економија
Самит Отворен Балкан: потпишани четири нови договори

Во рамки на денешниот Самит „Отворен Балкан“, премиерот Димитар Ковачевски заедно со лидерите од регионот, одржаа прес-конференција за медиуми, на која што лидерите од регионот испратија порака дека како држави и како влади, се солидаризираме и во заедничко справување со предизвиците во претстојниот зимски период, пред коишто е соочен целиот свет.
На самитот Отворен Балкан во Белград се потпишани нови договори за неограничена трговија со храна, како и кинематографија и аудио-визуелни активности во Западен Балкан.
- Договор за безбедност на храна
- Меморандум за разбирање во областа на кинематографијата за Западен Балкан
- Договор за соработка во областа на рударството и енергетската соработка
- Оперативен план од областа на цивилните вонредни состојби
На вториот ден од самитот, премиерот Еди Рама му честиташе на српскиот претседател Александер Вучиќ за ставот за спроведувањето на договорите меѓу Косово и Србија.
„Вчера можеше да биде уште еден ден, каде нашите и европските медиуми ќе беа преполни со вести за тоа што се случува на границата меѓу Србија и Косово. Вчерашниот ден покажа кој е патот и кој е изборот на Отворениот Балкан. Денеска со гордост сакам да кажам дека дури и решението за движење со лични карти е решение на Отворениот Балкан. Сакам да ја изразам мојата почит до претседателот на Србија, кој даде многу јасен сигнал до сите, дека првиот избор е мирот“, рече Рама.
Вучиќ рече дека е важно да се зајакне соработката меѓу земјите од регионот.
На овој самит беше поканет и министерот за надворешни работи на Турција, кој рече дека Турција ја поддржува оваа иницијатива и ја смета за мост меѓу регионот и Европската унија. Иницијативата „Отворен Балкан“ е продолжение на балканскиот „мини-шенген“, претставен во Нови Сад, Србија на 10 октомври 2019 година, од лидерите на Србија, Северна Македонија и Албанија.
Во рамки на денешниот Самит „Отворен Балкан“, премиерот Димитар Ковачевски заедно со лидерите од регионот, одржаа прес-конференција за медиуми, на која што лидерите од регионот испратија порака дека како држави и како влади, се солидаризираме и во заедничко справување со предизвиците во претстојниот зимски период, пред коишто е соочен целиот свет.
“Со иницијативата Отворен Балкан покажавме дека Северна Македонија, Србија и Албанија го направија вистинскиот чекор, во клучен момент. Заеднички решавајќи ги суштински прашања. И денес, исто како и вчера со отворањето на првиот меѓународен саем на вино храна и туризам, на кое овозможивме поврзување, можност за развој на регионалната и домашните економии, како и просперитет на регионот.
Овој саем немаше да биде можен доколку решивме да го правиме сите поединечно. Немаше да изгледа како најдобар саем било кога направен во Европа и пошироко туку напротив, тоа ќе беа веројатно мали изложби на вина кои ќе се случеа во три поединечни држави. Затоа сакам да се заблагодарам на сите кои учествуваа во реализацијата на овој саем. Особено да се заблагодарам на домаќините, на Република Србија, претседателот, премиерот и нивните тимови кои овозможија тоа да се случи тука во Белград.”, рече Ковачевски.
Тој додаде и дека покрај конкретни чекори за решавање на загрижувачкиот проблем со недостаток на храна со кој потенцијално се среќава светот, трите држави денеска се согласиле и за уште едно важно прашање, а тоа е соработката во енергетика и справувањето со енергетската криза.
Пред сѐ, ќе ги подобриме условите за меѓугранична трговија со електрична енергија. Тука, разговараме во насока на можноста да се оствари соработка помеѓу српската берза на електрична енергија и македонскиот оператор на организиран пазар на електрична енергија.
Ние како Влада на Република Северна Македонија ги ставаме во функција сите енергетски потенцијали, но како што истакна и претседателот Вучиќ, ако ние имаме производствени капацитети истовремено имаме и недостаток на суровини за производство на електрична енергија кои ги има или во Србија или во Албанија и затоа оваа регионална соработка е исклучително значајна.
Ние веќе имаме договор за соработката во заштитата од катастрофи за Западен Балкан за државите да можат да си помагаат, согласно расположливите капацитети. Но сега ги олеснуваме процедурите и го скратуваме времето потребно за распоредување помош, таму каде што е најпотребна, а се интензивира соработката и во намалувањето на ризиците од катастрофи.“