да се вклучат активно во идентификување на проблемите и потребите на локалните заедници и да воспостават партнерства меѓу граѓанските организации, приватниот сектор и општините со цел да се искористат сите локални ресурси во подобрувањето на живеењето во општините. Освен локалните акциски јадра, Конект им обезбедува на општините и на граѓаните и платформа за граѓанско учество „Комунити“ која овозможува директна комуникација меѓу граѓаните и општините околу решавањето на идентификуваните приоритети на заедницата. Целта е да се зајакне и олесни собирањето средства од локални донатори за овие иницијативи на инклузивен, ефективен и одржлив начин.

Воедно, на настанот беше презентиран Извештајот за проценка на капацитетите за самоодржливост во избраните општини, во кој се прикажани резултатите од истражувањето на нивото на соработка помеѓу локалната самоуправа, компаниите и граѓанските организации, и достапноста на локални ресурси. Генерален заклучок на извештајот е дека недостига системска меѓусекторска соработка помеѓу компаниите, граѓанските организации и локалната самоуправа која ќе ги вклучи сите чинители на сеопфатен начин. Компаниите се дел

од заедницата и треба да бидат активно вклучени во локалниот развој и процесот на одлучување. Од друга страна, извештајот нотира дека постојат домашни ресурси кои би можеле да се мобилизираат од приватниот сектор, како и ресурси кои би можеле да се мобилизираат преку меѓусекторски активности на јавниот,приватниот и граѓанскиот сектор кои ќе придонесат за самоодржливост на заедниците. Настанот беше организиран од проектот на УСАИД „Здружи се за заедницата“, спроведуван од асоцијацијата Конект, a во партнерство со Фондацијата Аполонија, Индиго и ЕВН.

свет6 часа ago

BlackRock, најголемиот инвестициски фонд во светот, менаџира средства колку економиите на Германија, В. Британија и Франција заедно

банки7 часа ago

ПроКредит Куманово на нова локација во строгиот центар на градот

македонија5 дена ago

@media: Иднината на пазарот за рекламирање

економија1 недела ago

Мукаетов за магазинот “The Region“: Нашите брендови се дел од секојдневието на луѓето

македонија1 недела ago

Универзитетот Американ Колеџ Скопје почна соработка со City College of New York од САД

банки1 недела ago

УНИБанка втора година по ред е поддржувач на најзначајната културна манифестација „Охридско лето“  

економија1 недела ago

Стимулирање на иновациите во Scalefocus: Како ги мотивираме ИТ професионалците да бидат иновативни

интервју2 недели ago

Гоце Сиваков:  Нашите клиенти веќе ги чувствуваат бенефитите од фактот дека УНИ Банка е дигитално и технолошки напредна банка!

економија2 недели ago

Стручна обука за општествена одговорност и прв „директорски појадок“ на Клубот на одговорни бизниси

економија2 недели ago

Мукаетов на насловна на престижниот романски магазин „Бизнис“: Романија е стратешки пазар за „Алкалоид“