Развојната банка со нова кредитна линија за обртни средства за микро, мали и средни компании

Минималниот износ на кредит е 185.000 денари, додека максималниот износ на кредит е 1.845.000 денари за  микро, мали и средни трговски друштва односно 615.000 денари за трговци поединци и занаетчии.

Микро, мали и средни компании, трговци поединци и занаетчии погодени од енергетската и ценовната криза од 26 декември 2022 година ќе можат да аплицираат за средства од новата кредитна линија наменета за обртни средства. Јавниот повик ќе трае 15 дена, а барањето за кредит субјектите може да го достават електронски на посебна е-маил адреса.

Кредитната линија е наменета за микро, мали и средни претпријатија, трговци поединци и занаетчии кои плаќаат данок на реален приход и се регистрирани во Република Северна Македонија. Компаниите треба да бидат во приватна сопственост на правни и физички лица од најмалку 51%, како што е објавено во јавниот повик.

Минималниот износ на кредит е 185.000 денари, додека максималниот износ на кредит е 1.845.000 денари за  микро, мали и средни трговски друштва односно 615.000 денари за трговци поединци и занаетчии. Рокот на отплата е од 18 до 36 месеци со вклучен грејс период од 6 месеци и во двата случаи. Каматната стапка е 2%.

Јавниот повик е објавен денеска, 19.12.2022 година, и ќе трае 15 дена сметано од 26 декември 2022 година од 09:00 часот до 9 јануари 2023 година до 09:00 часот. Поднесувањето на кредитните барања ќе се одвива по електронски пат на е-маил адресата eckriza@mbdp.com.mk по принципот прв дојден, прв услужен.