Рекоа за…преземањето ризици

Никој не може да биде вистински среќен или да ги постигне своите највисоки цели, доколку не преземе некаков ризик понекогаш. Ризик преземаме во многу ситуации во животот – од првиот чекор што го правиме кон остварување на нашите соништа, па до непријатниот разговор што можеби треба да го направиме со некој соработник. Ризик е кога вртиме нова страница во приватниот живот или кариерата, но ризик е и кога не преземаме ништо, седејќи во некаква си комфорна зона. Всушност, речиси секое решавање на проблем, или пак некаква иновација, си носи помал или поголем ризик. Но, без преземање ризик, нема никогаш да знаеме за што сè сме способни, туку ќе се предадеме на стравот, сомнежот и несигурноста.