Connect with us

економија

Развојна банка: Бескаматни кредити за радија и телевизии од шестиот пакет мерки

објавено

на

Преку јавен повик ќе им биде овозможено на медиумите да користат бескаматен кредит со рок на отплата од 48 месеци и грејс период од 12 месеци. Уште една мерка е новиот модел за субвенционирање на трошок на компании кои ќе ја реинвестираат остварената добивка. Ова, како што појасни директорот на Развојната банка Кире Наумов, нема да биде нова кредитна линија, туку ќе биде нов модул за субвенционирање на каматниот трошок.

Директорот на Развојната банка на Република Северна Македонија, Кире Наумов на денешната прес-конференција претстави две мерки од шестиот пакет мерки, кои ќе се реализираат преку Банката. Првата мерка е нова бескаматна кредитна линија, а втората е нов модел за субвенционирање на трошок на компании кои ќе ја реинвестирале остварената добивка, пренесе МИА.

„Оваа кредитна линија налик на ковид 1, наменски ќе ги таргетира субјектите кои се активни во дејноста на емитување радио и телевизиска програма. Во следниот период согласно заклучоците на Владата, со економските ресори ќе работиме на конкретно операционализирање на оваа мерка. Преку јавен повик ќе им биде овозможено на медиумите да користат бескаматен кредит со рок на отплата од 48 месеци и грејс период од 12 месеци. Очекуваме преку оваа мерка да се обезбеди поддршка на ликвидноста на компанитте од оваа дејност“, рече Наумов.

Додаде дека втората мерка е нов модел за субвенционирање на трошок на компании кои ќе ја реинвестираат остварената добивка. Ова, како што појасни, нема да биде нова кредитна линија, туку ќе биде нов модул за субвенционирање на каматниот трошок. Развојната банка ќе соработува со економските ресори и Македонската банкарска асоцијација за да развиеме модел каде крајните корисници ефективно ќе имаат нула камата за новоодобрените средства од деловните банки, рече Наумов.

Потсети дека преку Развојната банка досега се реализирани повеќе мерки од сите пет пакети.
-Прво, вкупно 50,9 милиони евра кредити со поволна каматна стапка банката пласираше до 186 домашни компании преку деловните банки за поддршка на проекти преку кои е предвидено вработување на најмалку нови 605 лица. Воведовме нов производ – царинска гаранција за да го олесниме извозот на компаниите кои прават увоз заради облагородување и повторен извоз. Со царинската гаранција од 250 илјади евра ги поддржуваме малите и средните компании од сите дејности, а со гаранција од 390 илјади евра ги подржуваме и компаниите од преработувачката индустрија. Трето, преку бескаматните кредити за домашни компании, трговски поединци, занаетчии досега поддржавме 4.807 субјекти кои заедно вработуваат 36.802 вработени, рече Наумов и додаде дека вкупниот износ на сите три бескаматни кредити 44,1 милион евра.

Најави дека оваа недела во наредните седум дена очекува Владата да дискутира за условите и критериумите на ковид четири линијата, по што ќе преземат чекори заедно со ресорните министри да ја операционализираат и оваа бескаматна кредитна линија.

Continue Reading
Click to comment

Leave a Reply

Вашата адреса за е-пошта нема да биде објавена.

свет3 дена ago

Најголемите технолошки компании загубија 1.000 милијарди долари пазарна вредност за само три дена

свет4 дена ago

„Ако умрам под мистериозни околности…“ – дали Илон Маск се плаши од руска одмазда поради помошта на Украина или пак си игра мајтап?

македонија4 дена ago

Вселенската патријаршија ја призна МПЦ за канонска

економија2 дена ago

Инфлацијата прави проблеми, Народната банка ја зголеми повторно каматната стапка за 0,25 п.п.

македонија3 дена ago

AETM лансираше ‘Алијанса за родова еднаквост на работното место’

технологии / компании4 часа ago

Откриена можност за поевтино производство на микрочипови

менаџмент / маркетинг4 часа ago

Decision Intelligence за полесно донесување квалитетни одлуки

менаџмент / маркетинг4 часа ago

Рекоа за…патриотизмот

политика4 часа ago

Владата е најголем работодавач – тоа е основа за корупција!

економија2 дена ago

Важно за мали и средни компании: Oд денес почна аплицирањето за новата бескаматна кредитна линија од Развојната банка