Connect with us

економија

Светската банка ја намали прогнозата за економскиот раст на Македонија годинава

објавено

на

Македонија и Босна и Херцеговина имаат најниска прогноза за растот во 2022, од 2,7%, меѓу шесте земји од Западен Балкан, се вели во најновиот редовен економски извештај на Светската банка за регионов.

Светската банка (СБ) ја намали прогнозата за економскиот раст на Македонија годинава, од 3,2% на 2,7%, затоа што закрепнувањето на земјата по пандемијата е прекинато поради ефектите од војната во Украина.  Оваа проекција, заедно со онаа на Босна и Херцеговина од исто така 2,7% е најниска меѓу шесте земји од Западен Балкан. Албанија се очекува да има раст на БДП од 3,2%. Косово од 3,9%, Црна Гора од 3,6%, Србија од 3,2%, додека просекот за целиот Западен Балкан е 3,1%. Истовремено, прогнозите на СБ за растот на економијата на ниво на ЕУ е 2,9%, додека за регионот на Централна и Источна Европа (Бугарија, Хрватска, Чешка, Унгарија, Полска и Романија) е 4,6%.

Шесте земји од регионот на Западен Балкан се соочуваат со нови економски предизвици, и покрај подоброто од очекуваното закрепнување од рецесијата предизвикана од пандемијата COVID-19, се вели во најновиот редовен економски извештај на СБ за Западен Балкан.

„Економиите од Западен Балкан, вклучително и Северна Македонија, забележаа солидно закрепнување на растот во 2021 година, но сега се соочуваат со нови предизвици поради војната во Украина, со зголемени цени на суровините, нарушувања во трговијата и инвестициските текови и зголемени финансиски трошоци“, вели Масимилијано Паолучи, директор на СБ за Северна Македонија и Косово.

„Како што се заоструваат трошоците за финансирање, Северна Македонија ќе треба да направи нов приоритет во  трошењата и да го зајакне собирањето даноци, со цел да ги намали грижите за одржливоста на долгот“.

Ризиците за економските изгледи на регионот се загрижувачки, се вели во извештајот на СБ. Проширен конфликт или продолжена војна во Украина може да предизвика дополнителни нарушувања на глобалната трговија и на цените на енергијата и храната. Може да се појават ризици по рефинансирањето  доколку условите на надворешниот финансиски пазар продолжат да се заоструваат. Одржливоста на долгот може да стане загрижувачка ако ограничениот фискален простор се нагризува со  мерките и политиките за ублажување на ефектите од  повисоките цени на енергијата и храната во услови на зголемени трошоци за рефинансирање.

„Во такво опкружување, владините  политики на земјите од Западен Балкан  треба да се фокусираат  на градење отпорност и на преземање структурни реформи за да се поддржи растот и да се управува низ кризата“, вели  Сања Маџаревиќ-Шујстер, виш економист на Светска банка и еден од главните  автори на извештајот.

„Со ограничен фискален простор, земјите ќе треба внимателно да ги одмерат трошоците и придобивките од новите обврски за трошење како одговор на повисоките цени на енергијата и храната, давајќи им приоритет на најранливите домаќинства“.

коментари3 дена ago

Со АмЧам на тема…Технолошката експанзија неминовно ја потенцира потребата од заштита на интелектуалната сопственост

македонија4 дена ago

„Алкалоид“ со две признанија за придонес во безбедноста и здравјето на своите вработени

македонија6 дена ago

Анализа на Инсајдер ИД и ЕБОР: Како „дише“ пазарот за широка потрошувачка во Македонија?

банки6 дена ago

ПроКредит Банка обезбеди дополнителни 60 милиони евра финансиска поддршка за македонските мали и средни претпријатија во соработка со ЕИФ

банки7 дена ago

Нова понуда на хипотекарен кредит од УНИБанка

економија1 недела ago

Брако ќе промовира ново електрично возило на саем во Минхен

банки3 недели ago

Годишниот Извештај за одржливост на ПроКредит Групацијата покажува значителен придонес врз општеството и животната средина

технологии / компании3 недели ago

Таман се навикнавме на четботовите, доаѓаат и AI агенти

регион3 недели ago

Букурешт, Загреб и Атина стануваат сѐ поголеми „чувари на податоци“ на светските технолошки компании

интервју3 недели ago

Марија Кукуноска: Безбедноста и заштитата се фундамент за успешен и одржлив бизнис во време на бројни ризици и кризи